ULANGAN 4:44 - Alkitab Singog In Mongondow Masa In Tanaa

⁴⁴ Bo ki Musa nobogoi in hukum bo atorang mita i Allah kon bangusa Israel.

ULANGAN 4:44 Mawu Ofanana

DATU MITA 2 17:37

Umurandon duduiai in hukum mita bo parenta mita inta ain pinais-Ku kon inimu. Dika moibada kon ilah mita ibanea mako,

IMAMAT 27:34

Tuata in parenta mita inta inogoi i Tuhan kon tudu in Buḷud Sinai kon i Musa sin ogoi kon bangusa Israel.

MALEAKHI 4:4

Toropdon in topotundú mita i Musa mogogundoi-Ku, torop in hukum bo parenta mita inta inogoi-Ku kon inia kon Buḷud in Sinai sinbá duduian in bayongan in umat in Israel.

PINOGIAPAN 36:13

Tuata in atorang mita bo katatapan inta inogoi i Tuhan kon bangusa Israel pinongin i Musa, kon tungkuḷ in bangusa Israel kon rata in Moab kon bingkí in Ongkag in Yordan, kon diug in kotá in Yerikho.

YOHANES 1:17

Hukum i Tuhan sinarima naton nongkon i Musa. Táe tabi bo kososatia i Allah in pinoniatadon kon i Yesus Kristus.

ULANGAN 1:5

Dá, kon dotá in pomukaan kon Yordan kon butá in Moab, ki Musa nomangkoi muna noginsilang kon hukum bo parenta mita i Tuhan. Guman i Musa,

ULANGAN 27:26

‘Kinutuk in intau inta diá nogintompod kon hukum bo totundú i Allah kon bonu in dodianea.’ ‘Amin!’ ”

ULANGAN 27:3

Paisdon kon batu mita tatua in bayongan tosingogon nongkon hukum mita tanaa. Aka moiko tumuotdon kon butá inta nooyúon bo mopia inta pinodandi i Tuhan, Allah in mogoguyangmu kon inimu,

ULANGAN 27:8

Kon tudu in batu inta binutakan in kapur tatua musti paison monimu kosilangon in bayongan tosingogon nongkon hukum mita i Allah.”

ULANGAN 33:4

Hukum inta inogoi i Musa in duduian naton, kapunyaan inta totok in koboḻi kon bangusa tanaa.

ULANGAN 4:43

Kon suku in Ruben sinadiadon kotá in Bezer kon tampat inta moḷantud kon padang gurun; kon suku Gad sinadiadon kotá in Ramot kon butá in Gilead, bo kon suku in Manasye kotá in Golan kon butá in Basan.

ULANGAN 4:45

Tua inaidannea naonda in mosia iḻumuai nongkon Mesir bo naonda in kon ḷopá kon dotá in pomukaan kon Ongkag in Yordan, noyogintayow in kotá in Bet-Peor. Butá tatua pernabí nobaḻí butá in Sihon, datu intau in Amori, inta tungkuḷ intua nomarenta kon kotá in Hesybon. Ki Musa bo bangusa Israel nonaḷow kon inia kon dodai in mosia iḻumuai nongkon Mesir.

YOSUA 12:1

Butá inta kon dotá in pomukaan kon Yordan, nongkon Ḷopá in Ongkag Arnon bo notakod monik kon Ḷopá in Yordan nodapot kon nouput in Buḷud in Hermon kon dotá in utuan, aindon inagow bo iḻitúan in intau Israel. Doyowa in datu in sinaḷow monia.