ULANGAN 5:24 - Alkitab Singog In Mongondow Masa In Tanaa

²⁴ Mosia noguman, ‘Ki Tuhan, Allah naton, ain nopoontong kon i naton in kamuliaan bo kawasa-Nea, bo singog-Nea aindon dinongog naton nongkon yuak in tuḷú. Singgai naa aindon inontong nami, ki Tuhan ain nongonguman takin intau bo intau tatua in umuranpa nobiag.

ULANGAN 5:24 Mawu Ofanana

KINOBAḺIAN 32:30

Onda intua ki Yakub noguman, “Akuoi ain noyodungkuḷ noyopogotmai i Allah, bo akuoi nobiagpa.” Tuamai tampat tatua sinangoiannea Pniel.

KINOBAḺIAN 32:31

Kon dodai mata in singgai nomukádon, ki Yakub nonaḷámaidon kon Pniel, bo bobayánea in nododengkódon sin kayangnea in noyoḷogit.

IḶUAIAN 19:19

Singog in torompet koḷangon-koḷangon totok. Ki Musa nosingog, bo ki Allah in notubag kon inia takin gotup.

IḶUAIAN 20:22

Ki Tuhan nomarenta kon i Musa moguman kon bangusa Israel, “Moiko ain nokoontong kon naonda in Akuoi, ki Tuhan, nosingog kon i monimu nongkon ḷangit.

IḶUAIAN 33:20

Pogot-Ku in diábí poontong-Ku kon inimu, sin diábí motaau intau in mokoontong kon i-Nakó, bo umuran mobiag.

PINOGIAPAN 14:14

bo oumanon monia intua kon intau mita kon butá tanaa, inta ain nokodongog kon Iko, ki Tuhan noyotakin nami. Dinongog domandon monia kon Iko ain nokipogontong kon inami kon dodai Iko minayá kon muna nami kon bonu in oigi goḷom kon dodai in singgai, bo oigi tuḷú kon dodai in doḷom.

ULANGAN 32:3

Akuoi in modayow kon tangoi i Tuhan. Potaaudon in kokokawasa i Allah naton!

ULANGAN 4:33

Kon dodaidon in onda oyúon in bangusa tobatú inta umuran nobiag naonda in nokodongog kon ilah tobatú nosingog kon i monia nongkon tuḷú, ná inta kinoyitakan monimu?

ULANGAN 5:23

“Kon tungkuḷ in bayongan buḷud dinumokot bo moiko nokodongog kon singog nongkon sindip, bayongan guhanga in sukumu bo intau mita noitoḻiuna kon i monimu namangoi kon inakó.

ULANGAN 5:25

Táe nongonu sin kami in mustipabí mopotaru bui in nyawa nami? Tuḷú inta motoyang tatua in momagong kon inami! Moyakinbí in kami kon matoibí in kami aka mokodongog kon ki Tuhan Allah mosingog bui.

HAKIM MITA 13:22

Bo ki Manoah in noguman kon i buḷoinea, “Matoidon in kita sin kita in nokoontongdon kon i Allah!”