Biblia Todo Logo
Baibulo la pa intaneti

- Zotsatsa -




ULANGAN 7:13 - Alkitab Singog In Mongondow Masa In Tanaa

13 Sia in motabibí bo momarakat kon i monimu, dá adímu mobarong bo umuran doman kodugang-kodugang in kobarong monia. Sia in momarakatbí kon gobámu mita, dá mobarong in gandum, anggur bo ḷana in zaitun. Sia in momarakatbí kon i monimu dá mobarong in sapi bo bembé dombamu. Bayongan barakat tatua in tarimaanbí monimu kon butá inta inogoi i Tuhan kon inimu, podudui in dandi-Nea kon mogoguyangmu.

Onani mutuwo Koperani




ULANGAN 7:13
26 Mawu Ofanana  

Oo Allah, Allah nami inta moropot! Ki Allah inta moḷoben bo motoyang! Takin satia kinadaian-Mu in bayongan dodandian; dandi-Mu mita inintompodan-Mu bo inaidan-Mu. Pinangkoipa kon datu mita in Asyur nondorot kon inami noidapot in tanaa, nobayong in roriga in kinobayáan nami. Datu mita nami, imang, nabi bo guhanga mita in ḻipú, mogoguyang nami bo rayat, nokorasadon kon roriga mita. Dika koḻiongan in bayongan roriga tatua! Dika inggamáan-Mu kon gina-Mu!


Sia, motoḷuadínea bo bayongan in kaoyúonannea umuran iḷukadan-Mu. Oaidannea in binarakatan-Mu bo inogoian-Mu in sia in bobiagon nobayong totok kon butá tanaa.


Ki Ayub in binarakatan i Tuhan kino bayong totok kon ki agat in kinobiagannea, nongkon inta dungkuḷ kon dodai in sia diápa kinoantugan in bodito. Ki Ayub in kodomba bembé 14.000, unta 6.000, sapi 2.000, bo keledai 1.000.


Intau tatua in mokodapot kon bayongan totayaknea; sia in naonda bo pangkoi in kayu inta kon bingkí in tubig inta momungai kon sempo in pomomungainea bo inta diá moḷaḷo-ḷaḷow in daunnea.


Ki Tuhan in nobogoi in adí mobayong kon i monia, bo bobiagon monia in umuran momuí.


Sin ki Tuhan in mopia bo moadil, Sia in motabi kon intau inta nogaid kon inta mopia; intau motuḻid in mokoontongbí bo monotaau kon i Tuhan.


Adí mita in ki Allahbí in nobogoi, totuubí kon mosia tua in totabibí.


bo mobuká kon mata in intau bilog. Sia in moposindog kon intau inta noḷabú, bo motabi kon intau inta mojujur.


Aka moiko mosumba kon i-Nakó, ki Tuhan Allahmu, moiko in barakatan-Ku takin mobogoi kon i monimu in kaanon bo inumon, bo bayongan yampoi poyayú-Ku kon inimu.


Tongábí popisí in barakat i Tuhan dá intau in mobaḻí mooyúon; simiḷopí totok diábí mokodugang kon kaoyúonan.


Ki Tuhan in doíbí kon kobobiag in intau moraat, táe Sia in motabibí kon intau inta moḷongasi mogaid kon onu inta kinoibog-Nea.


Barakatan-Ku in moiko bo mobogoi in adí bo ompu inta mobayong kon inimu. Onu inta ain pinodandi-Ku kon inimu, notantúbí kon aidan-Ku.


Táe, tayakpa muna in ki Allah bo aidaidon onu inta kinoibog-Nea. Dá komintan tua in ogoi-Neabí doman kon inimu.


Intau inta notarima kon parenta-Ku mita bo nopoaid, sia tuata inta motabi kon i-Nakó. Bo Akuoi in motabibí doman kon intau tatua bo mokipogontongbí kon inia.”


Aka moiko umuran mogaid kon inta pinarenta-Ku, yo moiko in umuran mosatia in dumudui kon tabi-Ku, ná doman Akuoi inta umuran mosatia kon tabi i Amá-Ku sin umuran nopobayá in parenta-Nea mita.


sin ki Amá in motabibí kon i monimu. Sia in motabibí kon i monimu sin moiko in motabi kon i-Nakó, bo mopirisaya kon Akuoi in namangoi nongkon i Allah.


Akuoi, ki Tuhan, aindon nopodandi in bayongan butá tatua kon mogoguyang monimu ki Abraham, ki Ishak bo ki Yakub takin bayongan buí monia. Dá bayádon ḻitúai in butá tatua.’ ”


Barang mita inta mokokatuḷa tatua in diábí motaau tagúon monimu sin pakéon tontaní, táe mustibí ḷoḷangon komintan. Dá torú i Tuhan Mopiong domandon bo poontong-Neadon kon i monimu in tabi-Nea. Motabidon in Sia kon inimu bo baḻíon-Neadon in moiko bangusa inta moḷoben ná inta pinodandi-Nea kon mogoguyangmu,


“Aka moiko motoindudui kon i Tuhan Allahmu bo mosatia in dumudui kon bayongan in parenta inta pinotaauku kon inimu singgai naa, dá baḻíon-Neadon in moiko bangusa inta totok in kotango-tangoian in intau kon dunia.


Moiko in ogoianbí in adí mobayong. Bobiagonmu in mobaḻíbí mobayong bo bungai in boyó kon butámu in mobarongbí totok kon butá inta pinodandi i Tuhan kon mogoguyangmu kon ogoi kon inimu.


Dá buidon mouḻí monimu in butá inta koḻipod pinogutunan in mogoguyangmu. Bo moiko in baḻíondon mobiag totok motompia, bo baḻíon-Neadon in moiko mobayong moiḻiu kon kobayong in mogoguyangmu.


Moiko kinotabi bo piniḻí i Tuhan, deemanbí popisí in moiko in moḷobe-ḷoben nongkon bangusa mita ibanea; totuubí kon moikobí nion in bangusa inta totok in mointok kon dunia naa.


Titsatireni:

Zotsatsa


Zotsatsa