ULANGAN 34:1 - Alkitab Singog In Mongondow Masa In Tanaa

¹ Bo ki Musa nonaḷámai kon rata in Moab bo notakod kon Buḷud in Nebo, kon tudu totok in Pisga kon dotá in pomukaan kon Yerikho. Kon tua pinoontong i Tuhan kon inia in bayongan butá tatua, inta: Butá in Gilead nopobayá ná utuan kinoyoyayú in kotá in Dan;

ULANGAN 34:1 Mawu Ofanana

KINOBAḺIAN 13:14

Naonda in ki Lot minayá, ki Tuhan in noguman kon i Abram, “Nongkon tampat sinindoganmu nion, pobobuiká magí-mako kopira kon bayongan tampat;

KINOBAḺIAN 14:14

Naonda in kinodongogan i Abram kon pokuadíonnea tua kinodomokan, sinipunnea in bayongan intau inta kon bonu in ḷoḷaigannea, mosia inta mongopandoi moparang, kobayong monia tua in toḷu nogatut bo mopuḷú bowaḷu, bo dongka minayá nondudur kon datu taya opat tatua nodapot kon kotá in Dan.

YEHEZKIEL 40:2

Kon oontongon tobatú, ki Allah in nodia kon inakó minayá in butá in Israel pinobayá in buḷud inta totok in moḷantud. Kon tayowonku inontongku in totampat in bangunan inta ná batangan in kotá tobatú.

PINOGIAPAN 21:20

onda intua minayá in ḷopá in butá intau in Moab, kon ḻimonag in Buḷud in Pisga inta noitayow kon padang gurun.

PINOGIAPAN 23:14

Dá ki Balak nodia kon i Bileam minayá in padang Zopim, kon tudu in Buḷud Pisga. Kon tua in sia noposindog doman in mezbah pitu bo noposumba doman in sapi koḷakian tobatú bo domba koḷakian doman tobatú kon batúan in mezbah tatua.

PINOGIAPAN 27:12

Ki Tuhan noguman kon i Musa, “Potakodon kon Buḷud in Abarim, bo indoiaidon nongkon tua in butá inta ogoi-Ku kon intau in Israel.

ULANGAN 3:27

Bayádon kon tudu totok in Buḷud Pisga bo indoidon kon dotá in utuan bo toḷatan, kon dotá in pomukaan bo toyopan. Taridiaidon kopia onu in inontongmu tua, sin iko in diá bidon moiḷoḷan kon Ongkag in Yordan.

ULANGAN 32:49

“Bayádon kon Buḷud in Abarim kon butá in Moab kon ḷoḷan kotá in Yerikho. Bo potakodon kon Buḷud in Nebo bo indoiaidon Buḷud in Kanaan inta diádon moonggot bo ogoi-Ku kon bangusa Israel.

ULANGAN 32:52

Tuamai iko in diábí motaau in tumuot kon butá inta inogoi-Ku kon bangusa Israel; iko in tongábí motaau moindoi nongkon moyayú.”

ULANGAN 34:4

Bo ki Tuhan noguman kon i Musa, “Tuata in butá inta pinodandi-Ku kon i Abraham, kon i Ishak bo kon i Yakub ogoi kon buí monia. Poontong-Ku kon inimu, Musa, tongá diábí ogoi-Ku in iko mayá intua.”

YOSUA 19:47

Intau mita in suku Dan ain kinobuḻian in tongosilai nongkon butá monia, dá mosia in minayá kon Lesem bo nonubu kon kotá tatua. Mosia nokoagow, bo noḻimod kon intau mita inta nogutun kon tua, bo iḻitúan monia in kotá tatua. Dá nogutundon in mosia kon tua bo binaḷuaian monia in tangoi in kotá Lesem tatua nobaḻí kotá Dan, podudui in tangoi in mogoguyang monia.

WAHYU 21:10

Dá Roho i Allah in nongawasa kon inakó, bo malaekat tatua in nodia kon inakó minayá kon tudu in buḷud inta moḷantud totok. Bo sinundúnea kon inakó in Yerusalem, kotá inta mokudus tatua, kotá inta noponag nongkon soroga inta nongkon i Allah,

HAKIM MITA 18:29

Tangoi in kotá tatua binaḷuian monia nobaḻí Dan, pinodudui kon tangoi in mogoguyang monia, inta ki Dan, adí i Yakub.