ULANGAN 6:11 - Alkitab Singog In Mongondow Masa In Tanaa

¹¹ Baḷoinea mita in mopuḻing in pakakat mita inta mopia, bo deemanbí moiko in momonu kon tua. Moiko in mokodungkuḷ kon parigí mita, bo deemanbí moiko in nongaḻi. Moiko in mokouḻí kon gobá mita in anggur bo zaitun, bo deemanbí moiko in nomuḷa. Aka ki Tuhan modia kon i monimu mayá in butá tatua, bo oyúondon in bayongan inta kinoibog monimu kaanon,

ULANGAN 6:11 Mawu Ofanana

NEHEMIA 9:25

Umat-Mu nogagow kon benteng mita poḷoḷukadan, butá inta mopia bo baḷoi inta nopuḻing in kaoyúonan. Parigí mita bo bokaká mita in tubig ginamá monia, gobá in anggur, pangkoi in zaitun bo ayop mita ibanea. Iḷumongow in mosia sin mongaan kinooibogbí in gina. Bayongan in mopia inta inogoi-Mu pinaké monia.

MAZMUR 105:44

Butá in bangusa mita inogoi-Nea kon i monia, gobá mita monia binaḻí-Nea kapunyaan in umat-Nea,

ULANGAN 11:15

bo bonok kaanon in bobiagonmu. Bayongan in kaanon inta paraḷuon monimu in koposadiaan-Neabí kon monimu.

ULANGAN 14:29

Kaanon tatua in ogoibí kon intau in Lewi sin mosia in diá kobutá, bo kon intau ango-angoi, adí uno-unon bo inta dongka boba-bobay inta nobiag kon kotámu mita. Mosia in motaaubí in mamangoi mogamá kon bayongan inta paraḷuon monia. Aka aidan monimu in natua, dá ki Tuhan Allahmu in momarakatbí kon bayongan onu inta inaidanmu.”

ULANGAN 19:1

“Naonda in bangusa mita tatua iyopú i Tuhan Allahmu bo butánea inogoi kon inimu, bo naonda in ginamá monimu in kotá mita bo baḷoi mita monia bo nogutun kon tua,

ULANGAN 32:15

Umat i Tuhan nobaḻí nobiag nooyúon, táe moibog momarontak, mosia in nongoḷongó, nobotug in kaanon. Bo mosia in nonaḷámai kon i Allah, inta nomaḻí kon i monia bo nondoí kon Mopoposaḷamatnea inta moroton.

YOSUA 24:13

Butá inta inogoi-Ku kon inimu, sinarima monimu intua takin diá irorigaanmai. Bo kotá mita inta inogoi-Ku kon inimu deemanbí moiko in noposindog intua. Táe tanaa moikodon in nogutun kon tua, bo moiko domandon in notarima kon bungai in anggur takin bungai in zaitunnea, bokaka deemanbí moiko in nopomuḷa.’ ”

HAKIM MITA 3:7

Umat in Israel binaradosa kon i Tuhan, ki Allah monia. Mosia nokoḻiong kon i-Nia nodapot in mosia nosumbadon kon berhala mita i Baal bo i Asyera.