ULANGAN 32:25 - Alkitab Singog In Mongondow Masa In Tanaa

²⁵ Parang in modia kon kopopatoi kon daḷan mita; mokoondok in moiuma kon intau mita kon baḷoi. Tayow mobiag bo mongodeaga mita batánea in tokoyopúon, bo adí doman mointok bo intau inta nogoguyangdon.

ULANGAN 32:25 Mawu Ofanana

DATU MITA 2 7:5

Naonda in motoyontomdon minayá in mosia kon pinononḷoḷaigan in intau in Siria, táe diábí in intau tobatúmai in inontong monia kon tua.

TAWARIKH 2 36:17

Ki Tuhan in nopogonú kon gina in datu in Babel sinbá monubu kon i monia. Ki datu tatua in noḻimod kon intau in Yohuda inta nongobagupa, noitakin doman in mosia inta kon bonu in Baḷoi Tuhan. Diábí in Sia nonotabi kon tobatúmai in intau, noguod andeka noguyang, ḷoḷaki andeka bobay, notakit andeka nosehat. Mosia komintan inogoi i Allah kon i datu in Babel.

YESAYA 30:16

Nodapotbí in moiko nomiabí kon tomayá sin moḷagui nongkon musung tumakoi kon kabaḷo inta moḻikat. Mopia! Totuu moiko in mustibí moḷagui! Kai monimu kamai dá kabaḷomu tua in tugatbí in koḻikatnea, bokaka mogogaḷumubí in moḻika-ḻikat nongkon i monimu.

YEREMIA 44:7

Bo tanaa Akuoi, ki Tuhan Inta Totok in mokawasa, Allah in Israel, noḻibó mongo nongonu sin moiko in nogaidbí kon inta mokopoangoi kon bodito moḷoben kon inimu tontaní. Degá moibog in moiko moyopú kon bayongan in intau – ḷoḷaki, bobay, mongoadí mita, bo adí mita mointok – modapot in diádon in tobatúmai in inta nongkon bangusamu in kotaḷáan?

YEREMIA 44:8

Nongonu sin moiko in nogaidbí kon inta mokopomuká kon torú-Ku? Moiko in namangoi bo nogutun kon Mesir, butá inta deeman moiko in kitogi, bo moiko in mosumba kon berhala bo moposumba in kuruban kon dewa mita in butá tatua! Degá moibog in moiko morimumud kon awakmu tontaní sinbá singkuḻeon in moiko in bayongan in bangusa kon dunia bo tangoimu in pakéondon mobaḻí kutukan?

YEREMIA 9:21

Popatoi in sinumuotdon nongin jandela, sinumuotdon kon bonu in komaḻig; sia in nodomok kon mongoadí mita kon daḷan bo tayow mobiag kon rawang.

OMBAḶ 1:20

O, Tuhan! Indoiaipa kaasí in akuoi, moḻia-ḻiaw in ginaku bo moondok, nogoguyaat popisí in aidku moraat dungkuḷmai. Kon daḷan mita oyúon in poḻimodan, kon bonu in baḷoi oyúon in matoi.

OMBAḶ 4:4

Adí mita mointok in diábí pinoteté, dá minatoi in rogang. Mongoadí mita moigum kon kaanon, táe diá in mobogoi.

YEHEZKIEL 7:15

Kon daḷan mita in kotá oyúon in parang, kon baḷo-baḷoiannea oyúon in yampoi in takit bo malarat in gogoy. Ki inekabí in kon ḷuai in kotá yo matoibí kon bonu in parang, bo inta mogutun mako kon bonu in kotá in matoibí in takit bo gogoy.

HOSEA 11:6

Parang in tumagabbí modapot kon bonu in kotá mita monia, bonawang mita in poguyaatonbí, bo umat-Ku in yopúon. Tua in mobaḻí popisí in mosia dinumudui kon ibognea tontaní,

HOSEA 9:12

Táe umpaka oyúon in adí mita inta pononggadí bo biniag, mosia in gamáan-Kubí; diábí tobatúmai in intau in pomayá-Ku mako mobiag. Moboditodon in moiko, ei bangusa in Israel, aka taḷaan-Ku in moiko!”

HOSEA 9:16

Intau in Israel in hukumon-Kubí. Mosia in mobaḻíbí naonda bo pinomuḷa inta diá nomungai, bo inta uakatnea mita ain noingkag. Mosia in diábí mokouḻí kon adí; táe umpaka mosia kogadí, yo ḻimodon-Kubí in adí mita inta kinotabi monia tua.”

IMAMAT 26:25

Popomuká-Ku in parang kon sigad monimu sin mohukum kon i monimu popisí in moiko ain iḻimimpat kon dodandian-Ku takin monimu. Bo aka moiko moyosipun kon kotámu sin motayak kon motototuḷung, yo popoangoi-Kudon in takit inta diábí kotompiaan, dapot in moiko pakisadon tumungkud kon musungmu.

MIKHA 6:14

Moiko in mongaanbí, táe diábí mobaḻí mobotug – sedang bo umuranbí gogoyon. Moiko in mogakutbí kon pakakat mita, táe diá mokopotagú. Onukabí in tagúon monimu in rimumudon-Kubí kon bonu in parang.

KORINTUS 2 7:5

Wakutu in kami in noidapotdon kon Makedonia, diádon in kami nokopogogai. Kami in tantú nokouḻí kon kasulitan: sin tantú oyúon in ropatoi, sahingga in gina nami tantú moondok.