ULANGAN 34:7 - Alkitab Singog In Mongondow Masa In Tanaa

⁷ Ki Musa minatoi kon dodai in umur mogatut bo doyowa nopuḷú notaong. Ropotnea in diábí nogaat bo matanea umuranpabí doman motarang.

ULANGAN 34:7 Mawu Ofanana

KINOBAḺIAN 27:1

Kon singgai tobatú kon tungkuḷ in ki Ishak nogoguyangdon bo nobilog domandon, inoinínea in ki Esau, ki adínea guya-guyang, bodongka noguman kon inia, “Adíku!” “Ya, Papa,” tubag i Esau.

KINOBAḺIAN 48:10

Pooindoi i Yakub diádon mosilangmai sin ain mogoguyang bo matanea nobuḷoḷowdon. Ki Yusup in nopodiug kon i adínea mita tatua kon i Yakub, bo kinoyotannea in mosia poḷat inayokannea.

AYUB 5:26

Naonda bo gandum inta noḷutú, iratab kon wakutunea, iko in mobiagbí doman mopia modapot in mogoguyang.

MAZMUR 92:15

pangkoi in kayu inta tantúpa nomungai umpaka nogurangdon, umuran noḷunow bo notompia.

IḶUAIAN 7:7

Ki Musa in umur 80 notaong bo ki Harun in umur 83 notaong kon tungkuḷ in mosia minayá kon tayowon i datu in Mesir.

OUMAN IN RASUL MITA 7:23

Wakutu in umurdon opat nopuḷú notaong, noiangoidon in ibognea mokipodungkuḷ kon i utatnea mita inta intau Israel.

OUMAN IN RASUL MITA 7:30

Naonda in opatdon nopuḷú notaong kon tua, ki Musa in nokoontong kon tobatú malaekat kon padang gurun kon diug in buḷud in Sinai. Malaekat tatua iḷumuai nongkon dokot in tuḷu inta kon yua-yuak in díat.

OUMAN IN RASUL MITA 7:36

Ki Musabí tuata inta nodia kon bangusa in Israel iḻumuai nongkon Mesir takin nogaid kon soaḷ mita inta totok in mokoherang bo soaḷ mita inta diá in poḻiuan kon Mesir, bo kon Dagat Nopuya bo kon padang gurun kon bonu in opat nopuḷú notaong.

ULANGAN 31:2

kai nia, “Tanaa in umurku in mogatutdon bo doyowa nopuḷú notaong bo akuoi in diádon mokosanggup mobaḻí itoimu. Koḻikud intua ki Tuhan ain noguman kon akuoi in diábí motaau ḷumoḷan kon Ongkag in Yordan.

ULANGAN 34:8

Kon rata in Moab intau mita in Israel mongombaḷmai kon i Musa bo nonogumatoi toḷu nopuḷú nosinggai in koonggotnea.