ULANGAN 4:5 - Alkitab Singog In Mongondow Masa In Tanaa

⁵ Bayongan in hukum tatua sinundúku kon inimu ná inta pinarenta i Tuhan Allahku. Duduiaidon intua komintan kon butá inta bain tuotan bo ḻitúan monimu tua.

ULANGAN 4:5 Mawu Ofanana

MAZMUR 71:17

O Allah, Iko in notundú kon inakó pinangkoipamai kon akuoi noguodpa, nodapot in tanaa oumanonku in onu inta inaidan-Mu inta mokoherang.

IḶUAIAN 18:20

Musti tundúonmu in parenta mita i Allah kon i monia bo insilangan naonda in kobobiag inta mopia bo onu in musti pomiaan monia.

YEREMIA 11:6

Bo ki Tuhan in noguman kon inakó, “Bayádon kon kotá mita kon Yohuda, bo kon daḷan mita kon Yerusalem. Potaaudon in koyow-Ku tanaa kon intau mita kon tua. Potabá in mosia monaridi bo dumudui kon sarat mita in dodandian-Ku.

YEHEZKIEL 20:11

Kon tua inogoi-Ku kon i monia in parenta-Ku mita bo sinundú-Ku in hukum-Ku mita inta musti duduian monia, sin intau inta dumudui kon tua in umuranbí mobiag.

IMAMAT 19:19

Duduiaidon in parenta-Ku mita. Dika mopoyobuḷoi in mahaḷuk inta noyoposi in batangannea. Dika mopomuḷa in doyowa norupa in bibit kon gobá tobatú. Dika moḷutud kon pakeang inta pinomia nongkon siningkoi doyowa inta noyoposi.

IMAMAT 26:46

Tuata in hukum bo parenta mita inta inogoi i Tuhan kon tudu in Buḷud Sinai kon i Musa kon bangusa Israel.

IMAMAT 27:34

Tuata in parenta mita inta inogoi i Tuhan kon tudu in Buḷud Sinai kon i Musa sin ogoi kon bangusa Israel.

IMAMAT 7:38

Ki Tuhan nobogoi in atorang mita tatua kon i Musa kon Buḷud in Sinai kon tungkuḷ in ki Tuhan nopotabá kon bangusa Israel noposumba in kuruban kon padang gurun Sinai.

MATIUS 28:20

Bo tundú in mosia mogaid kon onu inta aindon pinoguman-Ku kon i monimu. Bo bá kotaauan monimu, kon Akuoi in umuranbí kotaki-takin monimu modapot in singgai pangabisan.”

OUMAN IN RASUL MITA 20:27

Sin diábí kon dodai in onda in akuoi moḷagui mopohabar in bayongan tomayá i Allah kon i monimu komintan, sin tuabí in oaidanku.

KORINTUS 1 11:28

Manangka intua intau in mustipabí muna momirikisa kon awaknea bain tua bo motaau mokaan kon roti bo monginum kon anggur tatua.

KORINTUS 1 15:3

Onu inta ain pinotaauku kon i utatku mita, yo tuabí doman in sinarimaku. Inta totok in moponting, ná inta pinais kon bonu in Buk Motusi, akuoi ain nopotaau kon i monimu kon ki Kristus ain minatoi popisí in dosa mita naton;

ULANGAN 11:32

moiko musti dumudui kon bayongan in hukum inta pinotaauku kon inimu singgai naa.”

ULANGAN 4:1

Bo ki Musa noguman kon bangusa tatua, “Duduiaidon komintan in hukum inta tundúonku kon inimu, sinbá mobiag in moiko bo moiutun kon butá inta bain ogoi i Tuhan, Allah in mogoguyangmu, kon inimu.

ULANGAN 4:2

Onu in pinogumanku, dika dugangan ande gaatan topiḻikmai. Duduiandon in parenta mita i Tuhan Allahmu inta pinotaauku kon inimu.

ULANGAN 4:4

tongá moiko inta umuran notoindudui kon i Tuhan Allahmu nobiagpa dapot in tanaa mako.

ULANGAN 4:40

Duduiaidon in bayongan hukum inta inogoiku kon inimu singgai naa, dá moiko bo buímu in mobiag motompia bo umuran oyúon kon butá inta inogoi i Tuhan Allahmu nobaḻí kapunyaanmu mononoi.”

ULANGAN 5:1

Ki Musa in nosipun kon bayongan bangusa Israel, bo noguman kon i monia, “Utat mita, indongogai in hukum mita inta pinotaauku kon inimu singgai in naa. Balajardon in hukum mita tatua, bo duduiai koposatia.

ULANGAN 6:1

“Ki Tuhan Allahmu in nopotabá kon inakó motundú kon bayongan hukum tanaa kon inimu sinbá aidan monimu kon butá inta diádon moonggot bo bayáan monimu pogutunan.

ULANGAN 7:11

Dá duduiaidon in bayongan hukum inta pinotaauku kon inimu singgai in naa.”

ULANGAN 8:11

“Ḷukadai kopia dika modapot in moiko mokoḻiong kon i Tuhan Allahmu; dika tobatúmai in taḻiban monimu in nongkon bayongan hukum-Nea inta inogoiku kon i monimu singgai in naa.

IBRANI 3:5

Saḷaku simpaḷ kon Baḷoi Allah, ki Musa in mosatiabí in nogaid kon oaidannea bo sia ain nopotaau doman in soaḷ mita inta bain popotaau i Allah kon singgai moiduduimai.