ULANGAN 6:24 - Alkitab Singog In Mongondow Masa In Tanaa

²⁴ Ki Tuhan Allah naton in nopotabá kon i naton mogaid kon bayongan parenta tatua bo mohoromat kon i-Nia. Aka kita momia natua, umuran-Nea ḷukadan in bangusa naton sinbá umuran mobiag motompia.

ULANGAN 6:24 Mawu Ofanana

MAZMUR 41:2

Pia in kamang in intau inta moindoimai kon intau inta moyangkó; ki Tuhan in motuḷungbí kon inia kon dodai in moyoyiga.

MAZMUR 41:3

Ki Tuhan in mogoḻiung bo moḷukadbí kon inia, Sia in mobogoibí in kobiagan mopia kon inia kon dunia naa, bo diábí moposarakan kon inia kon kawasa in musungnea.

MAZMUR 66:9

Sia in noḷukadon kon inami sinbá tantú mobiag, bo diá nopomayá mako kon inami noḷabú.

IḶUAIAN 20:20

Tubag i Musa, “Dika moondok. Ki Allah in mamangoi tongábí monungkuḷ kon i monimu sinbá moiko in umuran motoindudui kon i-Nia, bo diá mogaid kon dosa.”

AMSAL 22:4

Intau inta mopirisaya kon i Tuhan bo tumonsiup, in mosanang, mobiag motompia bo horomaton.

AMSAL 9:12

Aka hikmat bo oyúondon kon inimu, yo ikobí tontaní in mountung. Táe aka hikmat bo diá tarimaanmu, yo ikobí tontaní in porugionmai.

YESAYA 3:10

Ki Tuhan in noguman, “Poyaputdon kon intau inta motoindudui kon i-Nakó kon mosia in mopiabí bo mosaḷamat. Mosia in mokaanbí kon bungai in siniḷopíannea.

YEREMIA 32:39

Akuoi in mobogoibí kon i monia in tongábí tobatú in tujuan kobiagan: tuata in mohoromat kon i-Nakó modapot in mononoi; tua in modiabí kon kopiaan kon i monia tontaní, bo kon i buí monia.

MATIUS 6:33

Táe, tayakpa muna in ki Allah bo aidaidon onu inta kinoibog-Nea. Dá komintan tua in ogoi-Neabí doman kon inimu.

LUKAS 10:28

Dá kai Yesus doman, “Totuu in tubagmu nion! Aidaidon intua komintan, dá iko in mokouḻíbí kon kobiagan mononoi.”

SURAT I PAULUS KON JAMAAT RUM 10:5

Ki Musa in nomais nanaa, Intau inta ain noyodame bui i Allah inta pinodoyon kon hukum in agama, in nobiag sin motoindudui kon hukum in agama tatua.

ULANGAN 4:1

Bo ki Musa noguman kon bangusa tatua, “Duduiaidon komintan in hukum inta tundúonku kon inimu, sinbá mobiag in moiko bo moiutun kon butá inta bain ogoi i Tuhan, Allah in mogoguyangmu, kon inimu.

ULANGAN 4:4

tongá moiko inta umuran notoindudui kon i Tuhan Allahmu nobiagpa dapot in tanaa mako.

ULANGAN 6:2

Moiko bo buímu musti umuran mohoromat kon i Tuhan Allahmu bo dumudui kon bayongan hukum-Nea inta pinotaauku kon inimu, sinbá moumur in kobiagan monimu kon butá tatua.

ULANGAN 6:23

Iḷuat-Nea in kita nongkon Mesir, sin diaan-Nea mangoi in naa in kita, bo butá tanaa inogoi-Nea kon i naton ná inta pinodandi-Nea kon mogoguyang naton.

ULANGAN 8:1

“Bayongan in hukum inta inogoiku kon inimu singgai naa musti aidan monimu pokosatia, sinbá moiko umuran mobiag, modugang mobarong bo mogutun kon butá inta pinodandi Tuhan kon mogoguyangmu.

ULANGAN 8:3

Pinomayá-Nea mako in moiko ginogoi, bo moiko inogoian-Nea in manna sin kaanon. Moiko bo mogoguyang monimu diápabí dodai onda nokaan kon kaanon natua. Inaidan i Tuhan in natua sin motundú kon i monimu kon intau tua in diábí mobiag tongá nongkon kaanon, táe nongkon bayonganbí doman in onu inta siningog i Tuhan.