ULANGAN 32:36 - Alkitab Singog In Mongondow Masa In Tanaa

³⁶ Ki Tuhan in moposaḷamat kon umat-Nea bo motabidon kon mogogundoi-Nea mita, aka ontongon-Nea in mosia diádon kodaya bo kinodaitandon in ropot.

ULANGAN 32:36 Mawu Ofanana

DATU MITA IMITÁNEA 14:10

Tuamai in popoangoi-Kubí in bodito kon motoḷuadímu. Bayongan in buímu inta ḷoḷaki, onukabí in iḻitúannea yo ḻimodon-Kubí. Yopúon-Kubí in motoḷuadímu, notongkai ná intau nongait kon yoyatan kinodarit.

DATU MITA IMITÁNEA 21:21

dá naa in pinoguman i Tuhan kon i Tuang, ‘Akuoi in mopoangoibí in bodito kon inimu. Iko in pogambat-Kudon bo bayongan in intau ḷoḷaki kon motoḷuadímu, noguyang andeka mobagupa, in yopúon-Kubí.

DATU MITA 2 14:26

Inontong i Tuhan kon totuudon mororiga in intau in Israel, bo diá tobatúmai intau in motuḷung kon i monia.

DATU MITA 2 9:8

Bayongan in motoḷuadí i Ahab, adí bo ompunea in mustibí matoi. Pomuḷoi in intau ḷoḷaki pinomayá inta noguyangdon andeka inta noguodpa yopúon-Kubí.

MAZMUR 106:45

Popisí in mosia dá kinotoropan-Nea in dandi-Nea bo nonotabidon kon i monia popisí in tabi-Nea inta moḷoben.

MAZMUR 135:14

sin Iko in nobogoidon in inta moadil kon umat-Mu, bo nonotabi kon mogogundoi-Mu mita.

MAZMUR 50:4

Sia in mogoiní kon ḷangit bo butá sin moindoi kon ponisigan-Nea kon umat-Nea.

MAZMUR 7:8

Sipundon in bangusa mita kon diug-Mumai, bo kawasaaidon in mosia nongkon tampat pomomarentaan-Mu kon soroga.

MAZMUR 90:13

O Tuhan, modapot in toonu Iko in tumorú? Pobuidon bo kotabipa in mogogundoi-Mu mita.

MAZMUR 96:13

Sin ki Tuhan in mamangoi momarenta kon butá, Sia in mohakimbí kon bangusa mita takin moadil bo mojujur.

IḶUAIAN 32:14

Dá ki Tuhan nomaḷuidon kon niat-Nea tatua bo diádon pinopoantugan-Nea in bangusa tatua in bodito ná inta tomayá-Nea.

YEREMIA 20:11

Táe Iko, o Tuhan, in kon dotáku; Iko in totok in moropot bo motorindog. Mosia inta mogaḷow bo mondorot kon inakó in moḷabúbí bo kodaitan in daya. Mosia in mooyábí modapot in mononoi, diádon in notuoi in bayongan tomayá monia. Koempengan monia tua in umuranbí toropon.

YEREMIA 31:20

Israel, iko in adí inta kinotabi-Ku totok, adí inta totok in kinotabi, batoḷ in dodob-Ku. Pomuḷoi indoyóon-Ku in iko kotoropan-Ku in iko takin tanob. Iko in pinomia-Ku takin nopuḻing in tabi.

YEREMIA 42:10

‘Aka umuran in moiko moibog mogutun kon butá tanaa, yo buaton-Ku in moiko, deemanbí poḷabúon; posindogon-Ku in moiko, deemanbí umpagon. Morobonoḷ totok in ginaku popisí in nopoangoidon in bodito kon inimu.

DANIEL 12:7

Intau ibanea tatua in nopotundú in ḻimanea doyowa nosimpaḷ ná ḷangit. Dinongogku in sia nongibot pinodoyon kon i Allah inta mononoi bo noguman, “Bayongan inta nobaḻí tatua in modapotbí in toḷu notaong kapin. Naonda in mopaḷut mako in pomogutúan kon umat i Allah mopaḷut, dá mopaḷut domandon in inta mokoherang mita tatua.”

YOËL 2:14

Dika-dika ki Tuhan Allahmu mobaḷui in gina, bo mobogoi in barakat mobayong totok kon i monimu. Dá moiko in motaau moposumba in kuruban anggur bo gandum kon i Tuhan Allahmu.

YOËL 2:18

Bo ki Tuhan in nonaridimaidon kon butá-Nea, bo nonotabi kon umat-Nea.

IMAMAT 26:43

Táe munapa poḷuaion in intau mita inta nogutun kon butá tatua, sinbá totu-totuu kon moigogaipa. Bo umat-Ku musti mopobayá in hukuman inta pinopoḷabú-Ku kon i monia popisí in doí dinumudui kon atorang bo parenta-Ku mita.

AMOS 7:3

Ki Tuhan in nomaḷui kon tomayá-Nea bo noguman, “Inta inontongmu tua in diábí mobaḻí.”

AMOS 7:6

Ki Tuhan in nomaḷui kon tomayá-Nea bui bo noguman, “Naa doman in diábí mobaḻí.”

IBRANI 10:30

Sin kinotaauan bidon naton ki ine in Sia inta noguman, “Akuoi in motuḻíbí! Akuoi in mohukumbí!” Bo inta noguman doman nanaa, “Hakimonbí i Tuhan in umat-Nea.”

HAKIM MITA 2:18

Aka ki Tuhan mobogoi in itoi kon bangusa in Israel, dá ki Tuhan in umuranbí motuḷung kon itoi tatua. Bo kon dodai in itoi tatua mobiagpa, ki Tuhan in umuranbí mopoḷuat kon i monia nongkon musung mita monia. Sia in motabibí kon i monia aka kodongogan-Nea in mosia mogamui sin pogutúon ande yoyigaan.