ULANGAN 4:11 - Alkitab Singog In Mongondow Masa In Tanaa

¹¹ Oumandon kon i adímu mita naonda in oangoi monimu bo sinimindog kon pangkoi in buḷud inta kinokoḷoban in poyok morondí bo goḷom mobunod bo tuḷúnea nodokot nodapot in ḷangit.

ULANGAN 4:11 Mawu Ofanana

SAMUEL 2 22:10

Ḷangit binotak-Nea, bo noponagdon in Sia, sindip in goḷom kon ḻimonag in sioḷ-Nea.

DATU MITA IMITÁNEA 19:12

Noiduduimai kon tua namangoidon in tuḷú, táe diábí doman in ki Tuhan kon bonu in tuḷú tatua. Nopaḷut mako kon tua kaadaan noingongowdon totok, bo kinodongogandon in singog tobatú inta moḷukó totok.

MAZMUR 18:11

Sia in iḷumayug sinumakoi kon kerub; Sia in ḷumayug kon tudu in koḻikip in tompot.

MAZMUR 97:2

Sia in iḻipung in goḷom bo sindip; kooadil bo hukum in nobaḻí dodoyonan in pomarentaan-Nea.

ULANGAN 4:12

Onda intua ki Tuhan nosingog kon inimu nongkon bonu in tuḷú bo dinongog monimu in singog-Nea, táe diábí inontong monimu mongo naonda in batangan-Nea.

ULANGAN 5:23

“Kon tungkuḷ in bayongan buḷud dinumokot bo moiko nokodongog kon singog nongkon sindip, bayongan guhanga in sukumu bo intau mita noitoḻiuna kon i monimu namangoi kon inakó.