ULANGAN 4:22 - Alkitab Singog In Mongondow Masa In Tanaa

²² Diádon moonggot bo moiko ḷumoḷan poḷat ḻimitú kon butá inta mopia tua; táe akuoi in diábí moitakin, sin akuoi in matoidon kon naa.

ULANGAN 4:22 Mawu Ofanana

AMOS 3:2

“Nongkon bayongan in bangusa kon dunia, tongábí moiko totobatú nion inta bangusa inta kinotaauan-Ku bo inta inindoian-Kumai. Tuamai in moḷoben in dosamu, bo notantúbí kon hukumon-Ku in moiko.”

PINOGIAPAN 27:13

Naonda in mopaḷut mako moindoi kon tua, matoidon in iko ná ki guya-guyangmu ki Harun,

PINOGIAPAN 27:14

sin kon padang gurun Zin kamunda ain noḷawang kon parenta-Ku. Kon tungkuḷ in kon Meriba bayongan rayat nongunsingog kon i-Nakó, bo moiko doí moponiata in kawasa-Ku kon tayowon monia kon dodai in mosia kinodaitan in tubig.” (Tua in nobaḻí kon bokaká in tubig Meriba kon Kades, kon padang gurun Zin.)

PINOGIAPAN 31:2

“Potuḻídon kon intau in Midian podudui kon onu inta ain inaidan monia kon bangusa Israel. Mopaḷut mako kon tua matoidon in iko.”

ULANGAN 1:37

Moiko nokopopisí doman kon ki Tuhan sinumorú kon inakó bo noguman, ‘Musa, iko doman tontaní in diábí tumuot kon butá tatua.

ULANGAN 3:25

Ogoipa in akuoi ḷumoḷan kon Ongkag in Yordan, o Tuhan, sin moindoi kon butá inta mopia kon ḷoḷan, buḷud inta mogaga bo Buḷud in Libanon.

ULANGAN 3:27

Bayádon kon tudu totok in Buḷud Pisga bo indoidon kon dotá in utuan bo toḷatan, kon dotá in pomukaan bo toyopan. Taridiaidon kopia onu in inontongmu tua, sin iko in diá bidon moiḷoḷan kon Ongkag in Yordan.

ULANGAN 31:14

Onda intua ki Tuhan noguman kon i Musa, “Kobiaganmu in diádon moonggot. Dá, oinídon in ki Yosua bo diádon in sia kon Ḷoḷaigan-Ku, sinbá Akuoi in motaaudon mobogoi in topotundú mita kon inia.” Dá minayádon in ki Musa bo ki Yosua kon Ḷoḷaigan i Tuhan,