ULANGAN 8:10 - Alkitab Singog In Mongondow Masa In Tanaa

¹⁰ Moiko in kinooibogbí in mongaan, bo mopoyaput in sukur kon i Tuhan Allahmu sin butá mopia inta inogoi-Nea kon inimu.”

ULANGAN 8:10 Mawu Ofanana

TAWARIKH 1 29:14

Akuoi bo rayatku tanaa in diábí mokopobogoi kon onu bo onu kon ini-Mu, sin bayongan in yagi-yagi tua Ikobí in nobogoi bo onu inta inogoi nami naa in Ikobí doman in kitogi.

MAZMUR 103:2

Dayowdon in ki Tuhan, ei dimukudku, dika ḻiongon in bayongan in kopopia-Nea!

AMSAL 3:9

Horomat in ki Tuhan pongin moposumba kon i-Nia in inta mopia totok nongkon bayongan kapunyaanmu bo nongkon bungai in pinomuḷamu,

YESAYA 5:1

Indongogaipa in dondongku soaḷ gobá in anggur in yobayatku. Yobayatku oyúon in gobá in anggur kon obaga in buḷud inta noḷumbá.

YOËL 2:26

Tugatbí in kaanon kon i monimu bo mokorasabí kon mobotug. Ki Tuhan Allahmu in pomuliaanbí monimu, sin nobayong in inta mokoherang in inaidan-Nea kon inimu. Umatku in diá bidon motaau in tososingkuḻe mako!

MATIUS 14:19

Bo pinoki ḻitúan-Nea in intau moantó tatua kon tudu in bonok. Bo naonda in ginamá-Nea in roti ḻima bo toyá doyowa tatua, iḷumangag in Sia kon ḷangit bo nomarakat. Bodongka nomonsi-monsig kon roti tatua bo inogoi kon murí-Nea mita pinoki silai kon i monia. Murí-Nea mita in nosilai magí mako kon intau moantó tua.

YOHANES 6:23

Noiduduimai kon tua tongonumai uangga nongkon kotá in Tiberias namangoi bo sinumubu kon diug in tampat pinokaanan kon intau moantó kon roti naonda in ki Tuhan nopoyaput in sukur.

SURAT I PAULUS KON JAMAAT RUM 14:6

Intau inta nonantú kon oyúonbí in singgai inta totok moponting, tua in inaidannea sin mohoromatbí kon i Tuhan. Intau inta nokaan kon bayongan in yagi-yagi, tua in lantaranbí doman sia mohoromat kon i Tuhan, sin sia in mosukur kon onu inta inogoi kaanon tua. Natua doman, intau inta tongá mokaan kaanon inta ain sinantúnea motaau kaanon, yo intau tatua in mohoromatbí doman kon i Tuhan bo mosukur kon i Allah.

KORINTUS 1 10:31

Onukabí in aidan monimu – pinomayá kaanon ande inumon – yo aidaibí komintan takin mopoyaput in sukur kon i Allah.

ULANGAN 31:20

Mosia in diaan-Ku kon butá inta nooyúon bo mopia, ná inta pinodandi-Ku kon mogoguyang monia. Kon tua in mosia mobiag mosanang bo mokouḻí kon bayongan kaanon inta paraḷuon monia. Táe moiduduimai kon tua mosia in monoḻikudon bo mosumba kon ilah mita ibanea. Mosia in mondoídon kon i-Nakó bo monoḻikudon kon dodandian-Ku,

ULANGAN 8:9

Kon tua moiko in diábí koaputan in gogoy ande kodaitan. Batu karangnea oyúon in uatoi, bo buḷudnea mita motaau pongaḻian monimu kon bitú.

TESALONIKA 1 5:18

Naondakabí in kaadaan monimu, yo tantúbí posukur, sin tuata in kinoibog i Allah aidan monimu saḷaku intau mita inta ain nobiag notobatú i Yesus Kristus.