ULANGAN 4:42 - Alkitab Singog In Mongondow Masa In Tanaa

⁴² nobaḻí kotá pogogadopan, tampat in intau moposaḷamat in awak monia aka sia takin diá sinumuod ain nokoḻimod kon intau inta deemanbí musungnea. Sia in motaaubí moḷagui mayá in kotá tobatú inta kon sigad in kotá mita tatua sinbá diá doman ḻimodon.

ULANGAN 4:42 Mawu Ofanana

PINOGIAPAN 35:6

Intau in Lewi musti ogoian monimu in kotá pogogadopan onom sin baḻíon tampat poḷoḷaguian in intau inta diá sinumuod noḻimod kon intau ibanea. Kon ḻikud intua intau in Lewi musti ogoian doman in kotá ibanea opat nopuḷú bodoyowá

ULANGAN 4:41

Bo ki Musa notundú kon kotá toḷu kon dotá in pomukaan kon Ongkag in Yordan

ULANGAN 4:43

Kon suku in Ruben sinadiadon kotá in Bezer kon tampat inta moḷantud kon padang gurun; kon suku Gad sinadiadon kotá in Ramot kon butá in Gilead, bo kon suku in Manasye kotá in Golan kon butá in Basan.

IBRANI 6:18

Doyowa nopasaḷ tatua in diábí mobaḷu-baḷui: Totuuonbí i Allah in dandi bo ibot-Nea tatua. Sia in diábí monguboḷ. Manangka intua kita inta umuran umoḻiung kon i-Nia, umuran-Nea inogoian in ropot bá umuran kumadai kon onu inta i harap mako kon tayowon naton.