ULANGAN 32:39 - Alkitab Singog In Mongondow Masa In Tanaa

³⁹ Indoiaika, tongábí Akuoi in ki Allah, diábí in Allah ibanea koḻikudbí in Akuoi. Akuoi in moḻimod bo momiag, monompaḻí bo mongundam. Aka Akuoi in mogaid, diábí tobatúmai in intau in mokoḷawang.

ULANGAN 32:39 Mawu Ofanana

DATU MITA 2 20:5

buipa bayá kon i Hizkia, datu in umat i Tuhan, bo potaau in koyow tanaa, “Akuoi, ki Tuhan, Allah inta sinumba i Daud mogoguyangmu, ain nokodongog kon sambayangmu bo nokoontongdon kon ḷuámu. Undaman-Kudon in iko; toumá in iko in mayádon kon Baḷoi-Ku.

DATU MITA 2 5:7

Naonda in binaca i datu in Israel in surat tatua, nomera-merak in sia kon ḷambungnea sin nohawatir, poḷat noguman, “Mobodito, nongonubí degá sin ki datu in Siria tatua in nopoigumbí sinbá undamanku in intau tanaa? Deemanbí in akuoi ki Allah inta oyúon in kawasa momiag andeka momatoi kon intau! Notantú bidon kon ki datu in Siria tua in tongábí motayak kon soaḷ kon inakó!”

NEHEMIA 9:6

Onda intua rayat in Israel nosambayang nanaa, “Ikobí in Tuhan, Ikobí inta Totobatú tua; Inaidan-Mu in tundi bo toḷungayá, dagat bo butá takin bayongan in tombonunea, bo inogoian-Mu in kobiagan bo iḷukadan-Mu. Kon ini-Mu bayongan in kawasa kon ḷangit tumungkud mosumba; mosia in tumonsiup kon ini-Mu bo tumungkud.

AYUB 10:13

Táe tanaa in kinotaauankudon kon tua in kino oonggot, inumuni-uni aindon pinomia-Mu in boditoku.

AYUB 10:7

Sabanarnea in kinotaauan-Mubí bo nosadar, kon akuoi in diá kotaḷá, táe nobanarbí. Kinotaauan-Mubí kon tobatúmai intau diábí in mokotongod in moposaḷamat kon inakó nongkon kawasa-Mu.

AYUB 5:18

Sin ki Allah in mopouma in takit, yo Siabí doman in mongundam. Bo ḻima-Nea inta nosambok, in inta bui momidai.

MAZMUR 102:27

Tua komintan in moinggamábí, táe Iko in umuranbí oyúon; tua mita in mokoyonganbí naonda bo pakeang. Ḷumbúon-Mu intua naonda bo ḷambung nokoyongan, bo komintandon moputú.

MAZMUR 102:28

Táe Iko in diábí mobaḷu-baḷui, kobiagan-Mu in diábí in imbuitnea.

MAZMUR 18:31

Oaid i Allah in nosompurna dandi i Tuhan motaau pirisayaan. Sia in naonda bo kaḻeaw kon bayongan in intau inta namangoi kon i-Nia.

MAZMUR 50:22

Tondudutka, moiko inta nokoḻiong kon i Allah; ḷukadai bá diá dapot in yopúon-Ku in moiko, bo diábí in moposaḷamat.

MAZMUR 51:8

Iko in monuntut kon kototuḻid in gina; pogonúaidon in ginaku in hikmat-Mu.

MAZMUR 68:20

Dayowdon in ki Tuhan, sin Siabí in ki Allah inta noposaḷamat kon inaton; pomuḷoi in singgai momotaan in Sia kon dodiaan naton.

MAZMUR 86:10

Sin Iko in motorindog bo nogaid kon inta mokoherang mita, tongábí Iko in Allah.

IḶUAIAN 15:26

Guman i Tuhan, “Totu-totuudon dudui kon i-Nakó, bo aidaidon in onu inta ontongon-Ku mopia; duduiaidon in bayongan parenta-Ku. Aka aidan monimu intua, yo moiko in diábí hukumon-Ku poumáan in takit ná inta pinouma-Ku kon intau mita in Mesir. Akuoibí in ki Tuhan inta nonompia kon i monimu.”

IḶUAIAN 4:7

Bo ki Tuhan noguman, “Buika pobonu in ḻimamu kon ḷambungmu.” Dá dinuduian doman i Musa in guman tatua, bo naonda in pinoḷuaineadon bui, nopiadon bui in ḻimanea tatua.

MOHOHUTUBA 3:3

wakutu moḻimod bo wakutu mongundam, wakutu mongokai bo wakutu moposindog.

YESAYA 19:22

Ki Tuhan in momongkugbí kon bangusa in Mesir, táe mopaḷut mako kon tua Sia in mongundambí bui kon i monia. Mosia in mobuibí mangoi kon i Tuhan, bo Sia in mokidongogbí kon sambayang monia poḷat mongundam.

YESAYA 30:26

Buḷan in monindarbí ná kobayag in mata in singgai, bo mata in singgai in mobayagdon kopitu in kobayagnea ná biasamai, naonda bo bayag in pitu nosinggai sinipun nobaḻí tosinggai. Tua komintan in mobaḻíbí kon tungkuḷ in ki Tuhan mobakut bo mongundam kon kekeb mita in umat-Nea inta ain binibilnea.

YESAYA 41:4

Ki ine in nogaid kon tua mita? Ki ine in nonantú kon daḷan in bayongan inta nobaḻí? Akuoi, ki Tuhan, Akuoi in inta muna-munamai, bo inta umuran oyúon modapot in imbuitnea.

