ULANGAN 7:26 - Alkitab Singog In Mongondow Masa In Tanaa

²⁶ Dika motagú kon patong berhala kon bonu in baḷoimu, sinbá kutuk inta noiuma kon inia diá moiuma kon inimu doman. Tua mita in musti kodoí bo anggap diá in mangaḻenea, sin kinutuk i Tuhan.”

ULANGAN 7:26 Mawu Ofanana

YESAYA 30:22

Patong mita in berhalamu inta inoḻitan in saḷaka bo buḷawan in ḷumbúonbí monimu naonda bo apat, poḷat moguman, “Bayádon nongkon tayowonku!”

YESAYA 41:24

Totuu, moiko bo oaidmu in diábí, bo mososumbamu in tongábí mokorongó.

YEHEZKIEL 11:18

Aka mosia mobui, mosia in moḷumbúdon kon bayongan in berhala inta moraat bo mokorongó inta nouḻí monia.

YEHEZKIEL 14:7

Pomuḷoi in intau in Israel andeka intau ango-angoi inta nogutun kon sigad in bangusa in Israel, inta iyumayú kon i-Nakó bo noposarakan in awaknea kon berhala, bodongka mopoigum in tonggina kon nabi tobatú, yo tubagan-Kubí tontaní.

HOSEA 14:8

Mosia in mobuibí mangoi kon i-Nakó bo mogutun kon bonu in siungon-Ku. Totokbí in motoyong kotomomanan monia, naonda bo gandum inta mobiag kon gobá inta noḷumbá bo naonda bo gobá in anggur. Naonda bo tubig in anggur in Libanon tangoi monia in ponango-nangoiandon.

ZAKHARIA 5:4

Ki Tuhan Inta Totok in mokawasa in noguman kon kutukan tatua in popouma kon batúan in baḷoi in mononakow bo baḷoi in intau inta nongibot kon diá totuu. Baḷoi mita tatua in tantú kotugatan in kutukan tatua modapot in mobaḻídon apug mita.”

SURAT I PAULUS KON JAMAAT RUM 2:22

Iko motundú kon intau dika monuaḻing, yo nongonu sin iko tontaní in monuaḻingbí! Iko morongó kon bayongan in berhala, táe nongonu sin iko in mayábí mogamá kon barang mita inta kon bonu in baḷoi in berhala mita tatua.

ULANGAN 13:16

Bayongan kapunyaan in intau mita inta nogutun kon tua musti sipunon bonturungon kon lapangan, bo kotá takin bayongan kapunyaannea in pokakon mobaḻí kuruban kon i Tuhan Allahmu. Mopaḷut mako kon tua pomayádon mako intua mobaḻí utag in pinomokakan bo diádon motaau posindogon bui.

ULANGAN 13:17

Barang mita inta mokokatuḷa tatua in diábí motaau tagúon monimu sin pakéon tontaní, táe mustibí ḷoḷangon komintan. Dá torú i Tuhan Mopiong domandon bo poontong-Neadon kon i monimu in tabi-Nea. Motabidon in Sia kon inimu bo baḻíon-Neadon in moiko bangusa inta moḷoben ná inta pinodandi-Nea kon mogoguyangmu,

ULANGAN 13:18

asaḷ bo moiko dumudui kon bayongan in parenta-Nea inta pinotaauku kon i monimu singgai naa, bo mogaid kon bayongan inta kinoibog-Nea.”