ULANGAN 6:23 - Alkitab Singog In Mongondow Masa In Tanaa

²³ Iḷuat-Nea in kita nongkon Mesir, sin diaan-Nea mangoi in naa in kita, bo butá tanaa inogoi-Nea kon i naton ná inta pinodandi-Nea kon mogoguyang naton.

ULANGAN 6:23 Mawu Ofanana

IḶUAIAN 13:5

Takin nongibot ki Tuhan nodandi kon mogoguyangmu kon Sia in moposarakan in butá in bangusa Kanaan, Het, Amori, Hewi bo Yebus. Naonda in ki Tuhan modia kon i monimu mayá in butá inta mopia totok bo noḷumbá tua, pomuḷoi in taong kon bonu in buḷan Abib, moiko in musti mogaid kon upacara tanaa.

ULANGAN 1:35

‘Diá tobatúmai in intau mita inta nobiag tanaa in tumuot kon butá mopia inta pinodandi-Ku kon mogoguyangmu.

ULANGAN 1:8

Akuoi, ki Tuhan, aindon nopodandi in bayongan butá tatua kon mogoguyang monimu ki Abraham, ki Ishak bo ki Yakub takin bayongan buí monia. Dá bayádon ḻitúai in butá tatua.’ ”

ULANGAN 6:10

“Ki Tuhan Allahmu nodandi kon mogoguyangmu ki Abraham, ki Ishak bo ki Yakub kon Sia in mobogoibí in butá tatua kon inimu. Kotánea mita moḷoben bo mopia, bo deemanbí moiko in noposindog intua.

ULANGAN 6:18

Aidaidon onu inta podudui kon i Tuhan mopia bo moadil, dá moiko in mobiagbí motompia. Butá mopia inta pinodandi i Tuhan kon mogoguyangmu, in mobaḻíbí kapunyaanmu,

ULANGAN 6:22

Kami tontaní in nokoontong kon ki Tuhan nomia kon inta mokoherang mita bo inta mokoondok mita kon intau in Mesir bo datu monia takin bayongan intau moḷoben monia.

ULANGAN 6:24

Ki Tuhan Allah naton in nopotabá kon i naton mogaid kon bayongan parenta tatua bo mohoromat kon i-Nia. Aka kita momia natua, umuran-Nea ḷukadan in bangusa naton sinbá umuran mobiag motompia.