YESAYA 43:10

Ei umat-Ku, moikobí in sakusi-Ku mita, moiko in piniḻí-Ku nobaḻí mogogundoi-Ku mita, sinbá monotaaudon kon i-Nakó bo mopirisaya kon i-Nakó, bo momangaḻedon kon Akuoibí naa in Allah. Akuoi in Allah inta totobatú tua. Diábí in ibanea mako in noiuna bo inta moiduduimai kon i-Nakó.

YESAYA 43:12

Akuoi in nopotaaudon kon inimu, Akuoibí in inta moposaḷamat kon i monimu, bo deemanbí ilah ango-angoi inta kon sigad monimu; moikobí in nobaḻí sakusi-Ku mita. Bo Akuoi, Akuoi naa in Allah,

YESAYA 43:13

modapot in mononoi Akuoi in umuranbí Allah. Diábí in mokoḷagui nongkon kawasa-Ku, andeka moḷamboi kon tomayá-Ku.”

YESAYA 45:18

Ki Tuhanbí in inta nomaḻí kon ḷangit, Siabí in ki Allah! Siabí inta nomia bo nogaid kon butá, binaḻí noroton bo tantú noisindog mako. Diábí binaḻí-Nea tampat inta noingongow, táe tampatbí inta pogutunan. Siabí inta noguman, “Akuoibí in Tuhan bo diábí in ibanea mako.

YESAYA 45:22

Ei, bayongan intau kon dunia, angoidon kon i-Nakó sinbá moiko in posaḷamaton, sin tongábí Akuoi in Allah, diábí in ibanea!

YESAYA 45:5

Akuoibí naa in Tuhan, diábí in ibanea mako, Akuoi in Allah inta diá in toḻinduanea. Iko in ain sinon pakakatan-Ku, umpakabí diá kinotaauanmu in Akuoi.

YESAYA 46:4

Akuoi in umuranbí ki Allahmu modapot in moiko mogoguyang; bo umuran moḷukad kon i monimu modapot in moiko ubanan. Akuoi in nopobaḻí kon i monimu bo umuran moḷukad, Akuoi in motuḷungbí bo moposaḷamat kon i monimu.

YESAYA 48:12

Ki Tuhan in noguman, “Indongogaidon Israel umat inta inoiní-Ku, Akuoi in umuranbí ki Allahmu. Akuoibí inta muna-munamai, bo Akuoi doman inta imbuitnea.

YEHEZKIEL 37:12

Tuamai in ponoḷanowdon kon umat-Ku Israel tatua kon Akuoi, ki Tuhan Inta Totok in moḷantud in momukatbí kon pinoḷobongan kon i monia. Akuoi in mopoḷuaibí kon i monia nongkon tua bo mopobui kon i monia kon butá in Israel.

YEHEZKIEL 37:3

Ki Tuhan in noḻibó kon inakó, “Ei intau ilo-ilow, degá motaau in biagon bui in tuḷan mita tanaa?” Akuoi in notubag, “Tuhan Inta Totok in moḷantud, tongábí Iko in nonotaau.”

HOSEA 5:14

Naonda bo singa inta monubu, natuata in pononubú-Ku kon intau in Israel bo Yohuda. Akuoibí tontaní in moyingki-yingkit kon i monia, bodongka taḷaan-Ku. Aka irudon-Ku in mosia mayá, yo diábí tobatúmai in intau in mopoḷuat kon i monia.

HOSEA 6:1

Intau mita in Israel in noguman, “Igai mobuidon in kita kon i Tuhan. Siabí inta nopororiga kon i naton, táe Siabí doman inta monompia. Sia in nonongkekeb, táe Siabí doman in mobakut kon kekeb mita naton.

MIKHA 5:8

Israel in monaḷowbí kon musungnea mita poḷat morimumud kon i monia komintan.

YOHANES 8:24

Tuamai Akuoi in noguman kon i monimu, kon moiko in matoibí kon bonu in dosa aka diá mopirisaya kon ‘Akuoibí in Sia inta sinumangoi Akuoi Oyúon’.”

ULANGAN 32:12

natuata ki Tuhan tontaní in nodia kon umat-Nea, diábí in ilah ibanea in sinumakin kon inia.

ULANGAN 4:35

Tua komintan pinoontong i Tuhan kon inimu sin moponiata kon tongábí ki Tuhan tua in Allah, bo diábí in ibanea mako.

ULANGAN 7:9

Pokotorop kon ki Tuhan Allahmu in tongábí Sia-Sia mita in ki Allah, bo Sia in Allah inta mosatia. Ki Tuhan nogintompod kon dandi-Nea bo noponiata in tabi-Nea inta diá modai-dait modapot in toribu nopobuían kon intau mita inta motabi kon i-Nia bo motoindudui kon parenta-nea mita.

IBRANI 1:12

Dunia naa in kopíon-Mubí naonda bo ḷambung, bo baḷuian-Mubí in ibanea mako. Táe Iko in diábí mobaḷu-baḷui, bo mononoibí in kobiagan-Mu.”

WAHYU 1:11

Singog tatua in noguman, “Paisdon onu inontongmu, bo atodon in buk tatua kon pitu nojamaat: Jamaat mita kon Epesus, kon Smirna, kon Pergamus, kon Tiatira, kon Sardis, kon Piladelpia bo kon Laodikia.”

WAHYU 2:8

“Paisdon kon malaekat inta kon Smirna, nanaa: Nanaa in koyow nongkon i-Nia inta muna-munamai bo inta pangabisan – inta ain minatoi bo inta nobiag bui.

SAMUEL 1 2:6

Ki Tuhan in mokopatoi bo mokobiag in Sia. Pinopoponag-Nea in intau kon dunia in intau minatoi. Bo Sia doman in nopoḷuai nongkon tua.