Biblia Todo Logo
Baibulo la pa intaneti

- Zotsatsa -




ULANGAN 33:3 - Alkitab Singog In Mongondow Masa In Tanaa

3 Totuu, ki Tuhan in motabi kon bangusa-Nea Sia in mogoḻiungbí kon bayongan in intau inta nobaḻí kapunyaan-Nea. Koḻigai in kita dumokó kon tayowon in sioḷ-Nea bo dumudui kon parenta-Nea mita.

Onani mutuwo Koperani




ULANGAN 33:3
31 Mawu Ofanana  

Táe akuoi in mongamang mako kon ini-Mu, o Tuhan, sin Ikobí in ki Allahku.


Pinopountung-Nea in kita kon bangusa mita, binaḻí-Nea in kita mongogawasa kon suku mita in bangusa.


Guman-Nea, “Sipundon in bayongan in umat-Ku inta ain nomia kon dodandian takin-Ku, bo sinoimpaḷut in kuruban inta iratá.”


Abataibí in totundúku mita, adíku, bo umuran torop in tongginaku mita kon inimu.


Tua komintan in iraiku kinopira totok. Ki Allah in nonompia kon kobiagan in intau inta mopia bo mobijaksana, modapot in aka intau tatua moyongó andeka motabi. Diábí in monotaau mongo onu in mobaḻí kon singgai moiduduimai.


nopotaau in koyow tanaa kon bayongan in intau kon Yerusalem, “Ei Israel, kinotoropan-Ku kon iko in totok in motoindudui kon tungkuḷ in iko noguodpa; totuu moḷoben in tabimu kon tungkuḷ in kita bagupa notonibuḷoi. Minayá in padang gurun in Akuoi dinuduianmu nongin butá inta diá sinompinomuḷaan.


nongkon noyayú Akuoi nokipogontong kon i monia. Ei umat Israel, nongkon koḻipodpabímai Akuoi umuran monotabi kon i monimu, bo umuranbí doman in Akuoi moponiata kon Akuoi in umuranbí motabi kon i monimu.


Akuoi in momiabí kon dodandian inta mononoi takin i monia. Akuoi in diábí mogogai in mogaid kon inta mopia kon i monia. Baḻíon-Kubí in mosia moondok bo mohoromat kon i-Nakó takin ḻimbatú in gina sinbá mosia diá yumayú kon i-Nakó.


Ki Tuhan in noguman, “Akuoi in notabi kon Israel pinangkoi kon sia in nointokpa, Inoiní-Ku in ki adí-Ku tatua iḻumuai nongkon Mesir.


Ki Tuhan in noguman kon umat-Nea, “Akuoi in motabi kon i monimu.” Táe mosia in notubag, “Naonda in pononotabi i Tuhan kon inami?” Ki Tuhan in notubag, “Kinotaauanbí monimu kon ki Esau tua in ki guya-guyangbí i Yakub? Táe ki Yakub in kinotabiku,


“Mototundú mita kon agama Yahudi bo intau mita in Parisi aindon inogoian in kawasa monotaau kon hukum i Musa.


Ki Marta naa oyúon in ki utatnea bobay doman inta tangoinea in ki Maria. Ki Maria naa iḻimitú mako kon diug i Yesus bo mokidongogmai kon onu in singogon-Nea.


Naonda in toḷudon nosinggai in pinotayakan monia, indoianmai monia yo kon bonubí in Baḷoi Tuhan in Sia. Sia ḻimitú mako kon yua-yuak in mototundú mita kon agama bo mokidongog mako kon potundúan monia bo poḷat doman in Sia mopoḻibó-ḻibó kon i monia.


Dá iḷumuaidon in intau mita kon tua sin moindoi kon onu inta ain nobaḻí kon tua. Mosia namangoi kon i Yesus bo inontong monia in intau inta sinaḷaandon in dimukud moraat. Intau tatua iḻimitúdon mako kon diug in sioḷ i Yesus, aindon noratak bo nogiḷambungdon. Mosia inta kon tua, komintan inangoian ondok in nokoontong kon onu inta nobaḻí tatua.


“Akuoi naa intaubí in Yahudi, pinononggadí kon Tarsus kon butá in Kilikia, táe akuoi in nointoi kon kotá tanaa, ki Gamaliel in guru moḷobenku inta ain notundú kon i nakó notompia totok. Sia in notundú kon hukum i Musa inta inogoinea kon mogoguyang naton. Sahingga in akuoi nobaḻí mogogaid i Allah inta totok in morajing, ná tanaa mako.


Moiko nion in kapunyaan i Tuhan Allahmu; nongkon bayongan in bangusa kon dunia naa, moikobí nion inta piniḻí i Allah nobaḻí umat-Nea.”


Popisí in motabi in Sia kon mogoguyangmu, dá moiko aindon piniḻí-Nea; takin kawasa-Nea inta moḷoben moiko dinia-Neadon iḻumuai nongkon Mesir.


“Ki Tuhan Allahmu in nopotabá kon inakó motundú kon bayongan hukum tanaa kon inimu sinbá aidan monimu kon butá inta diádon moonggot bo bayáan monimu pogutunan.


Moiko in dinumuduidon kon onu inta inontong monimu inaidan nami bo inta inaidan i Tuhan. Umpaka moiko nobiag nororiga sin pinogutú totok in intau ibanea, táe Habar Mopia inta pinoyaput nami kon i monimu in sinarimabí monimu takin sanang in gina. Sanang in gina tatua in Rohobí i Allah in nobogoi.


Tua komintan in ogoi kon i monimu, sin moiko in mopirisaya kon i Allah. Moiko iḷukadanbí doman in kawasa i Allah sinbá moiko in motarima kon kasaḷamatan inta sinadiadon bo poponiata kon singgai tumi.


Kita motabi, sin ki Allah ain muna notabi kon i naton.


Intau inta mosatia in umuran moaman kon bonu in kawasa i Tuhan. Táe intau inta moraat in morimumud matoi kon bonu in sindip bo kintui totok. Ropot tontaní diá motaau in pongata, ropot in intau diá mokoogoi kon kauntungan.


Titsatireni:

Zotsatsa


Zotsatsa