ULANGAN 4:40 - Alkitab Singog In Mongondow Masa In Tanaa

⁴⁰ Duduiaidon in bayongan hukum inta inogoiku kon inimu singgai naa, dá moiko bo buímu in mobiag motompia bo umuran oyúon kon butá inta inogoi i Tuhan Allahmu nobaḻí kapunyaanmu mononoi.”

ULANGAN 4:40 Mawu Ofanana

MAZMUR 105:45

sinbá umat-Nea tatua in motoindudui kon hukum-Nea mita bo dumudui kon parenta-Nea mita. Dayowdon in ki Tuhan!

IḶUAIAN 20:12

Horomatbí in ki amá bo ki inámu, sinbá moiko mobiag motompia bo moumur in kobiagan kon butá inta ogoi-Ku kon inimu.

IḶUAIAN 23:26

Kon butá monimu diábí kouḻían kon bobay inta koukaian andeka bantó. Moiko in ogoian-Kudon in kobiagan moumur.

MOHOHUTUBA 8:12

Umpaka mogatut in aid moraat in inaidan in intau baradosa, umuranbí in sia mobiag bo modapotbí in moonggot in kobiagannea. Kain intau, ki ine in motoindudui kon i Allah, notantúbí kon kobobiagnea in komintan mogampang.

YESAYA 65:20

Ki adínea mita diábí in matoi kon tungkuḷ mointokpa, bo intau mogurang mokodapotbí kon umur moḷanggó. Intau inta umur mogatut notaong in inanggapbí nobagupa, bo inta minatoi noiuna kon tua in inanggap kinotugatan in hukuman-Ku.

YEREMIA 11:4

Dodandian tatua in inaidan-Ku takin mogoguyang monia kon dodai in mosia dinia-Ku iḻumuai nongkon Mesir, ḻipú inta naonda bo naraka kon i monia. Akuoi in nopotabá kon i monia tumoindudui kon i-Nakó bo mogaid kon bayongan inta pinarenta-Ku. Tanaa in pinoguman-Kudon doman kon intau mita in Yohuda bo intau in Yerusalem kon aka mosia bo motoḷutui kon i-Nakó yo mosia in mobaḻí umat-Ku bo Akuoi in ki Allah monia.

YEREMIA 35:18

Bo Akuoi in noguman kon intau mita inanakan i Rekhab kon ki Tuhan Inta Totok in mokawasa, Allah in Israel, noguman nanaa, “Moiko in notoinduduidon kon mogoguyangmu ki Yonadab, bayongan in parentanea aindon dinuduian bo pinobayá.

YEREMIA 7:23

Akuoi in tongábí nomarenta kon i monia dumudui kon i-Nakó sinbá Akuoi in mobaḻí Allah monia, bo mosia in mobaḻí umat-Ku. Akuoi in nopotabá kon i monia mobiag podudui in parenta-Ku mita sinbá mosia in mobiag motompia.

YEREMIA 7:7

Aka moiko momaḷui kon kobobiagmu bo dodiamu poḷat mogogai in mogaid kon bayongan intua, yo moiko in ogoi-Kubí mogutun motantú kon butá tanaa inta ain inogoi-Ku nobaḻí butá in mogoguyangmu.

IMAMAT 22:31

Ki Tuhan noguman, “Duduiaidon in parenta-Ku mita; Akuoi in ki Tuhan.

PINOGIAPAN 10:29

Ki Musa noguman kon i bilanea, ki Hobab adí i Rehuel intau in Midian, “Kami in mayá kon tampat inta kai Tuhan in ogoi kon inami. Ki Tuhan ain nopodandi kon inta mopia kon intau Israel. Dá duduidon, diábí pomayá mako nami in iko.”

YOHANES 14:15

“Aka moiko in motabi kon i-Nakó, yo moiko in dumuduibí kon parenta-Ku mita.

EPESUS 6:3

nanaa: “Sinbá mosanang bo moumur in kobiaganmu kon dunia naa.”

ULANGAN 11:9

Bo moonggot in kobiagan monimu kon butá inta nooyúon bo mopia, inta pinodandi i Tuhan kon mogoguyangmu bo kon buí monia.

ULANGAN 12:25

Aka moiko dumudui kon parenta tatua, yo mopiabí in gina i Tuhan, bo moiko takin buímu in mobiagbí motompia.

