ULANGAN 4:43 - Alkitab Singog In Mongondow Masa In Tanaa

⁴³ Kon suku in Ruben sinadiadon kotá in Bezer kon tampat inta moḷantud kon padang gurun; kon suku Gad sinadiadon kotá in Ramot kon butá in Gilead, bo kon suku in Manasye kotá in Golan kon butá in Basan.

ULANGAN 4:43 Mawu Ofanana

TAWARIKH 1 6:63

Pinongin undian doman, motoḷuadí mita kon bonu in inanakan i Merari nokouḻí kon 12 in ḻipú kon butá in suku i Ruben, i Gad bo i Zebulon.

TAWARIKH 1 6:66

Kon butá in suku Epraim, tongosilai nongkon motoḷuadí mita in inanakan i Kehat in notarima kon ḻipú mita noiduduimai tanaa takin rawang bonok kon diugneamai:

TAWARIKH 1 6:71

Motoḷuadí mita in inanakan i Gerson in nokouḻí kon ḻipú mita noiduduimai naa takin rawang mita in bonok kon diugneamai: Kon butá in suku Manasye, kon dotá in pomukaan kon Ongkag in Yordan: Golan kon Basan bo Asytarot.

TAWARIKH 1 6:80

Kon butá in suku Gad: Ramot kon Gilead, Mahanaim,

ULANGAN 4:42

nobaḻí kotá pogogadopan, tampat in intau moposaḷamat in awak monia aka sia takin diá sinumuod ain nokoḻimod kon intau inta deemanbí musungnea. Sia in motaaubí moḷagui mayá in kotá tobatú inta kon sigad in kotá mita tatua sinbá diá doman ḻimodon.

ULANGAN 4:44

Bo ki Musa nobogoi in hukum bo atorang mita i Allah kon bangusa Israel.

YOSUA 20:8

Kon butá kon dotá in pomukaan kon Ongkag in Yordan kon rata moḷantud kon padang gurun kon dotá in pomukaan kon Yerikho, mosia in nonantúdon kon kotá mita noiduduimai naa nobaḻí kotá pogogadopan: kotá in Bezer kon butá i Ruben, kotá in Ramot kon Gilead butá i Gad, bo kotá in Golan kon Basan, butá i Manasye.

YOSUA 21:27

Suku tobatú nongkon inanakan ibanea kon bonu in suku i Lewi tuata in inanakan i Gerson. Motoḷuadí kon bonu in inanakan i Gerson tua inogoian in mopuḷú bo toḷu in kotá takin butá popokaanan in bobiagon monia. Nongkon suku i Manasye inta kon dotá in pomukaan mosia in notarima kon doyowa in kotá, tuata in Beestera bo Golan, tobatú kotá pogogadopan kon butá in Basan. Nongkon suku i Isakhar mosia in notarima kon opat in kotá, tuata in Kisyon, Dobrat, Yarmut bo En-Ganim. Nongkon suku i Asyer mosia notarima kon opat in kotá, tuata in Misal, Abdon, Helkat bo Rehob, Nongkon suku i Naptali mosia notarima kon toḷu in kotá, tuata in Hamat-Dor, Kartan bo Kedes, tobatú kotá pogogadopan kon Galilea.