ULANGAN 5:21 - Alkitab Singog In Mongondow Masa In Tanaa
21 Dika moibog in kapunyaan in intau ibanea: pinomayá baḷoinea, butánea, ki buḷoinea bobay, bobantungnea mita, bobiagonnea, keledainea ande onuka in kon inia.’
Kon singgai inta moḷoḷabungdon tobatú, naonda in ki Daud nobangon nongkon pinosiugannea, nodondaḷoi in sia kon atop in komaḻig inta notondodai tatua. Nongkon tua inontongnea in bobay tobatú yogot in moinggú, moḷunat totok in bobay tatua.
Aka mosia moibog in gobá, yo agowon monia. Aka moibog in mosia in baḷoi tobatú, yo tuoton monia. Pinomayá kapunyaan andeka motoḷuadí, diábí in moaman.
Kinutukdon in iko! Iko in mopooyúon in motoḷuadímu pongin kauntungan inta nouḻímu pinodoyon kon aid moḻingá, sinbá baḷoimu tontaní in moodom bo moiḷagui nongkon susa bo bodito.
Noiduduimai kon tua ki Yesus in noguman kon intau moantó kon tua, “Mokopopia in moiko bo umuran kiḷuka-ḷukadmai sinbá diá modunia, sin umpakabí moantó totok in kapunyaan, táe kobiagan mononoi tua in diábí sinantú in kapunyaan tatua.”
Sin hukum agama in Yahudi in noguman nanaa: Dika monuaḻing, dika moḻimod, dika monakow, dika moibog in kapunyaan intau ibanea, bo bayongan parenta ibanea ain notangkup kon hukum tobatú tanaa, “Kotabibí in tumpaḷa intau, naonda bo kototabimu kon awakmu tontaní.”
Aka mobiag yo dikabí kawasaan in ibog kon doit, táe kosanangbí in momaké kon onu inta nouḻímu sin ki Allah nogumandon nanaa, “Akuoi in diábí mopomayá mako andeka monaḷámai kon inimu.”