ULANGAN 12:28

Torop kopira in bayongan inta ain pinogumanku kon inimu, dá moiko in nogaidon kon inta mopia bo kinoibog i Tuhan Allahmu, dá moiko bo buímu mosaḷamat bo umuran mobiag motompia.”

ULANGAN 22:7

Moiko in motaaubí mogamá kon i adínea mita, táe pomayádon mako in ki inánea ḷumayug, sinbá moumur in kobiaganmu bo mobiag motompia.

ULANGAN 25:15

Paké in pononimbangan bo ukuran inta moitutui sinbá moumur in kobiaganmu kon butá inta inogoi i Tuhan Allahmu kon inimu.

ULANGAN 32:47

Topotundú mita tatua in deemanbí tosingogon mita inta diá in mangaḻenea, táe kobiaganmubí. Duduiaidon in bayongan parenta tatua, sinbá moumur in kobiagan monimu kon butá inta diádon moonggot bo ḻitúan monimu kon ḷoḷan in Ongkag in Yordan.”

ULANGAN 33:25

Igumon mako kotánea mita in oḻingoian in ḷoḻingkop mita in ngara nongkon bitú bo uatoi sinbá kobiagannea in umuran moaman bo motompia.”

ULANGAN 4:1

Bo ki Musa noguman kon bangusa tatua, “Duduiaidon komintan in hukum inta tundúonku kon inimu, sinbá mobiag in moiko bo moiutun kon butá inta bain ogoi i Tuhan, Allah in mogoguyangmu, kon inimu.

ULANGAN 4:2

Onu in pinogumanku, dika dugangan ande gaatan topiḻikmai. Duduiandon in parenta mita i Tuhan Allahmu inta pinotaauku kon inimu.

ULANGAN 4:5

Bayongan in hukum tatua sinundúku kon inimu ná inta pinarenta i Tuhan Allahku. Duduiaidon intua komintan kon butá inta bain tuotan bo ḻitúan monimu tua.

ULANGAN 4:6

Aidai intua pokosatia. Aka aidan monimu in natua, dá kobobijaksanamu in moniatadon kon bangusa mita ibanea. Aka kodongogandon monia in hukum mita tatua, yo mosia in mogumanbí nanaa, ‘Totuu mobijaksana bo mopandoi in bangusa inta moḷoben tatua!’

ULANGAN 5:10

Táe tabi-Ku in poniata-Ku kon ribuan in buí nongkon intau mita inta motabi kon i-Nakó bo motoindudui kon parenta-Ku.

ULANGAN 5:16

Horomat bo ḷukadai in ki amá bo ki inámu; tuata in parenta-Ku, ki Tuhan Allahmu, sinbá moiko mobiag motompia bo moḷanggó in kobiagan kon butá inta bain ogoi-Ku kon inimu.

ULANGAN 5:29

Tungkuḷaika aka mosia tua bo umuran natua in porasaan! Tungkuḷai aka mosia umuran mohoromat kon i-Nakó bo motoindudui kon bayongan in parenta-Ku, modapot in mosia bo buí monia umuran mobiag motompia!

ULANGAN 5:33

Aidaidon in bayongan inta pinarenta i Tuhan Allahmu kon inimu sinbá moiko mobiag motompia bo umuran mogutun kon butá inta pogutunan monimu.”

ULANGAN 6:18

Aidaidon onu inta podudui kon i Tuhan mopia bo moadil, dá moiko in mobiagbí motompia. Butá mopia inta pinodandi i Tuhan kon mogoguyangmu, in mobaḻíbí kapunyaanmu,

ULANGAN 6:3

Tuamai indongogaidon utat mita, pokosatiadon in mogaid kon tua, sinbá mopia in kobiagan monimu bo mobaḻí bangusa inta moḷoben kon butá inta nooyúon bo inta mopia, ná inta pinodandi i Tuhan Allah in mogoguyang naton.

TIMOTIUS 1 4:8

Latihan in awak naa in tongábí topiḻik in baragunanea, táe aka molatih moibada yo moibaragunabí kon bayongan in yagi-yagi, sin oyúon in dandi kon kobiagan tanaa mako bo kobiagan kon singgai moiduduimai.