ULANGAN 4:47 - Alkitab Singog In Mongondow Masa In Tanaa

⁴⁷ Mosia nokoḻitú kon butá i Datu Sihon tua, bo butá doman i Datu Og nongkon Basan, Datu in Amori ibanea tobatú inta nogutun kon dotá in pomukaan kon Ongkag in Yordan.

ULANGAN 4:47 Mawu Ofanana

NEHEMIA 9:22

Pinopountung-Mu in mosia kon nobayong in dodatuan bo bangusa kon pinosigadan in butá monia. Hesybon butá i Datu Sihon, iḻitúan monia; Basan butá i Datu Og, inutunan monia.

ULANGAN 1:4

Tua in nobaḻí naonda in ki Musa nonaḷow kon Sihon, datu in intau Amori, inta nomarenta kon kotá in Hesybon, bo Og, datu in Basan, inta nomarenta kon kotá mita in Asytarot bo Edrei.

YOSUA 24:12

Kon dodai in moiko mayá monubu kon i monia, pinopoḻingú-Ku in mosia bo pinopogonúan in ondok, nodapot in datu in Amori taya dua tua noḷagui nongkon i monimu. Deemanbí kedangmu bo deemanbí doman piotmu in nokopountung kon i monimu.