ULANGAN 8:19 - Alkitab Singog In Mongondow Masa In Tanaa

¹⁹ Dika mokoḻiong kon i Tuhan Allahmu bo dika mayá kon ilah mita ibanea sin mosumba bo mogundoi kon i monia. Singgai in naa akuoi moponorop kon i monimu kon aka aidanpa doman monimu intua, yo notantú bidon kon yopúon i Tuhan in moiko.

ULANGAN 8:19 Mawu Ofanana

YEREMIA 25:6

Nabi mita tatua nogimaḷow kon i monimu in mosumba bo moibada kon ilah mita ibanea. Mosia in nogimaḷow kon i monimu in mosumba kon berhala mita inta pinomia monimu tontaní, sin tua in nokopopisí kon i Tuhan tumorú. Aka moiko dinumudui kon parenta i Tuhan tua, diábí in Sia nohukum kon i monimu.

YEREMIA 7:6

Dikadon mondorot kon intau ango-angoi, kon adí uno-unon, kon boba-bobay mita. Dika moḻimod kon intau inta diá kotaḷá kon butá tanaa. Dika mosumba kon ilah ibanea, sin tua in mokoputú kon i monimu.

AMOS 3:2

“Nongkon bayongan in bangusa kon dunia, tongábí moiko totobatú nion inta bangusa inta kinotaauan-Ku bo inta inindoian-Kumai. Tuamai in moḷoben in dosamu, bo notantúbí kon hukumon-Ku in moiko.”

ZEPANYA 1:18

Kon singgai inta motoyang tatua ki Tuhan in mopoontongbí in torú-Nea, dá bayongan in buḷawan bo saḷaka monia in diábí mokoposaḷamat kon i monia. Sinangkub in dunia in morimumudbí moḷoḷayat tubáan in tuḷú in torú-Nea. Bo daḻi-daḻíbí rabuton-Nea in bayongan nyawa kon butá tanaa.

ZEPANYA 3:6

Ki Tuhan in noguman, “Akuoi in noyompatdon kon nobayong i bangusa; kotá mita monia in irimumud-Ku, bo dinding mita takin ḷangkeang mita monia binaḻí-Ku apug mita. Kotá mita monia noingongow diá in nogutun bo daḷannea in nodingungui.

MALEAKHI 4:4

Toropdon in topotundú mita i Musa mogogundoi-Ku, torop in hukum bo parenta mita inta inogoi-Ku kon inia kon Buḷud in Sinai sinbá duduian in bayongan in umat in Israel.

LUKAS 13:3

Diáa! Táe pokotoropdon in moiko: aka moiko bo diá mogogai in mogaid kon dosa, yo moiko in moputúbí komintan, naonda bo mosia.

LUKAS 13:5

Diáa! Komintanpa doman in poguman-Ku kon i monimu: Aka moiko bo diá mogogai in mogaid kon dosa, yo moiko in moputúbí doman ná mosia.”

ULANGAN 11:16

Dika in moiko moibog poyayúon nongkon i Tuhan sin mosumba bo mogundoi kon ilah mita ibanea.

ULANGAN 31:20

Mosia in diaan-Ku kon butá inta nooyúon bo mopia, ná inta pinodandi-Ku kon mogoguyang monia. Kon tua in mosia mobiag mosanang bo mokouḻí kon bayongan kaanon inta paraḷuon monia. Táe moiduduimai kon tua mosia in monoḻikudon bo mosumba kon ilah mita ibanea. Mosia in mondoídon kon i-Nakó bo monoḻikudon kon dodandian-Ku,

ULANGAN 4:26

Poigumon mako ḷangit bo butá mobaḻí sakusi kon aka moiko diá motoindudui kon inakó, moiko in ḷagidon moyopú nongkon butá inta pogutunan monimu kon ḷoḷan in Ongkag in Yordan tatua. Moiko in diábí moonggot in mogutun kon tua; moiko in modaitbí yopúon.

YOSUA 23:13

yo torop, kon notantú bidon kon ki Tuhan Allahmu in diábí mopoguntun in bangusa mita tatua sin kopiaan monimu. Sedang bo mosia tua in totokbí in mokobahaya kon i monimu, sin mosia tua in mobaḻídon naonda bo poyogaḷap kon i monimu. Pororigaandon totok monia in moiko; sin mosia in mobaḻídon naonda bo sambok kon ḻikudmu ande naonda bo dugi kon bonu in matamu. Moiko in umurandon mororiga modapot in diádon intau tobatúmai in kon sigad monimu in kotaḷáan kon butá inta mopia naa inta inogoi i Tuhan Allahmu kon inimu.

SAMUEL 1 12:25

Táe aka moiko umuran doman momia kon dosa, dá moiko bo datumu in moyopúbí.”