ULANGAN 7:16 - Alkitab Singog In Mongondow Masa In Tanaa

¹⁶ Batúan in bangusa inta pinosarakan i Tuhan Allahmu kon bonu in kawasa mu musti yopúon monimu; dika mopoontong in tabi kon i monia. Dika mosumba kon ilah mita monia, sin aid mita natua mokopoangoi kon bodito kon inimu.

ULANGAN 7:16 Mawu Ofanana

MAZMUR 106:34

Bangusa mita ibanea diábí iyopú monia, ná inta pinarenta i Tuhan.

MAZMUR 106:36

Bo mosia in nosumba kon berhala mita, bo tua in nobaḻí dodoyonan kinoḷabúan monia.

IḶUAIAN 23:33

Dika pomayá mako monimu intau mita tatua mogutun kon butámu, sinbá moiko diá moidudui kon i monia mosumba kon ilah mita monia bo baradosaandon kon i-Nakó. Aka moiko mosumbadon kon ilah mita monia, yo moiko in noituotdon kon poyogaḷap inta mokopatoi.”

YEREMIA 21:7

Iko bo pogawaimu mita takin intau mita inta noisimparut kon parang, gogoy bo yampoi in takit, komintan pomayá-Ku mako in domokon i Datu Nebukadnezar bo in musung mita inta moibog moḻimod kon inimu. Ki Nebukadnezar in moḻimodbí kon i monimu komintan takin diá in ampung bo diá in tabi. Akuoi, ki Tuhan, ain nosingog.”

PINOGIAPAN 33:55

Táe aka intau kon ḻipú tatua bo diá poguntunon monimu, yo intau mita inta umuran nogutun kon tua in mopororigamaidon kon i monimu naonda bo bungaion kon mata monimu andeka naonda bo dugi kon sioḷmu. Bo kon singgai moiduduimai mosiadon tua in monubu kon i monimu.

KORINTUS 1 15:33

Donaaibí koakaḷan! Yoyobayatan inta diá mopia in mokogoguyaat kon tabiat inta mopia.

ULANGAN 13:8

yo dika indongoganmu in sia bo dika moibog dondouḷugannea in iko. Dika doman motabi ande mogoḻingoi kon intau tatua.

ULANGAN 13:9

Sia in musti ara bo in batu modapot in matoi. Ikobí in musti momangkoi mogandur in batu kon inia, bo duduian in bayongan intau. Intau inta kotaḷá tatua musti ḻimodon, sin sia in moibog mopoyayú kon i monimu nongkon i Tuhan Allahmu inta nopoḷuat kon inaton nongkon pinononggataan kon Mesir.

ULANGAN 19:13

Dika monotabi kon inia. Poḷuatdon in intau Israel nongkon moḷoḻimod tatua, sinbá moiko mobiag motompia.”

ULANGAN 19:21

Dikabí motabi kon pelekara mita tatua. Nanaa in hukuman kon i monia: Nyawa toḻiuan in nyawa, mata toḻiuan in mata, ingipon toḻiuan in ingipon, ḻima toḻiuan in ḻima bo sioḷ toḻiuan in sioḷ.”

ULANGAN 25:12

yo pongkódon in ḻima in bobay tatua bo dikabí motabi kon inia.

ULANGAN 7:2

Aka ki Tuhan Allahmu moposarakan in bangusa mita tatua kon bonu in kawasamu bo moiko monaḷowdon kon i monia, ḻimodon in mosia komintan. Dika motabi kon i monia ande momia kon dodandian takin i monia.

ULANGAN 7:25

Tubádon in patong mita berhala inta sinumba monia. Dika mongibog kon saḷaka ande buḷawan inta kopake-paké monia bo dika mogamá sin pakéonmu tontaní. Aka moiko ḻimimpat kon parenta tatua matoi in moiko, sin ki Tuhan Allahmu in doíbí in mokoontong kon posumbaan kon patong berhala.

YOSUA 11:20

Binaḻí i Tuhan in mosia motontogat in gina bo momarang kon intau in Israel, sinbá mosia yopúon, bo ḻimodon takin diá in ampung podudui in parenta i Tuhan kon i Musa.

HAKIM MITA 2:3

Dá, indongogai in tanaa! Diábí poguntunon-Ku in intau mita tanaa aka moiko moparang takin i monia. Mosia in mobaḻíbí musungmu mita, bo moiko in moibaaḷbí, modapot in moiko moiduduidon mosumba kon dewa mita monia.”

HAKIM MITA 3:6

Umat in Israel noyobuḷoidon magí-mako in bangusa mita tatua, bo sinumakindon nosumba kon dewa mita monia.

HAKIM MITA 8:27

Nongkon buḷawan mita tatua, ki Gideon nomia kon patong berhala, bo pinosindognea kon ḻipúnea inta kon Opra. Bayongan in intau in Israel minayá intua sin nosumba kon patong berhala tatua, nodapot in mosia diádon noindoimai kon i Allah. Bo soaḷ tatua in nobaḻí naonda bo poyogaḷap tobatú kon i Gideon bo motoḷuadínea.