ULANGAN 6:6 - Alkitab Singog In Mongondow Masa In Tanaa

⁶ Dika mokoimontanmai in mokoḻiong kon parenta mita inta inogoiku kon i monimu singgai in naa.

ULANGAN 6:6 Mawu Ofanana

KINOBAḺIAN 18:19

Sia ain piniḻí-Ku sinbá motundú kon i adínea mita bo kon buínea sinbá motoindudui kon i-Nakó bo mogaid kon onu inta mopia bo moadil. Aka soaḷ tatua aidan monia, yo bayongan in dandi-Ku kon i Abraham in intompodan-Ku.”

SAMUEL 2 22:23

Bayongan in hukum-Nea inindoianku, parenta-Nea mita in diá in sinaḻibanku.

MAZMUR 119:11

Totundú in sinagúku kon bonu in ginaku, sinbá akuoi diá baradosaan kon ini-Mu.

MAZMUR 119:13

Noḷangon in singogku in nopotaau in bayongan in hukum inta inogoi-Mu.

MAZMUR 119:30

Piniḻíkudon kon motoindudui, parenta-Mu in umuran toroponku mako.

MAZMUR 119:98

Umurankubí kotoropan in parenta-Mu, inta nokodugang kon kobobijaksanaku nongkon musungku mita.

MAZMUR 37:31

Hukum i Allahnea in umuran kon bonu in ginanea, sia in diábí iḻimimpat kon tua.

MAZMUR 40:8

Bo akuoi in noguman, “Naadon in akuoi, kon bonu in ḻitodan in buk pinais kon inakó.

AMSAL 3:5

Popirisayabí kon i Tuhan takin ḻimbatú in ginamu, bo dika mopongata in pandoimu tontaní.

AMSAL 7:3

Umurandon torop in totundúku mita tatua, bo tagúdon kon bonu in ginamu.

YESAYA 51:7

Indongogaidon in Akuoi ei bangusa-Ku, kinotaauanbí monimu onu in totuu; totundú-Ku in noitagú kon bonu in ginamu. Dika moondok aka moiko singkuḻeon in intau, dika moḻia-ḻiaw in gina aka moiko singkuḻeon monia.

YEREMIA 31:33

Naa in dodandian mobagu inta bain pomiaan-Ku takin umat in Israel: Hukum-Ku mita in tagúon-Ku kon bonu in gina monia, bo paison-Ku kon gina monia. Akuoi in mobaḻí Allah monia, bo mosia in mobaḻí umat-Ku.

LUKAS 2:51

Onda intua ki Yesus nobuidon kon Nazaret noyotakin monia bo umuran dinumudui kon parenta in guyanga-Nea. Bayongan inta ain nobaḻí umuran sinagú i Maria kon bonu in ginanea.

LUKAS 8:15

Yo aka bibit inta noḷabú kon butá mopia, tua in ibarat intau inta nokidongog kon Pirman, bo pinotonopnea totu-totuu kon bonu in ginanea sahingga in nonahang kon yagi-yagi sobaan bo nobogoi in bungainea inta totok in mopia.”

KORINTUS 2 3:3

Mosia tontaní in nokoontongbí kon moiko in suratbí inta ain pinais i Kristus, inta pinoki dia kon i nami. Surat tatua in deemanbí pinais in tinta, táe Rohobí i Allah inta nobiag; bo deemanbí doman pinais kon buk, táe kon bonubí in gina in intau.

ULANGAN 11:18

Torop bo taridiaidon in parenta mita tatua. Popotogot kon ḻimamu bo popobogot doman kon pogotmu sinbá umuran toro-toropon.

ULANGAN 11:20

Paisdon kon oigi in ḷoḻingkop in baḷoimu bo kon ngara moḷobenmu.

ULANGAN 32:46

ki Musa noguman, “Tarukiradon in bayongan parenta inta pinotaauku kon inimu singgai naa. Tundúdon kon i adímu mita, sinbá mosia umuran mosatia in mopoaid in bayongan hukum i Tuhan.

KOLOSE 3:16

Umuran kon gina-gina mako in totundú mita i Kristus inta mobarakat tua, sahingga moiko in mobijaksana bo mopandoi in motundú bo mononggina kon utat mita. Dika mokoḻiong in mopodondong in Mazmur bo dondong mita rohani; podondongdon kon i Allah takin porasaan mosukur kon bonu in ginamu.

YOHANES 2 1:2

Sin ki Allah in umurandon nogutun kon bonu in gina naton, bo Sia in umuranbí doman kotaki-takin naton.