ULANGAN 6:25 - Alkitab Singog In Mongondow Masa In Tanaa

²⁵ Aka mokoposatia in kita in dumudui kon bayongan inta pinarenta i Tuhan Allah naton kon i naton, dá umuran-Nea koibog in kita.’ ”

ULANGAN 6:25 Mawu Ofanana

MAZMUR 119:6

Aka akuoi monaridimai kon bayongan in parenta-Mu, dá akuoi in diábí pokopooyáanmai.

MAZMUR 78:7

Takin natua mosia doman in mongamang kon i Allah, bo diá mokoḻiong kon onu inta inaidan-Nea, táe umuran motoindudui kon parenta-Nea,

AMSAL 12:28

Intau inta dumudui kon daḷan inta noitutui in mobiagbí mosanang; intau inta dinumudui kon daḷan inta moraat mopobayá in popatoi.

YEHEZKIEL 18:9

Sia in dinumuduibí kon parenta-Ku bo motoḷutui kon hukum-Ku mita. Intaubí mojujur natua in mobiag. Akuoi, ki Tuhan Inta Totok in moḷantud ain nosingog.

YEHEZKIEL 20:11

Kon tua inogoi-Ku kon i monia in parenta-Ku mita bo sinundú-Ku in hukum-Ku mita inta musti duduian monia, sin intau inta dumudui kon tua in umuranbí mobiag.

IMAMAT 18:5

Duduiaidon in atorang mita bo hukum mita inta ogoi-Ku kon i monimu. Aka aidan monimu in natua, mosaḷamat in kobobiagmu. Akuoi naa in ki Tuhan.”

SURAT I PAULUS KON JAMAAT RUM 10:3

Diá kinotaauan monia mongo naonda in pogogaid i Allah monompia bui kon hubungan-Nea takin intau. Bo popisí in mosia moibog dumudui kon aid monia tontaní, dá mosia in doíbí dumudui kon aid inta sinundú i Allah.

GALATIA 3:12

Táe hukum i Musa in diábí pinodoyon kon pirisaya. Sin kon Buk Motusi ain pinais, intau inta dinumudui kon hukum i Musa, mobiag sin hukum tatua.

ULANGAN 24:13

táe mustibí pobuionmu kon inia pomuḷoi in doḷom, sinbá motaau pakéonnea pomuḷoi in mosiug. Dá sia in mopoyaputdon in sukur moantó bo iko in koibogdon i Tuhan Allahmu.

YAKOBUS 2:10

Intau inta noḷawang kon tobatú nongkon hukum mita i Allah, mangaḻenea kon tua nodaitneadon iḷawang in hukum tatua.