ULANGAN 33:12 - Alkitab Singog In Mongondow Masa In Tanaa

¹² Bo kon suku i Benyamin sia noguman: “Naadon in suku inta kinotabi i Tuhan. Sia nogoḻiung kon i monia singgai bo doḷom bo nogutun kon sigad monia.”

ULANGAN 33:12 Mawu Ofanana

SAMUEL 2 12:24

Onda intua ki Daud noḻipoi kon i Batsyeba ki buḷoinea, bo nosiugdon noyotakinnea. Ki Batsyeba nopononggadí in adí ḷoḷaki tobatú bo sinangoian i Daud ki Salomo. Sinotabi i Tuhan in adí tatua

SAMUEL 2 12:25

bo pinoki tontangoi kon i Nabi Natan in adí tatua ki Yedija, sin ki Tuhan notabi kon inia.

DATU MITA IMITÁNEA 12:21

Naonda in ki Datu Rehabeam nodapotmai kon Yerusalem, nosipun in sia kon 180.000 in tontara inta mongopia nongkon suku in Yohuda bo Benyamin sin mayá momarang kon intau in Israel bo mopoguḻit in kawasa nea kon suku mita inta kon dotá in utuan in Israel.

TAWARIKH 2 11:1

Naonda in ki Datu Rehabeam noidapot in Yerusalem, nosipun in sia kon 180.000 in tontaranea inta mongopia totok nongkon suku in Yohuda bo Benyamin sin monayow kon intau in Israel bo mopoguḻit bui in kawasa nea kon suku mita kon Israel dotá in utuan.

TAWARIKH 2 15:2

dá minayá in sia nokipodungkuḷ kon i Datu Asa, bo noguman, “Uḻe Datu Asa, bo bayongan in intau inta nogutun kon Yohuda bo kon Benyamin! Indongogai! Ki Tuhan modagin kon i monimu aka moiko modagin kon i-Nia. Aka moiko mopoigum in topotundú i Tuhan, yo ogoian-Neabí doman. Táe aka moiko doí mopandungmai kon i-Nia, yo diábí doman in Sia mopandungmai kon i monimu.

MAZMUR 132:14

Guman-Nea, “Kon tanaaya in pogogutunan-Ku modapot in mononoi, Akuoi in moibog momarenta kon tampat tanaa.

MAZMUR 60:5

Pinomayá-Mu mako in umat-Mu nokorasa kon roriga mobogat; kami in noipape magí-mako naonda bo intau noḷoḷangu.

MAZMUR 91:4

Iko in koḷoban-Neabí in koḻikip-Nea, dá moodombí in iko kon bonu in oḻiung-Nea; kososatia-Nea in naonda bo kaḻeaw inta noḷukad kon inimu.

YESAYA 37:22

ki Tuhan in noguman, “Kotá in Yerusalem kinumosing bo noningkuḻe kon inimu, Sanherib!

YESAYA 37:35

Kotá in Yerusalem in duḷuan-Kubí bo ḷukadan-Ku sin kahoromatan-Ku tontaní bo popisí in dodandian-Ku takin i mogogundoi-Ku ki Daud.’ ”

YESAYA 51:16

Akuoibí inta nosongká kon ḷangit bo nopoukat in dodoyonan mita in butá. Akuoi in moguman kon Sion: Ikobí nion in umat-Ku; Akuoi in mobogoi in totundú-Ku kon inimu bo mogoḻiung kon inimu pongin kawasa-Ku.”

YEREMIA 12:7

Ki Tuhan in noguman, “Pogogutunan-Ku in diá bidon pandungon-Kumai, butá inta nobaḻí kapunyaan-Ku in sinaḷáan-Kudon, bo umat-Ku inta kinotabi-Ku aindon inogoi-Ku kon bonu in kawasa in musungnea mita.

MATIUS 23:37

“Yerusalem, Yerusalem! Nabi mita iḻimodmu. Totabá mita i Allah inandurmu in batu nodapot in minatoi. Nokakitdon in Akuoi moibog totok mosipun kon i adímu mita naonda bo ki iná in manuk mosipun kon i adínea mita kon koḻikipnea, tongá doí in moiko!

ULANGAN 12:10

Naonda in moiko ḷumoḷan kon Ongkag in Yordan, ki Tuhan Allahmu in motuḷungbí kon i monimu ḻimitú bo mogutun kon butá inta kon ḷoḷan in ongkag tatua. Sia in mogoḻingoibí kon i monimu nongkon bayongan musung, bo moiko in mobiagbí moaman bo motompia.

ULANGAN 32:11

Naonda bo ḷagapan boniá inta motundú kon i adínea ḷumayug singkaponnea kon koḻikip inta nosongká bo babaannea kon tudu in koḻikipnea mita,

ULANGAN 33:11

O Tuhan, tuḷungaipa in suku tanaa sinbá moropot, igumon mako Iko in moibog kon oaidan monia. Yopúdon in bayongan musung monia dá diádon mokosindog bui.”

ULANGAN 4:37

Popisí in motabi in Sia kon mogoguyangmu, dá moiko aindon piniḻí-Nea; takin kawasa-Nea inta moḷoben moiko dinia-Neadon iḻumuai nongkon Mesir.

HAKIM MITA 1:21

Suku i Benyamin in diá nokopoguntun kon intau in Yebus nongkon kotá in Yerusalem. Tuamai intau in Yebus umuranpa doman nogutun kon tua noyotakin in intau in Benyamin.

SAMUEL 1 10:20

Bo ki Samuel in nopotabá in bayongan suku inumuna bo suku Benyamin in kinopiḻían.