ULANGAN 6:15 - Alkitab Singog In Mongondow Masa In Tanaa

¹⁵ Aka moiko mosumba kon ilah mita ibanea, dá moiko in umuranbí kotugatan in torú i Tuhan Allahmu bo yopúon-Nea komintan, sin ki Tuhan Allahmu inta kon sigad monimu nion in doíbí potongkaion in onuka.

ULANGAN 6:15 Mawu Ofanana

KINOBAḺIAN 7:4

Pitupa nosinggai bo poonag-Ku in uyan inta diá motonta-tontá kon bonu in opat nopuḷú nosinggai bo opat nopuḷú nogobii, sinbá mahaḷuk nobiag inta ain pinomia-Ku tua in modait matoi.”

DATU MITA IMITÁNEA 13:34

Oaidnea inta moraat tatua nokopopisídon kon buínea in nobodito bo noyopú komintan.

TAWARIKH 2 36:16

Táe mosia in nopoyambá in totabá mita i Allah tatua, bo kinosingan monia in nabi-Nea mita poḷat doman diá mopandungmai kon tosingogon-Nea mita. Imbuitnea ki Tuhan in sinumorúdon totok kon i monia dá diádon in daḷan ibanea kon i monia kon kotaḻiban in hukuman nongkon i-Nia.

MAZMUR 90:11

Ki ine in nonotaau kon kototoyang in torú-Mu, andeka nomangaḻe kon bungai in torú-Mu?

MAZMUR 90:7

Kami in noitaḻikokog in torú-Mu, bo nodait minatoi in yaat in gina-Mu.

IḶUAIAN 20:5

Dika mosumba kon patong ná tatua, sin Akuoibí naa in ki Tuhan Allahmu, bo Akuoi in doíbí potongkaion in onuka. Intau mita inta moyaat in gina kon i-Nakó, hukumon-Ku modapot kon buí inta nogintoḷu bo noginggopat.

IḶUAIAN 32:12

Aka yopúon-Mu in mosia, yo intau in Mesir in mogumandon kon Iko in nodia kon i monia iḻumuai nongkon Mesir sin ḻimodon in kon buḷud bo yopúondon komintan. Donaai kaasí aidan in natua, o Tuhan, baḷuaidon in niat-Mu bo donaaidon popoantugan in bodito in bangusa tatua.

YEREMIA 28:16

Tuamai in ki Tuhan tontaní in noguman kon iko in yopúon-Neabí nongkon dunia naa. Taong tanaa doman matoi in iko, sin iko in nopotabádon kon bangusa tanaa noḷawang kon i Tuhan.”

YEREMIA 7:6

Dikadon mondorot kon intau ango-angoi, kon adí uno-unon, kon boba-bobay mita. Dika moḻimod kon intau inta diá kotaḷá kon butá tanaa. Dika mosumba kon ilah ibanea, sin tua in mokoputú kon i monimu.

AMOS 3:2

“Nongkon bayongan in bangusa kon dunia, tongábí moiko totobatú nion inta bangusa inta kinotaauan-Ku bo inta inindoian-Kumai. Tuamai in moḷoben in dosamu, bo notantúbí kon hukumon-Ku in moiko.”

AMOS 9:8

Akuoi, ki Tuhan Inta Totok in moḷantud, monaridimai kon dodatuan in Israel inta binaradosa tanaa, bo inggamáan-Kubí nongkon tudu in butá naa. Táe buí i Yakub in diábí modait-Ku yopúon. Akuoi, ki Tuhan, ain nosingog.

PINOGIAPAN 35:34

Donaai moporomúmai in butá inta pinogutunan monimu, sin Akuoi ki Tuhan, bo Akuoi in nogutun kon yua-yuak in bangusa Israel.”

KORINTUS 1 10:22

Ande degá mopoterengbí kon i Tuhan? Eta kita in moropo-ropot in ki Tuhan?

ULANGAN 11:17

Aka moiko ḻimimpat kon parenta mita tatua, ki Tuhan tumorú kon inimu. Diábí poonag-Nea in uyan; bo butámu in moingkagdon totok modapot in pinomuḷamu diá momungai. Dá diá moonggot bo matoi in moiko kon butá inta mopia inta inogoi i Tuhan kon inimu.

ULANGAN 4:24

sin ki Tuhan Allahmu naonda bo tuḷú inta mokopokak. Sia in doíbí potongkaion in onukadon.

ULANGAN 5:9

Dika mosumba kon patong ná tatua sin Akuoi in ki Tuhan Allahmu bo Akuoi in doíbí potongkaion in onuka. Intau mita inta moyaat in gina kon i-Nakó hukumon-Ku modapot in buí monia mogintoḷu bo moginggopat.

ULANGAN 7:4

sinbá mosia diá mopoyayú kon i adí mita monimu nongkon i Tuhan sin mayá mosumba kon ilah mita ibanea. Aka moiko mosumba kon ilah mita ibanea, ki Tuhan tumorú bo moiko in baḷú-Neadon yopúon.

YOSUA 23:12

Aka moiko bo diá mosatia bo moyobaukdon in bangusa mita inta nogutunpa kon sigad monimu, bo moiko in motonibuḷoi monia,

YOSUA 23:16

Aka moiko ḻimimpat kon dodandian inta ain pinarenta i Tuhan Allahmu kon inimu sinbá duduian, bo moiko mayá moibada kon toḻindua mita in Tuhan bo poḷat mosumba kon toḻindua mita in Tuhan tua, dá tumorú in ki Tuhan, bo mohukum kon i monimu. Diábí moonggot bo moiko komintan moyopú nongkon butá inta mopia naa, butá inta inogoi i Tuhan kon inimu.”