ULANGAN 4:24 - Alkitab Singog In Mongondow Masa In Tanaa

²⁴ sin ki Tuhan Allahmu naonda bo tuḷú inta mokopokak. Sia in doíbí potongkaion in onukadon.

ULANGAN 4:24 Mawu Ofanana

DATU MITA 2 24:20

Ki Tuhan in sinumorú totok kon intau mita in Yerusalem bo intau in Yohuda dá diádon inindoian-Neamai in mosia.

MAZMUR 21:9

Sia in modakopbí kon bayongan in musungnea, bo nodomok kon bayongan in intau inta nondoí kon i-Nia.

MAZMUR 78:58

Mosia in noponontot kon i Allah in tampat pososumbaan kon berhala, bo pinointoi monia in Sia in patong mita monia.

IḶUAIAN 15:7

Takin kawasa-Mu inta moḷoben iyompat-Mu in bayongan inta momusung kon ini-Mu. Torú-Mu nodokot ná tuḷú, bo nomokak kon i monia naonda bo pangkoi in payoi.

IḶUAIAN 20:5

Dika mosumba kon patong ná tatua, sin Akuoibí naa in ki Tuhan Allahmu, bo Akuoi in doíbí potongkaion in onuka. Intau mita inta moyaat in gina kon i-Nakó, hukumon-Ku modapot kon buí inta nogintoḷu bo noginggopat.

IḶUAIAN 33:3

Moiko in mayá kon butá inta mopia bo motoḷubú. Táe Akuoi in diábí dumudui kon i monimu, sinbá diá in moiko yopúon-Ku kon yuak in daḷan, sin moiko nion in bangusa inta motogat in gina.”

IḶUAIAN 34:14

Dika mosumba kon ilah ibanea, sin Akuoi ki Tuhan, in Allah inta doí potongkaion in onukabí.

YESAYA 10:17

Ki Allah inta motusi, sindar in Israel, in mobaḻíbí naonda bo dokot in tuḷú inta kon bonu in tosinggai momokak kon bayongan in yagi-yagi, nodapot in dogami mita.

YESAYA 30:27

Kawasa bo kamuliaan i Tuhan koontongan nongkon moyayú. Tuḷú bo poyok moponiata kon torú-Nea. Sia in moyosingog takin i monia, bo tosingogon-Nea mita momokak naonda bo tuḷú.

YESAYA 30:33

Nongkon koḻipodpabímai ain sinadia in tampat potubáan kon i datu in Asyur. Tampat tatua modaḷom bo mooḷad, binonuan in kayu pondungú inta noyoguntuḷdon. Ki Tuhan in mopoyongkitdon intua pongin mopoirup in poginaan-Nea ná ongkag in balerang.

YESAYA 33:14

Intau mita binaradosa kon Sion mourot popisí in moondok. Guman monia, “Bontow in tosingogon i Allah in naonda bo tuḷú inta nodokot modapot in mononoi. Degá oyúon in mokotahang kon bonu in tuḷú inta moyopú tatua?”

YESAYA 42:8

Akuoibí in ki Tuhan, tuata in tangoi-Ku; Koagungan-Ku in diábí ogoi-Ku kon i ineka; Tangoi-Ku inta ponango-nangoian in diábí ogoi-Ku kon patong.

AMOS 5:6

Pobuidon mangoi kon i Tuhan, dá moiko in mobiagbí. Aka moiko mobui mangoi kon i-Nia, Sia in mamangoibí naonda bo tuḷú inta ḷumekep bo momagong kon bayongan intau in Israel. Kon Betel diábí tobatúmai in intau in mokopiong kon tuḷú tatua.

NAHUM 1:2

Ki Tuhan Allah in doíbí toḻinduaan, intau inta moḷawang kon i-Nia, notantúbí kon mokouḻí kon hukuman. Noidoyon kon torú inta moḷoben Sia in notuḻí kon aid monia.

NAHUM 1:6

Ki ine in mokotongod aka ki Tuhan tumorú? Diábí in moipaḷuput nongkon torú-Nea! Sia in moponiata in torú-Nea inta modokot batu in morimumud bo mobaḻí ḷobud kon tayowon-Nea.

ZEPANYA 1:18

Kon singgai inta motoyang tatua ki Tuhan in mopoontongbí in torú-Nea, dá bayongan in buḷawan bo saḷaka monia in diábí mokoposaḷamat kon i monia. Sinangkub in dunia in morimumudbí moḷoḷayat tubáan in tuḷú in torú-Nea. Bo daḻi-daḻíbí rabuton-Nea in bayongan nyawa kon butá tanaa.

ZEPANYA 3:8

Táe pokoingat! Oḷatdon in singgainea simindog in Akuoi saḷaku intau inta mopongadu. Sin sinantú-kudon kon modondon kon bangusa mita bo dodatuan mita sin mopoḷabú in torú-Ku kon i monia. Bayongan in butá in modaitbí kaanon in tuḷú torú-Ku.

PINOGIAPAN 25:11

“Ki Pinehas adí i Eleazar, ki ompu i Imang Harun, totokdon in moibog noguntu kon kahoromatan-Ku kon sigad in intau Israel, dá torú-Ku in noinggamádon bo diádon motuoi-Ku yopúon in bangusa tatua.

KORINTUS 1 10:22

Ande degá mopoterengbí kon i Tuhan? Eta kita in moropo-ropot in ki Tuhan?

ULANGAN 29:20

Ki Tuhan in diábí mongampung kon intau ná tatua. Táe, Sia in kotugatanbí in torú i Tuhan inta moḷoben, bo bayongan bodito inta pinais kon bonu in buk tanaa in moiumabí kon inia modapot in sia yopúon i Tuhan.

ULANGAN 32:16

Mosia in nosumba kon berhala, dá nointoi in ki Tuhan, torú-Nea nomuká popisí in aid moraat tatua.

ULANGAN 5:9

Dika mosumba kon patong ná tatua sin Akuoi in ki Tuhan Allahmu bo Akuoi in doíbí potongkaion in onuka. Intau mita inta moyaat in gina kon i-Nakó hukumon-Ku modapot in buí monia mogintoḷu bo moginggopat.

ULANGAN 6:15

Aka moiko mosumba kon ilah mita ibanea, dá moiko in umuranbí kotugatan in torú i Tuhan Allahmu bo yopúon-Nea komintan, sin ki Tuhan Allahmu inta kon sigad monimu nion in doíbí potongkaion in onuka.

ULANGAN 9:3

Táe tanaa, ontongonbí monimu tontaní naonda in ki Tuhan Allahmu mayá kon muna monimu naonda bo tuḷú inta mokopokak. Sia in monaḷowbí kon i monia kon tayowonmu, dá kountunan bo koyopúanbí monimu in mosia motoyong ná inta pinodandi i Tuhan.

IBRANI 12:29

Sin ki Allah naton in naonda bo tuḷu inta mokopokak.