Biblia Todo Logo
Baibulo la pa intaneti

- Zotsatsa -




ULANGAN 7:25 - Alkitab Singog In Mongondow Masa In Tanaa

25 Tubádon in patong mita berhala inta sinumba monia. Dika mongibog kon saḷaka ande buḷawan inta kopake-paké monia bo dika mogamá sin pakéonmu tontaní. Aka moiko ḻimimpat kon parenta tatua matoi in moiko, sin ki Tuhan Allahmu in doíbí in mokoontong kon posumbaan kon patong berhala.

Onani mutuwo Koperani




ULANGAN 7:25
22 Mawu Ofanana  

Tugu mita in dewa bo patong i dewi Asyera in inumpag, bo butá inta pinoposindogan in tugu mita bo patong mita tatua, binumbunan i Yosia in tuḷan mita in intau.


Naonda in tontara mita in Pilistin noḷagui, mosia in diádon nokodia kon patong mita berhala monia. Pinoki tubá i Daud in patong mita tatua.


Dika moibog in sinitogi in intau ibanea: baḷoinea, ki buḷoinea bobay, atanea mita, bobiagonnea, keledainea, ande onuka inta nobaḻí sinitoginea.”


Onda intua ginamáneadon in patong sapi inta pinomia in intau mita Israel tatua, bo iḷoḷangnea bui poḷat dinodok kinorimok ná ḷobud, bodongka binaukan in tubig. Onda intua pinoki inumneadon kon intau mita Israel.


“Maníka diá,” tubag i Musa, “sin intau mita in Mesir moyaatbí in gina monia aka mokoontong kon sosumba nami tatua, bo tantú kami in arabonbí monia in batu modapot in matoi.


Patong mita in berhalamu inta inoḻitan in saḷaka bo buḷawan in ḷumbúonbí monimu naonda bo apat, poḷat moguman, “Bayádon nongkon tayowonku!”


Totuu, moiko bo oaidmu in diábí, bo mososumbamu in tongábí mokorongó.


Ki imang musti motubá kon barang tatua, sin pinonopadan tatua in dumodakitbí, dá musti tubáan kopayongon.


Dika mosumba kon toḻindua i Tuhan. Dika momia kon patong nongkon logam bo sumbáan monimu. Akuoi in ki Tuhan Allahmu.


bayongan in intau bo bobiagon, moitakin doman in ḷagapan bo toyá. Intau moraat in yompaton-Kubí. Bayongan umat intau in yompaton-Kubí, diábí tobatúmai in intau in pomayá-Ku mako in mobiag. Akuoi, ki Tuhan, ain nosingog.


Umpagdon in mezbah mita monia bo rimumudon in batu mita inta inanggap monia mokaramat. Tubádon in lambang mita i Asyera, bo rimumudon in patong mita berhala monia, dá ilah mita tatua in diá bidon sumbáan kon tampat mita tatua.


Bayongan kapunyaan in intau mita inta nogutun kon tua musti sipunon bonturungon kon lapangan, bo kotá takin bayongan kapunyaannea in pokakon mobaḻí kuruban kon i Tuhan Allahmu. Mopaḷut mako kon tua pomayádon mako intua mobaḻí utag in pinomokakan bo diádon motaau posindogon bui.


Dika moposumba in sapi ande domba inta nobogit kon i Tuhan Allahmu, sin kodoí-Neabí intua.


Ná doman tua in doit inta nouḻí kon pinosundaḷan tatua in diábí motaau in diaan kon Baḷoi i Tuhan Allahmu sin poguboḻi kon dandimu, sin kinodoíbí i Tuhan Allahmu in bobay sundaḷ kon kuil mita pososumbaan bo boḻi in pinosundaḷan.


Intau mita in Lewi: ‘Kinutuk in intau mita inta mogaid kon patong nongkon batu, kayu ande logam, bo sumbaannea umado-adop; ki Tuhan in doíbí kon posumbaan kon toḻindua in Allah!’ Bayongan rayat: ‘Amin!’


Batúan in bangusa inta pinosarakan i Tuhan Allahmu kon bonu in kawasa mu musti yopúon monimu; dika mopoontong in tabi kon i monia. Dika mosumba kon ilah mita monia, sin aid mita natua mokopoangoi kon bodito kon inimu.


Tuamai, umpagdon in mezbah mita in bangusa mita tatua, rimumudon in oigi mita batu inta inanggap monia mokaramat, pupuḷdon in lambang mita i Asyera, bo tubádon in patong mita berhala inta sinumba monia.


Ki Tuhan ain nomarenta kon umat in Israel kon nongkon bayongan onu inta kon kotá in Yerikho inta musti payongon, tobatúmai yo diábí in motaau gamáan. Táe parenta tatua diábí dinuduian. Ḷoḷaki tobatú inta ki Akhan in tangoinea iḻimimpatdon kon parenta tatua, dá ki Tuhan in sinumorúdon totok kon umat in Israel. (Ki amá i Akhan naa tangoinea in ki Karmi bo ki akinea in ki Zabdi nongkon inanakan i Zerah kon bonu in suku i Yohuda.)


Kon sigad in barang mita inta inagow naton, akuoi nokoontong kon jubah tobatú inta totuu mogaga, pinomia in Babilonia, bo saḷaka doman mita doyowa nokilo, bo buḷawan tobatú noiḻiu kon tobotak in kilo. Moibog totok in akuoi in barang mita tatua, dá ginamáku bo iḷobongku kon butá kon ḷoḷaiganku; saḷaka in kon ḻimonag totok.”


Kon pogotnea in pinaisan in tangoi inta mangaḻenea “noibuni”. Tangoi tatua in “Babel inta moḷoben ki iná in bayongan bobay inta sundaḷ bo intau mita moromú kon dunia.”


Titsatireni:

Zotsatsa


Zotsatsa