ULANGAN 32:32 - Alkitab Singog In Mongondow Masa In Tanaa

³² Sin mosia in moraat naonda bo Sodom bo Gomora, ná pangkoi in anggur inta pait bo bungainea in nobaḻí rasum.

ULANGAN 32:32 Mawu Ofanana

AYUB 14:17

Dosaku in ampungan-Mu bidon bo posíon-Mu bidon; taḷáku dungkuḷmai in popatan-Mu bidon.

YESAYA 1:10

Yerusalem, itoimu mita bo bangusamu ain nobaḻí naonda bo intau in Sodom bo Gomora. Indongogaipa onu inta pinoguman i Tuhan kon inimu; tondudutka onu inta sinundú i Allah naton.

YESAYA 5:4

Onupa in musti pomiaan-Ku, inta diápa inaidan-Ku kon gobá in anggur-Ku tatua? Nongonu sin noiratbí in bungainea, bo deemanbí bungainea inta mopia ná inta inoḷat-Ku mako?

YEREMIA 2:21

Iko in pinomuḷa-Ku naonda bo pangkoi in anggur inta piniḻí-Ku nongkon batoḷ inta totok in mopia. Táe tanaa nobaḷuidon in iko, nobaḻídon pinomuḷa ḷoḷog bo diádon in baragunanea.

YEREMIA 23:14

Táe kon Yerusalem inontong-Kudon in nabi mita nogaid kon inta noiḻiu doman in raat. Nonguboḷ bo nonuaḻing in mosia, bo noduḷu kon intau inta nogaid kon inta moraat, dá diá tobatúmai in intau in moibog mogogai in mogaid kon moraat. Aka kon i-Nakó yo mosia tua in komintandon moraat naonda bo intau in Sodom bo Gomora.”

OMBAḶ 4:6

Umatku in ihukumdon noiḻiu in kobogatnea nongkon intau in Sodom inta tongá kon bonu in tokokiap in mata norimumud in kawasa i Allah takin diábí in aid in intau.

MATIUS 11:24

Manangka intua poguman-Ku kon i monimu: “Kon singgai in pohakiman, hukuman kon intau mita in Sodom in mogaa-gaan nongkon hukuman kon i monimu.”

ULANGAN 29:18

Dá ḷukadaidon sinbá diá modapot in tobatúmai in intau kon sigad monimu, ḷoḷaki ande bobay, koluarga ande suku inta sinimindog kon naa, in monoḻikud kon i Tuhan Allah naton sin mayá mosumba kon ilah mita in bangusa ibanea. Oaid natua naonda bo uakat inta nobiag nobaḻí pinomuḷa inta pait bo korasum.

ULANGAN 32:33

Tubig in anggur monia tua in rasum in uḷag mobisa.

IBRANI 12:15

Ḷukadaibí sinbá diá tobatúmai in intau ḷumuai nongkon kobiagan inta pinodoyon kon totabi i Allah, sinbá diá in mobaḻí rasum inta mokopomuká kon ropatoi bo inta mokogoguyaat kon kobiagan intau mobayong.