ULANGAN 33:8 - Alkitab Singog In Mongondow Masa In Tanaa

⁸ Bo kon suku i Lewi ki Musa in noguman: “Takin Urim bo Tumim pinoniata-Mu in ibog-Mu, pinongin intau in Lewi, mogogundoi-Mu inta mosatia. Iko nonungkuḷdon kon i monia kon Masa, bo nobobayowan monia kon bokaká in Meriba.

ULANGAN 33:8 Mawu Ofanana

TAWARIKH 2 23:6

Diábí tobatúmai in motaau tumuot kon Baḷoi Tuhan koḻikudbí in imang mita bo intau mita in Lewi inta koyogot in mopobayá in oaidan. Mosia in motaau tumuot sin mosia in sinondídon kon mogaid kon oaidan i Tuhan. Intau mita ibanea in mustibí motoindudui kon atorang i Tuhan bo mogutun kon ḷuai.

EZRA 2:63

Gubernur in butá in Yohuda diá nobogoi kon i monia nokaan kon kaanon inta pinosumba kon i Allah, nodapot in oyúon in imang tobatú inta nopoigum in topotundú nomaké in Urim bo Tumim.

EZRA 8:28

Akuoi in noguman kon imang mita tatua, “Moiko in sinondídon sin mogaid kon bonu in Baḷoi Tuhan, Allah inta sinumba in mogoguyang naton, natua doman in pakakat saḷaka bo buḷawan inta pinosumba kon i Tuhan in sinantú bidon kon tongá kon i Tuhan.

NEHEMIA 7:65

Ki gubernur in Yohuda in diá nobogoi kon i monia mokaan kon kaanon inta pinosumba kon i Allah, noidapot in oyúon in imang tobatú inta motaau mopoigum in topotundú mopomaké in Urim bo Tumim.

MAZMUR 106:16

Kon padang gurun tatua mosia in nointoi kon i Musa bo kon i Harun mogogundoi-Nea inta motusi.

MAZMUR 16:10

Sin diábí pinomayá-Mu mako matoi in akuoi; intau inta kinotabi-Mu diábí pinomayá-Mu mako in moyopú.

MAZMUR 81:7

“Ininggamáan-Kudon in onu inta pinotaanmu, bo noḷuat doman kon karansi inta sinombuḻiganmu.

IḶUAIAN 17:7

Tampat tatua sinangoian Masa sin kon tampat tatua intau Israel nonungkuḷ kon i Tuhan kon tungkuḷ in mosia noḻibó, “Degá sinakinan i Tuhan in kita ande diá?” Tampat tatua sinangoian doman Meriba sin kon tampat tatua intau Israel nongunsingog.

IḶUAIAN 28:30

Ukat in Urim bo Tumim kon bonu in oḻingoi in dodob tatua sin pakéon i Harun aka sia tumayow kon i-Nakó. Kon dodai in sia yogot momia kon oaidannea tatua sia in musti umuran momaké kon oḻingoi in dodob, sinbá kotaauannea mongo onu in kinoibog-Ku kon umat Israel.”

IḶUAIAN 28:36

Pomiaaidon kon ḷambá nongkon buḷawan bo pais popokurig in tosingogon tanaa: ‘Tongábi ogoi kon i Tuhan’.

IMAMAT 21:7

Imang tobatú diábí motaau in motonibuḷoi takin bobay tobatú inta ain nobaḻí sundaḷ ande bobay inta diádon porawan ande inta ain nogogaatan, sin imang tua in kapunyaan-Ku.

IMAMAT 8:8

Bo pinoḷutudnea domandon in oḻingoi in dodob kon i Harun, bo pinopobonuneadon kon oḻingoi in dodob tatua in Urim bo Tumim.

MALEAKHI 2:6

Mosia in motundú kon inta totuu, bo deemanbí inta noitaḷá. Mosia in mobiagbí modagin kon i-Nakó, bo takin gina motuḻid dumudui kon ibog-Ku. Mosia in motuḷung doman kon mobayong in intau sinbá diádon mogaid kon inta moraat.

PINOGIAPAN 16:5

Bo sia in noguman kon i Korah bo dumoduduinea mita, “Ikoḷom doḷo-doḷom ki Tuhan in mopoontongdon kon i naton mongo ki ine in kapunyaan-Nea, bo ki ine inta sinondí kon i-Nia. Intau inta piḻíon-Nea tua in motaau dimiug kon i-Nia.

PINOGIAPAN 20:13

Tuata in bokaká in tubig Meriba. Kon tampat tatua intau mita in Israel nongunsingog kon i Tuhan, bo kon tua doman ki Tuhan nopoontong in kawasa-Nea inta motusi kon bangusa tatua.

PINOGIAPAN 20:24

“Ki Harun in diábí moituot kon butá inta ain pinodandi-Ku kon bangusa Israel; sia in matoibí sin popisí in kamunda ain noḷawang kon parenta-Ku kon diug in bokaká in Meriba.

PINOGIAPAN 27:21

Ki Yosua in musti mopoigum in totundú i Imang Eleazar, bo ki Eleazar in musti moḻibó kon onu in koibog-Ku takin mopomaké in Urim bo Tumim. Natua in pododia i Eleazar kon i Yosua bo bayongan bangusa Israel kon bonu in bayongan pelekara inta kobayáan monia.”

PINOGIAPAN 35:8

Kobayong in kotá mita in intau in Lewi kon bonu in wilayah in batúan suku in Israel musti tantúon podudui kon kobayong in kotá bo koḷoben in wilayah tatua.”

ULANGAN 6:16

Dika monungkuḷ kon i Tuhan Allahmu ná inta pinomia monimu kon Masa.

ULANGAN 8:16

Kon padang gurun Sia nobogoi in manna kaanonmu, kokaanon inta diábí kinotaauan in mogoguyangmu. Inaidan i Tuhan intua sin monungkuḷ kon i monimu bo motundú sinbá mokopoompá kon gina, bá kon buitnea Sia mopoaid in mopia kon i monimu.

ULANGAN 9:22

Ná doman tua in kon Tabera, kon Masa bo kon Kibrot-Taawa, moiko nokopomukádon in torú i Tuhan.

IBRANI 7:26

Dá ki Yesusbí tua in Imang Moḷoben inta paraḷuon naton. Sia tua in nodaritbí kon bayongan in yagi-yagi, diábí in taḷá andeka dosa onukadon kon i-Nia. Sia in pinotondí nongkon intau mita inta dinosa, bo dinia pinoonik in tampat inta moḷantu-ḷantud nongkon ḷangit.

WAHYU 3:7

“Paisdon kon malaekat in jamaat kon Piladelpia nanaa: Naadon in koyow nongkon i-Nia inta Mokudus, Inta Mobanar bo ki Inta nokadai kon kokunsi i Daud; Aka Sia in mobuká yo diábí tobatúmai in mokoḻingkop; bo aka ḻingkopan-Nea, yo diábí doman tobatúmai in mokobuká.

SAMUEL 1 28:6

Bo nopoigum in sia in totundú kon i Tuhan, táe ki Tuhan in diábí notubag kon inia, pinomayá pinongin togoindop, andeka pinongin Urim bo Tumim andeka pinongin nabi mita.