ULANGAN 4:34 - Alkitab Singog In Mongondow Masa In Tanaa

³⁴ Dodai in onda in oyúon in ilah tobatú inta nobarani nogamá kon bangusa tobatú nongkon bangusa mita inta oyúon bodongka binaḻí umatnea tontaní, ná inta inaidan i Tuhan Allahmu kon inimu kon Mesir? Inontongdon monimu tontaní naonda in ki Allah takin ropot inta moḷoben nopoangoi in bodito bo parang, nomia kon inta mokoherang mita bo nomia kon soaḷ mita inta motoyang totok.

ULANGAN 4:34 Mawu Ofanana

MAZMUR 136:12

pinongin ḻima inta moropot bo motorindog; tabi-Nea in umuran mononoi.

MAZMUR 24:8

Ki ine in ki Datu inta momulia? Siata in ki Tuhan inta motorindog; ki Tuhan inta nopuḻing in kawasa, inta nountung kon pinoparangan.

MAZMUR 78:12

Kon tayowon in mogoguyang monia, ki Allah nomia kon inta mokoherang kon butá in Mesir, kon ḷopá in Zoan.

IḶUAIAN 1:9

Sia in noguman kon rayatnea, “Intau mita Israel tatua mokobahayabí totok kon inaton, sin mosia totokdon in mobarong bo mosia in moropo-ropot in kita.

IḶUAIAN 10:21

Ki Tuhan noguman kon i Musa, “Tonggódon in ḻimamu, dá butá in Mesir in simindipdon totok.”

IḶUAIAN 10:7

Nopaḷut mako kon tua nogumandon in pogawai mita tatua kon i datu, “Dapotbí in toonu intau tatua musti mopororiga kon inaton? Pomayádon mako in intau mita Israel tatua mayá sin moibada kon i Tuhan, Allah monia. Indoiaika in butá naton tanaa aindon nogoguyaat!”

IḶUAIAN 13:3

Ki Musa noguman kon bangusa Israel, “Kon singgai naa ki Tuhan nopoḷuatdon kon i monimu takin kawasa-Nea inta moḷoben, nodapot in moiko nokoḷuaidon nongkon Mesir, tampat pinononggataan kon i monimu. Tuamai, tanobdon in singgai tanaa. Donaaidon mokaan kon roti inta iragian.

IḶUAIAN 14:30

Kon singgai tatua ki Tuhan noposaḷamat kon bangusa Israel nongkon pinonubuan in intau Mesir, bo mosia in nokoontongdon kon mayat mita intau in Mesir nongoibandai kon pintad.

IḶUAIAN 15:11

Ilahbí mita kon onda in mokoḻimonik kon ini-Mu, o Tuhan Inta Momulia bo motusi? Ki Ine in mokoaid kon inta mokoherang mita bo oaidan moḷoben ná inaidan i Tuhan?

IḶUAIAN 19:4

“Moiko ain nokoontong kon onu inta inaidan-Ku kon intau in Mesir, bo kon dodai in Akuoi nodia kon i monimu namangoi kon i-Nakó kon tampat tanaa takin kawasa inta moḷoben, naonda bo ḷagapan nodia kon i adínea kon ḻimonik in koḻikipnea.

IḶUAIAN 3:10

Tanaa iko in potabá-Kudon mayá kon tayowon i datu in Mesir sinbá iko in motaau modia kon bangusa-Ku ḷumuai nongkon butá tatua.”

IḶUAIAN 6:6

Moiko in baḻíon-Ku umat-Ku, bo Akuoi in mobaḻí ki Allahmu. Dá kotaauandon monimu kon Akuoi naa in ki Tuhan, Allahmu, inta nopoḷuat kon i monimu nongkon pinononggataan kon Mesir.

IḶUAIAN 7:3

Táe baḻíon-Ku in datu motogat in gina. Iko in diábí pandungonneamai, umpakabí Akuoi mopoangoi in bodito mobarong kon butá in Mesir.

YESAYA 51:9

Sindogdon o Tuhan, tuḷungaidon in kami, posaḷamatdon in kami in kawasa-Mu. Sindogdon ná kon tungkuḷ intua kon tungkuḷ in iko nomutuk kon i Rahab bo nonumbuk kon naga in dagat tatua nodapot in minatoi.

YEREMIA 21:5

Akuoi tontaní in rumopot monayow kon i monimu bo takin doman torú inta tumaga-tagab.

