ULANGAN 5:14 - Alkitab Singog In Mongondow Masa In Tanaa

¹⁴ táe singgai noginpitu tua in singgai pogogaian inta tondíondon kon i-Nakó, ki Tuhan Allahmu. Kon singgai tatua diábí motaau in tobatúmai intau in mogaid, pinomayá moiko, adímu mita, bobantungmu mita, bobiagonmu ande intau ango-angoi inta nogutun kon butámu. Bobantungmu mita in musti mogogai ná doman moiko.

ULANGAN 5:14 Mawu Ofanana

KINOBAḺIAN 2:2

Kon singgai nogimpitu nodaitdon noḷapat i Allah in bayongan oaidan-Nea tatua, bo Sia in nogogaidon.

NEHEMIA 13:15

Kon tungkuḷ intua inontongku in kon singgai in Sabat tongonumai in intau Yohuda nomugut kon anggur. Oyúon in intau ibanea in nodatog kon gandum, anggur, bungai in anggur, bungai in ara bo pakakat mita ibanea kon tudu in keledainea bo dinia pinobayá in Yerusalem. Diá inogoiku in mosia nopotaḷui kon Yerusalem.

NEHEMIA 13:16

Tongonumai in intau nongkon Tirus inta nogutun kon Yerusalem nodia kon toyá bo noyagi-yagimai in pakakat potaḷui kon Yerusalem kon singgai in Sabat, sin potaḷui kon intau in Yahudi.

NEHEMIA 13:21

Bo akuoi in noguman kon i monia, “Diábí in mangaḻenea in pogoḷatan monimu dapot in doḷo-doḷom kon nion. Pokoingat, aka aidanpa bui monimu intua, yo mobogatbí in aidanku!” Pinangkoi kon tua diádon kon dodai in onda in mosia in mamangoi kon singgai in Sabat.

NEHEMIA 5:5

Kami naa in intaubí doman in Yahudi! Ki adí nami in notongkaibí doman in adí mita in Yahudi inta ibanea! Umpaka natua táe nopakisadon in kami mopomayá mako kon i adí mita nami mobaḻí ata. Nodapot in oyúon in ki adí nami bobay in pinotaḷuidon nobaḻí ata. Kami in diá kodaya sin gobá in tudunea bo gobá in anggur nami in pinotomoyódon nami.”

IḶUAIAN 23:12

Kon todiminggu, onom nosinggai motaau pakéon monimu mogaid, táe kon singgai noginpitu musti in moiko mogogai, sinbá bobiagonmu, atamu mita bo intau mita ango-angoi inta nogaid kon i monimu mogogaipa doman.

IMAMAT 23:3

Onom nosinggai in wakutu pogaidan, singgai in Sabat, in singgai pogogaian inta sinantúdon kon i Tuhan. Kon singgai tatua moiko musti momia kon poyodungkuḷan sin poibadaan bo diábí in motaau mogaid.

MARKUS 2:27

Ki Yesus in noguman doman, “Singgai in Sabat pinomia sin kopontingan in intau, deemanbí intau in pinomia sin singgai in Sabat.

LUKAS 23:56

Onda intua, nobui in mosia bo nosadia kon toyokayu mita inta biasamai pakéon pomondu kon mayat. Mosia in nosadia doman kon ḷana mobondu sin poḷana kon mayat i Yesus. Kon singgai in Sabat mosia in nogogai nogaid podudui in hukum agama.

ULANGAN 5:13

Moiko inogoian-Ku in onom nosinggai in pogaidan,

IBRANI 4:4

Sin soaḷ singgai impitunea naa ain pinais kon Buk Motusi nanaa: “Kon singgai impitunea ki Allah nogogai in nogaid kon bayongan oaidan-Nea.”