ULANGAN 8:5 - Alkitab Singog In Mongondow Masa In Tanaa

⁵ Toropdon kon ki Tuhan Allahmu motundú kon i monimu naonda bo ki amá motundú kon i adínea mita.

ULANGAN 8:5 Mawu Ofanana

SAMUEL 2 7:14

Akuoi in mobaḻí ki Amánea, bo sia in mobaḻí ki adí-Ku ḷoḷaki. Aka mogaid in sia kon inta moitaḷá, yo hukumon-Ku in sia ná guyanga ḷoḷaki mohukum kon i adínea.

MAZMUR 89:32

aka mosia in diá mopandungmai kon inta ain sinantú-Ku bo monaḷámai kon atorang-Ku,

MAZMUR 94:12

Pia in kamang in intau inta sinundú-Mu, o Tuhan, intau inta sinundúan-Mu in hukum-Mu mita.

AMSAL 13:24

Diá moḷubag kon adí, yo mangaḻenea kon tua in diábí motabi kon inia; aka motabi, yo mustibí mokobaḻí in moḷubag kon inia.

AMSAL 3:11

Aka ki Tuhan mosambok kon inimu, adíku, baḻí intua tobatú tompoingat, bo dika tumorú in iko kon totundú-Nea tatua.

AMSAL 3:12

Ki Tuhan in mosambok kon intau inta kinotabi-Nea, naonda guyanga ḷoḷaki mosambok kon i adínea inta kinotabinea.

MOHOHUTUBA 7:14

Dá, kosanangdon aka iko bo nokouḻí kon inta sinayakmu. Táe aka iko bo kinoantugan in bodito, yo dika koḻiongan kon ki Allahbí in nobogoi doyowa tatua. Diábí kotaauan naton mongo onu in mobaḻí moiduduimai.

YESAYA 1:3

Sapi in kotaauanneabí in kitoginea, keledai in monotaaubí kon tampat pongogaanan inta sinadia i tuangnea. Táe umat-Ku Israel in diá; diábí in mosia nonotaau intua.”

YEHEZKIEL 12:3

Tuamai, ei intau inta ilo-ilow, kon wakutu in mobayagpa, dá touḷutdon in pakakatmu mita bakut ná biasamai aidan in intau mita inta iḷumbú. Kon dodai in diápa modoḷom taḷaaidon in baḷoimu koonto-ontong in intau ná intau mita inta diaan kon poḷumbúan. Ḷombangaidon in baḷoimu koonto-ontong in intau mita momomarontak tatua, bo diádon in binantaḷ in pakakatmu bo ḷuaidon pongin bubú tatua. Potaandon in binantaḷ tatua. Pobuatdon kon wakutu in doḷom; bilogdon in matamu dá diádon ontongonmu in daḷan inta bayáanmu. Pomayádon mako in bayongan in bangusa in Israel mokoontong kon bayongan inta inaidanmu tatua, sinbá mobaḻí tompoingat kon i monia. Dika-dika bo kotaauandon monia kon mosia tua in momomarontak.”

YEHEZKIEL 18:28

Nosadardon in sia kon bayongan inta pinomianea bo nogogaidon in nogaid kon dosa. Yo sia tua in diábí matoi táe umuranbí mobiag.

KORINTUS 1 11:32

Táe aka hukumon i Allah, yo tua in didikan-Neabí kon i naton, sinbá diá hukumon in kita moyotakin in dunia naa.

ULANGAN 1:31

kon padang gurun. Inontongdon monimu naonda in ki Tuhan Allahmu nodia kon i monimu takin nosaḷamat kinoouput in binayáan nodapot in tampat tanaa, diá in yoposinea naonda bo ki amá nokoyot kon i adínea.

ULANGAN 4:23

Toropdon kopira! Dika mokoḻiong kon dodandian inta pinomia i Tuhan Allahmu takin i monimu. Duduiaidon in parenta-Nea; dika mokoimontanmai in iko momia kon patong naondaka in batangannea sin sumbáan,

ULANGAN 4:36

Nongkon ḷangit in Sia mopodongog in singog-Nea kon inimu sin motundú kon i monimu; kon dunia naa Sia nopoontongdon kon inimu in tuḷú-nea inta motoyang, bo nongkon tuḷú tatua nosingog in Sia kon inimu.

ULANGAN 4:9

Taridi bo toropdon kopiaan, sinbá kinoouput in kinobiaganmu diá koḻiongan monimu onu inta ain inontong monimu tontaní. Oumandon kon adí bo ompumu

ULANGAN 8:6

Dá aidaidon in bayongan inta pinarenta i Tuhan Allahmu. Kobiagdon podudui in hukum-Nea mita bo horomatdon in Sia.

WAHYU 3:19

Intau mita inta kotabi-Ku, mosia tuata in toboḷowon-Ku bo sambokon-Ku. Manangka intua koropotdon in gina monimu bo pogogaidon in mogaid kon dosa mita.