ULANGAN 8:14 - Alkitab Singog In Mongondow Masa In Tanaa

¹⁴ yo ḷukadai kopia sinbá moiko diá mobaḻí mododia bo mokoḻiongdon kon i Tuhan Allahmu inta nopoḷuai kon i monimu nongkon Mesir, tampat inta pinononggataan kon i monimu.

ULANGAN 8:14 Mawu Ofanana

DATU MITA 2 14:10

Iko, Amazia, in mododiadon, popisí in iko nokotaḷowdon kon intau in Edom. Yo, degá diápa tugat in kinountunganmu tatua? Mopia-piabí kon pogutundon in iko kon baḷoi! Onubí in mangaḻenea motayak kon masala inta tongá mokopopisí kon koboditoanmu takin rayatmu?”

DATU MITA 2 17:38

Bo dika ḻiongon monimu in dodandian kon sigad-Ku bo i monimu.

TAWARIKH 2 26:16

Naonda in ki Datu Uzia noropot, nobaḻídon in sia mododia, bo tua in nokopopisí kon kinorimumudannea. Iḻimimpat in sia kon parenta i Tuhan Allahnea sin sinumuot kon Baḷoi Tuhan sin motubá kon dupa kon tudu in mezbah in dupa.

TAWARIKH 2 32:25

Táe popisí in sia mokaḷakuang, sia in diábí nopoyaput in sukur kon kinopiaan in takitnea inta inogoi i Tuhan kon inia. Tuamai in ki Tuhan sinumorú kon i Yohuda bo kon Yerusalem.

MAZMUR 106:21

Mosia in noḻiong kon i Allah mopoposaḷamat monia inta ain nogaid kon aid mita moḷoben kon Mesir.

MAZMUR 78:7

Takin natua mosia doman in mongamang kon i Allah, bo diá mokoḻiong kon onu inta inaidan-Nea, táe umuran motoindudui kon parenta-Nea,

IḶUAIAN 13:3

Ki Musa noguman kon bangusa Israel, “Kon singgai naa ki Tuhan nopoḷuatdon kon i monimu takin kawasa-Nea inta moḷoben, nodapot in moiko nokoḷuaidon nongkon Mesir, tampat pinononggataan kon i monimu. Tuamai, tanobdon in singgai tanaa. Donaaidon mokaan kon roti inta iragian.

YEREMIA 2:31

Ei umat Israel, indongogai in singog-Ku mita tanaa. Nokoimontandon degá in Akuoi naonda bo padang gurun kon i monimu andeka naonda bo butá inta sinimindip? Táe nongonu sin moiko in mogumanbí kon moiko in moibog moiḷuat bo doídon mobui mangoi kon i-Nakó?

YEREMIA 2:6

Akuoi in diádon pinandungmai; Akuoi, inta ain nokapit kon i monia kon daḷan, bo nodia kon i monia iḻumuai nongkon Mesir sinumaḻib kon rawang in bungaion, tampat inta diá in mobobiag inta nobayong in pobeukan, bo inta noingkag bo mokoanib doman – tampat inta diá inutunan bo diá bayáanmai!

YEREMIA 23:27

Kai monia kamai dá pinongin togoindop mita inta inouman monia tua, umat-Ku in mokoḻiongbí kon i-Nakó ná mogoguyang monia nokoḻiong kon i-Nakó bo nosumba kon Baal.

DANIEL 11:12

Onda intua moyunggagábí in sia sin nountung bo popisí in noḻimodon kon nobayong in musung, táe kawasanea in diábí mononoi.

HOSEA 13:6

Táe naonda in moiko kon bonudon in butá mopia, poḷat nobotug nodapotdon in moiko noorop, nobaḻídon in moiko moḷoḷatú bo iḻiongdon monimu in Akuoi.

PINOGIAPAN 15:39

Ḷambe-ḷambé mita in nobaḻí tompoingat: Pomuḷoi in moiko mokoontong kon tua, kotoropan monimu in bayongan parenta-Ku bo dumudui. Bo popisí intua diábí in moiko mokoḻiong kon i-Nakó sin dumudui kon ibogmu tontaní.

ULANGAN 13:6

Aka utatmu ande adímu ḷoḷaki ande bobay, ande ki buḷoimu inta kinotabimu ande yobayatmu modagin takin umado-adop modondouḷug kon inimu sin mosumba kon ilah mita ibanea inta diá kinotaauan monimu bo diá doman kinotaauan in mogoguyangmu, ilah mita inta nongkon bangusa mita inta nogutun noyodiugan ande noyogiyayúan,

ULANGAN 17:20

Aka umurannea intua bacaan, dá diábí in sia monganggap kon sia in mopia-pia kon intau mita tobangusanea, bo diábí ḻimimpat kon parenta i Tuhan naondaka in oaidnea. Bo sia takin buínea in momarenta kon bangusanea modapot kon adí bo ompu.”

ULANGAN 4:9

Taridi bo toropdon kopiaan, sinbá kinoouput in kinobiaganmu diá koḻiongan monimu onu inta ain inontong monimu tontaní. Oumandon kon adí bo ompumu

ULANGAN 5:6

‘Akuoi in ki Tuhan Allahmu inta nodia kon i monimu iḻumuai nongkon Mesir, tampat inta pinononggataan kon i monimu.

ULANGAN 6:11

Baḷoinea mita in mopuḻing in pakakat mita inta mopia, bo deemanbí moiko in momonu kon tua. Moiko in mokodungkuḷ kon parigí mita, bo deemanbí moiko in nongaḻi. Moiko in mokouḻí kon gobá mita in anggur bo zaitun, bo deemanbí moiko in nomuḷa. Aka ki Tuhan modia kon i monimu mayá in butá tatua, bo oyúondon in bayongan inta kinoibog monimu kaanon,

ULANGAN 8:11

“Ḷukadai kopia dika modapot in moiko mokoḻiong kon i Tuhan Allahmu; dika tobatúmai in taḻiban monimu in nongkon bayongan hukum-Nea inta inogoiku kon i monimu singgai in naa.

ULANGAN 8:13

bo aka nodugangdon in sapi bo bembé bain dombamu, saḷaka bo buḷawanmu takin bayongan kapunyaanmu ibanea,

HAKIM MITA 3:7

Umat in Israel binaradosa kon i Tuhan, ki Allah monia. Mosia nokoḻiong kon i-Nia nodapot in mosia nosumbadon kon berhala mita i Baal bo i Asyera.