ULANGAN 5:27 - Alkitab Singog In Mongondow Masa In Tanaa

²⁷ Tuamai, bayádon Musa, bo indongogai in bayongan inta pinoguman i Tuhan Allah naton, bo potaaudon kon i nami onu in pinoguman-Nea kon inimu. Indongoganbí bo duduian nami.’

ULANGAN 5:27 Mawu Ofanana

IḶUAIAN 18:20

Musti tundúonmu in parenta mita i Allah kon i monia bo insilangan naonda in kobobiag inta mopia bo onu in musti pomiaan monia.

IḶUAIAN 19:8

Mosia komintan in notubag noyododai, “Kami in moibogbí mogaid kon bayongan inta pinoguman i Tuhan,” bo tubag monia tatua pinoyaput i Musa kon i Tuhan. Bo ki Tuhan noguman kon i Musa, “Akuoi in mamangoi kon inimu táe moibuni kon bonu in goḷom inta mobunod; intau mita in mokodongogbí kon onu in poguman-Ku kon inimu, bo pinangkoi kon singgai tatua umurandon in mosia mopirisaya kon inimu.

IḶUAIAN 20:18

Naonda in intau mita nokodongog kon gotup bo singog in torompet, bo nokoontong kon kilat bo buḷud inta nopuḻing poyok, mosia urot mako sin moondok bo sinimindogdon iyumayú.

IḶUAIAN 20:19

Guman monia kon i Musa, “Ikodon tontaní in moguman kon inami, kami in mokidongogbí; táe donaaidon ki Allah in moguman kon inami, sin matoi in kami.”

IḶUAIAN 24:3

Ki Musa minayá bo nopotaau kon bangusa tatua in bayongan parenta bo atorang i Tuhan. Mosia komintan noyododai in notubag, “Kami komintan in moibogbí mogaid kon onu inta ain pinoguman i Tuhan.”

YEREMIA 42:5

Mosia in noguman kon inakó, “Poigumon nami ki Amá in mosambayang kon i Tuhan Allah naton, sin kami in moibogdon tumoḷutui kon i-Nia, sinbá kaadaan nami in mobaḻídon motompia. Dá, mopia andeka moraat in koyow i Tuhan tua, duduianbí nami. Pomayádon mako ki Tuhan in mobaḻí sakusi inta mojujur bo mosatia kon inami, aka kami bo diá dumudui kon bayongan in parenta inta ogoi i Tuhan kon inami pongin i Amá.”

ULANGAN 5:26

Kon dodaidon in onda in intau umuran nobiag naonda in nokodongog kon i Allah inta nobiag nosingog nongkon tuḷú?

ULANGAN 5:28

Nokodongogmai kon natua, ki Tuhan noguman kon inakó, ‘Dinongog-Kudon onu in siningog in bangusa tatua, bo totuubí in tosingogon monia.

IBRANI 12:19

Mosia in sinumayow kon singog in terompet, bo singog inta totok mokobongom-bongoḷ. Bo naonda in intau mita Israel nokodongog kon singog tatua, nopoigum totok in mosia sinbá singog tatua diádon mosingog kon i monia.

YOSUA 24:24

Bo intau mita tatua noguman kon i Yosua, “Kami in tongábí mogundoi kon i Tuhan, Allah naton. Kami in dumuduibí kon parenta-Nea mita.”