ULANGAN 8:7 - Alkitab Singog In Mongondow Masa In Tanaa

⁷ Ki Tuhan Allahmu nodia kon i monimu pinobayá in butá inta mopia; butá inta mobayong in ongkag bo bokakánea, bo danow inta mointampurang monag kon ḷopá bo kon buḷud mita.

ULANGAN 8:7 Mawu Ofanana

KINOBAḺIAN 49:11

Ki adí in keledainea sinogotnea kon pangkoi, pangkoi in anggur inta totok in mopia. Sia in nomatá kon pakeangnea takin momaké in anggur, anggur ná kopura in dugú.

DATU MITA 2 18:32

moidapot in moiko pampingonku kon butá tobatú inta notongkai in butámu tontaní. Kon tua in oyúon in gobá in anggur inta mopomungai in anggur kon inimu, bo gobá in gandum inta mobogoi in topong sin kaanonmu. Kon butá tatua in mobayong in pangkoi in zaitun, ḷana in zaitun bo biluk. Aka moiko in dumudui kon onu inta pinogumanku tanaa kon inimu, yo mobiagbí in moiko, diábí matoi. Dika indongogan in ki Hizkia! Tongábí in sia monguboḷ kon i monimu takin moguman kon ki Tuhan in moposaḷamatbí kon i monimu.

MAZMUR 104:10

Pinoḷuai-Mu in bokaká mita kon ḷopá mita, tapá in moiḻig kon sigad in tombuḷud mita,

MAZMUR 106:24

Onda intua mosia nondoí kon butá inta mopia tatua popisí in diá mopirisaya kon dandi i Allah.

IḶUAIAN 3:8

Tuamai moponag in Akuoi sin mayá mopoḷuat kon i monia nongkon kawasa intau in Mesir bo modia kon i monia ḷumuai nongkon butá tatua mopobayá in butá tobatú inta moḷuas. Butánea nooyúon bo mopia totok, tanaa mako pinogutunan in bangusa Kanaan, bangusa in Het, Amori, Peris, Hewi bo Yebus.

YESAYA 36:17

modapot in moiko pampingonku kon ḻipú tobatú inta notombatangan in ḻipúmu tontaní. Kon tua oyúon in gobá in anggur inta mopomungai in anggur kon inimu, bo gobá in gandum inta mobogoi in topong baḻíon kaanonmu.

YESAYA 5:1

Indongogaipa in dondongku soaḷ gobá in anggur in yobayatku. Yobayatku oyúon in gobá in anggur kon obaga in buḷud inta noḷumbá.

YEREMIA 2:7

Mayá in butá inta mopia inatod-Ku in mosia sin mokaan kon bungai mita in pinomuḷa bo bayongan in inta mopia kon tua. Táe kon tua butá-Ku in pinonajisdon monia bo kapunyaan-Ku in binaḻí monia mokorongó.

YEHEZKIEL 17:5

Onda intua ginamánea in totanga in pinomuḷa inta noguodpa nongkon butá in Israel, bo pinomuḷanea kon gobá inta mopia, inta diá kodai-daitan in tubig.

YEHEZKIEL 20:6

Kon dodai intua Akuoi in mongibot kon modia kon i monia ḷumuai nongkon Mesir bo mayá in butá inta piniḻí-Ku ogoi kon i monia. Butá tatua in nooyúon bo noḷumbá, butá inta totok in mopia kon sinangkub in dunia.

ULANGAN 8:6

Dá aidaidon in bayongan inta pinarenta i Tuhan Allahmu. Kobiagdon podudui in hukum-Nea mita bo horomatdon in Sia.

ULANGAN 8:8

Butá tatua nobogoi in noyagi-yagimai in gandum, anggur, bungai in ara, bungai in delima, pangkoi in zaitun bo biluk.