ULANGAN 32:51 - Alkitab Singog In Mongondow Masa In Tanaa

⁵¹ Kamunda in diá motoindudui kon i-Nakó bo diá nohoromat kon i-Nakó kon tayowon in bangusa Israel kon dodai in moiko kon bokaká in Meriba, kon diug in kotá Kades, kon padang gurun Zin.

ULANGAN 32:51 Mawu Ofanana

YESAYA 8:13

Toropdon kon Akuoi, ki Tuhan Inta Totok in mokawasa in motusi. Tongábí Akuoi in musti koondokmu.

YEHEZKIEL 47:19

Pinosigadan kon dotá in toḷatan mopobayá in barat daya, nongkon Tamar nopobayá in bokaká in Kades-Meriba, bodongka nopobayá ná barat laut kinoouput in pinosigadan Mesir nodapot kon Dagat Toyuak.

IMAMAT 10:3

Bo ki Musa in noguman kon i Harun, “Tuata in makusud i Tuhan kon dodai in Sia noguman, ‘Bayongan intau inta mogaid kon oaidan-Ku musti mohoromat kon kotusian-Ku. Poniata-Kubí in kawasa-Ku kon bayongan bangusa-Ku.’ ” Táe ki Harun tongádon kibio-biómai.

PINOGIAPAN 20:24

“Ki Harun in diábí moituot kon butá inta ain pinodandi-Ku kon bangusa Israel; sia in matoibí sin popisí in kamunda ain noḷawang kon parenta-Ku kon diug in bokaká in Meriba.

PINOGIAPAN 27:14

sin kon padang gurun Zin kamunda ain noḷawang kon parenta-Ku. Kon tungkuḷ in kon Meriba bayongan rayat nongunsingog kon i-Nakó, bo moiko doí moponiata in kawasa-Ku kon tayowon monia kon dodai in mosia kinodaitan in tubig.” (Tua in nobaḻí kon bokaká in tubig Meriba kon Kades, kon padang gurun Zin.)

YOSUA 15:1

Motoḷuadí nongkon suku in Yohuda notarima kon tonsilai butá inta noiduduimai naa in sigadnea: Kon dotá in toḷatan, butá tatua nosimbanat nodapot kon popod inta totok in kon toḷatan butá kon padang gurun Zin kon pinosigadan in Edom;

PETRUS 1 4:17

Sin naa bidon wakutu i Allah momangkoi mohakim kon dunia naa. Bo umatbí i Allah inta muna-munamai hakimon. Dá aka kita inta mopirisaya bo hakimon doman, yo onu in mobaḻí kon i monia inta diá mopirisaya kon Habar Mopia nongkon i Allah tua?