ULANGAN 32:7 - Alkitab Singog In Mongondow Masa In Tanaa

⁷ Toropdon in singgai muna, taridiaidon in singgai mita tungkuḷ intua. Ḻibódon kon guyangamu, sinbá mosia in mopotaau kon inimu.

ULANGAN 32:7 Mawu Ofanana

MAZMUR 10:6

Sia in mosingog kon bonu in gina, “Akuoi in diábí taḷowon, bo kinoouput in imbuían naonda bo intau inta diá nobiag moraat.”

MAZMUR 119:52

Kinotoropankubí in hukum-Mu inta oyúon nongkon dungkuḷpabímai, dá noḻipoidon in ginaku, o Tuhan.

MAZMUR 44:1

Mazmur in inanakan i Korah. Dondong topotundú. Kon i itoi in mododondong.

MAZMUR 44:2

O Allah, ain dinongog nami tontaní in ouman inta inouman in mogoguyang nami onu inta motoyang inaidan-Mu kon tungkuḷ intua.

MAZMUR 77:8

“Degá dapot in mononoi ki Tuhan in mondoí bo diádon angoian pia in gina bui?

MAZMUR 78:5

Kon bangusa in Israel inogoi-Nea in hukum-Nea, bo kon buí i Yakub in parenta-Nea. Sia in nopotabá kon mogoguyang naton motundú kon tua kon i adí mita monia,

IḶUAIAN 12:26

Aka ki adímu mita moḻibó, ‘Onu in mangaḻe upacara tanaa?’

IḶUAIAN 13:14

Aka kon singgai moiduduimai ki adímu moḻibó onu in mangaḻe in tua komintan, yo nanaa in pototubag monimu, ‘Takin kawasa inta moḷoben, ki Tuhan nodia kon i naton iḻumuai nongkon butá in Mesir, tampat pinononggataan kon i naton.

YESAYA 46:9

Toropdon in inta nongobaḻí dungkuḷmai; Akudon kon Akuoi in Allah, bo diábí in ibanea mako, Akuoi in Allah, bo diábí in ná Akuoi.

YESAYA 63:11

Bo mosia in nokotorop kon inta dungkuḷmai, Sempo i Musa mogogundoi i Tuhan. Mosia in noḻibó “Kon onda in ki Tuhan inta nodia kon itoi mita in umat-Nea nongin dagat? Kon onda in ki Tuhan inta nobogoi in kawasa-Nea kon i monia?

ULANGAN 4:32

Tarididon in singgai koḷabung, kon dodai in moiko diápa pinononggadí, pinangkoi kon singgai kon wakutu in ki Allah nomia kon intau kon dunia naa. Tayakdon kon bayongan dunia. Dodaibí in onda in soaḷ inta motoyang tua nobaḻí? Dodai in onda in oyúon in intau inta nokodongog kon soaḷ onu inta nobaḻí ná tatua?

ULANGAN 8:2

Toropdon! Opat nopuḷú notaong koonggotnea in ki Tuhan Allahmu nodia kon i monimu kon bonu in binayáan moyayú sinumaḻib kon padang gurun. Binayáan tatua imakusud i Tuhan monungkuḷ kon i monimu, sinbá koontongan-Neadon onu in kon bonu in ginamu bo indoian-Nea mongo moiko mokopotoindudui kon parenta-Nea mita.

HAKIM MITA 6:13

Tubag i Gideon, “Ampung, tuang! Aka totuu ki Tuhan nonakin kon i nami, yo nongonu sin bayongan in naa moiumabí kon inami? Kon ondadon in bayongan inta mokoherang inta pinomia i Tuhan koḻipod bo inta inouman in mogoguyang nami soaḷ naonda in ki Tuhan nopoḷuai kon i monia nongkon Mesir? Tanaa in ki Tuhan nonaḷámaidon kon inami bo binió-bió-Neadon mako in kami kinawasaan in intau mita in Midian.”