ULANGAN 34:3 - Alkitab Singog In Mongondow Masa In Tanaa

³ kon dotá in toḷatan Yohuda bo rata inta nobendar nongkon Zoar nopobayá in Yerikho, kotá inta nopuḻing in kurma.

ULANGAN 34:3 Mawu Ofanana

KINOBAḺIAN 13:10

Ki Lot nobobui magí mako bo inontongnea kon bayongan Ḷopá in Yordan, nodapot kon kotá in Zoar nobarong in tubig, ná taman i Tuhan ande naonda bo butá in Mesir. (Natuata in kaadaannea kon dodai in diápa pinokak i Tuhan kotá mita in Sodom bo Gomora.)

KINOBAḺIAN 14:2

moparang monayow kon datu ḻima ibanea: ki Bera nongkon Sodom, ki Birsya nongkon Gomora, ki Syinab nongkon Adma, ki Semeber nongkon Zeboim, bo datu nongkon Bela inta dinonoi doman ki Zoar.

KINOBAḺIAN 14:8

Onda intua datu mita kon Sodom, Gomora, Adma, Zeboim bo Bela nogator kon tontara monia kon Ḷopá in Sidim bodongka noparang

KINOBAḺIAN 19:22

Koḻikat, poḷaguidon! Sin diápabí akuoi momia kon onuka aka iko diápa moyaput kon tampat tatua.” Popisí in ki Lot nonangoi kon kotá mointok tatua, dá tuamai kotá tatua sinangoian Zoar.

TAWARIKH 2 28:15

Bo intau opat inta sinon itoi tatua sinimindog sin moindoi kon intau mita inta sinokodakop tatua. Mosia in nosilai kon ḷambung mita inta sinokoagow mita tatua kon intau mita inta sinokodakop inta moparaḷu. Mosia in nosilai doman kon sapatu, kaanon bo inumon. Intau mita inta sinokodakop inta pinaḻi-paḻían inundaman in ḷana zaitun. Inta diá mokomampu mayá, pinotakoi kon keledai, bo bayongan in intau mita inta sinokodakop tatua dinia kon Yerikho, kotá in pangkoi mita in kurma, sinbá motaaudon mobui kon ḻipú monia tontaní kon Yohuda. Nopaḷut mako kon tua intau in Israel nobui kon Samaria.

PINOGIAPAN 34:3

Kon toḷatan, sigadnea pangkoion kon padang gurun Zin tumaḻib mongin Edom. Kon dotá in pomukaan sigadnea pinangkoi kon popod in toḷatan Laut Mati,

HAKIM MITA 1:16

Buí inunuton i Musa, inta intau mita in Keni, dinumudui kon intau in Yohuda iḻumuai nongkon Yerikho, kotá in kurma, bo minayá in padang gurun kon dotá in toḷatan in Arad kon Yohuda. Kon tua in mosia nogutun kon yua-yuak in bangusa Amalek.

HAKIM MITA 3:13

Datu in Eglon dinumugang kon bangusa in Amon bo Amalek, bo nonaḷow kon intau in Israel, bo nogagow kon Yerikho, kotá in kurma tatua.