YEREMIA 32:21

Pinongin kawasa bo ropot-Mu inta moḷoben Iko in nodia kon umat in Israel iḻumuai nongkon Mesir. Iko in nogaid kon inta mujizat mita bo inta mokoherang bo aid mita inta mokodoḻiok kon musung.

PINOGIAPAN 20:16

bo kami nokuani kon i Tuhan mokituḷung. Inindongogan i Tuhan in kuani nami tatua bo poḷat nopotabá in malaekat tobatú. Malaekat tatua nodia kon i nami iḻumuai nongkon butá in Mesir. Tanaa kami kon Kadesdon, tobatú kotá inta noyosigad in butá inta kon bonu in kawasa i Tuangku.

ULANGAN 1:30

Ki Tuhan Allah in modiabí kon i monimu bo moposaḷamat kon i monimu ná inta ain inontong monimu tontaní kon Mesir

ULANGAN 10:21

Dayowdon in Sia sin Sia in ki Allahmu. Moikodon tontaní in nokoontong kon onu in pinomia-Nea inta motoyang bo mokoondok inta pinomia-Nea sin motuḷung kon i monimu.

ULANGAN 11:2

Toropdon tanaa onu inta kinotaauan monimu soaḷ ki Tuhan nongkon onu inta ain kinoyitakanmu. Adímu mita in diábí nokotaau kon tua. Moikobí inta nokoontong tontaní kon naonda in koagungan i Tuhan Allahmu, ropot-Nea, kawasa-Nea

ULANGAN 26:8

Takin kawasa bo ropot inta moḷoben Iko nopoḷuai kon i nami nongkon Mesir. Iko nogaid kon mujizat mita bo inta mokoherang mita poḷat nopomuká in aid mita inta nokodoḻiok kon musung.

ULANGAN 29:3

Moiko in nokoontong domandon kon bodito mita inta motoyang, mujizat mita bo inta mokoherang mita inta pinomia i Tuhan.

ULANGAN 33:29

Kosanangdon in iko, ei Israel! Diábí in bangusa ná iko pinosaḷamat i Tuhan. Ki Tuhan in naonda bo pitow bo oḻingoi kon inimu; sin moduḷu kon inimu bo mobogoi in kauntungan kon inimu. Musungmu mita in mamangoibí mokikotabimai, bo iko in totokbí in moritak kon i monia.”

ULANGAN 34:12

Diá in momia kon oaidan mita inta motoyang bo inta mokoondok ná inta pinomia i Musa kon tayowon in bayongan bangusa israel.

ULANGAN 5:15

Toropdon kon moiko in koḻipod in sinonggata doman kon Mesir, bo pinoḷuat i Tuhan Allahmu takin ropot inta moḷoben. Tuamai moiko parentaan-Ku sinbá morame kon singgai in Sabat.

ULANGAN 6:21

Dá musti tubagan monimu nanaa, ‘Koḻipod in kita nobaḻí ata i datu in Mesir, bo ki Tuhan in nopoḷuat kon i naton takin ropot inta moḷoben.

ULANGAN 7:19

Toropdon in bodito mita inta motoyang inta inontong monimu tontaní, soaḷ mita inta mokoherang, bo ropot inta moḷoben inta pinaké i Tuhan Allahmu sin mopoḷuat kon i monimu. Ná doman in popoaid i Tuhan Allahmu kon bayongan bangusa inta kinoondok monimu.

ULANGAN 9:29

Táe toropdon, o Tuhan, kon mosia naa in bangusa inta piniḻí-Mu nobaḻí umat-Mu, bo dinia-Mu nongkon Mesir takin ropot bo kawasa-Mu inta moḷoben.”

YOSUA 24:7

mosia in nokuani kon i-Nakó mopoigum in totuḷung. Dá tampat kon sigad monia bo in intau mita in Mesir tua binaḻí-Ku sinimindip, bo intau mita in Mesir tatua kinoḷoban-Ku in tubig in dagat nodapot in mosia noḷomot komintan. Kinotaauan bidon monimu komintan in onu inta inaidan-Ku kon intau in Mesir. Noonggot totok in mosia nogutun kon padang gurun.

PETRUS 1 5:6

Manangka intua kodu-koduduidon in moiko kon kawasa i Allah inta moropot, sinbá poḷantudon-Nea in moiko aka wakutuneadon.