ULANGAN 32:21 - Alkitab Singog In Mongondow Masa In Tanaa

²¹ Pinomia monia in Akuoi nointoi kon inta deeman Allah, bo sinumorú kon patong in berhala monia. Dá binaḻí-Ku in umat-Ku nointoi kon inta deeman bangusa-Ku, bo sinumorú kon bangusa inta pompuḷong.

ULANGAN 32:21 Mawu Ofanana

DATU MITA IMITÁNEA 14:22

Bangusa in Yohuda nomia kon inta moraat kon mata i Tuhan. Oaid monia nokodugang kon torú i Tuhan nongkon bayongan oaid in mogoguyang monia.

DATU MITA IMITÁNEA 14:9

Táe iko in nogaidon kon inta moraat noiḻiu kon inta inaidan monia inta nomarenta noiuna kon inimu. Iko in nonaḷámai kon i-Nakó bo nopomuká in torú-Ku sin nomia kon berhala bo patong mita nongkon logam sin sumbáan.

DATU MITA IMITÁNEA 16:13

Ki Baesa bo ki Ela, ki adínea, in nosumba kon dewa mita bo nokopopisí kon intau in Israel nomia kon dosa. Tuamai, mosia in nokopomukádon kon torú i Tuhan, Allah inta musti sumbáan in intau in Israel.

DATU MITA IMITÁNEA 16:26

Ná doman ki Yerobeam, ki Omri in binaradosa doman bo nokopopisídon kon intau in Israel nomia doman kon dosa bo nosumba kon dewa. Tuamai in mosia nokopomuká kon torú i Tuhan, Allah inta musti sumbáan in intau in Israel.

DATU MITA 2 17:11

Notubá doman in mosia kon dupa kon bayongan in mezbah sin mosumba kon dewa, ná kabiasaan in bangusa mita inta ain pinoguntun i Tuhan nongkon butá in Kanaan. Nosumba in mosia kon berhala umpaka ain inimaḷowan i Tuhan. Bayongan in aid monia inta moraat nokopomuká kon torú i Tuhan.

DATU MITA 2 17:15

Israel bo Yohuda in doíbí dumudui kon parenta mita i Tuhan bo diá mosatia kon dodandian inta ain pinomia-Nea takin mogoguyang monia. Diábí in pandungonmai monia in toboḷow mita táe tongábí mosumba kon berhala mita inta diá in mangaḻenea. Dá mosiadon tontaní in nobaḻí diá in mangaḻenea. Dinumudui in mosia kon oaid in bangusa mita kon diugmai monia, umpaka ain inimaḷowan i Tuhan.

DATU MITA 2 21:6

Ki Adínea in pinosumbanea nobaḻí kuruban payongon. Ki Manasye in nomaké doman in mongonggaing, bo mododoyangow, ponggaing, bo mopoigum in totundú kon dimukud mita. Binaradosadon totok in sia kon i Tuhan noidapot in nokopomukádon kon torú-Nea.

DATU MITA 2 22:17

Mosia in nonaḷámaidon kon i-Nakó bo noposumba in kuruban kon ilah mita ibanea. Bayongan inta inaidan monia tua in nokopomukádon kon torú-Ku. Akuoi in sinumorú kon Yerusalem, bo torú-Ku in diábí motaau poonowon.

MAZMUR 31:6

Kon bonu in kawasa-Mu posarakanku in awakku; Iko in mopoḷuat kon inakó, o Tuhan, Allah inta mosatia.

MAZMUR 78:58

Mosia in noponontot kon i Allah in tampat pososumbaan kon berhala, bo pinointoi monia in Sia in patong mita monia.

YESAYA 65:3

Mosia in umuranbí mopobaḻí kon i-Nakó tumorú popisí in moposumba kon sosumba kon gobá mita sin ogoi kon dewa mita bo motubá kon kamania kon mezbahnea mita.

YEREMIA 10:8

Pamandot bo bodok in mosia komintan sin dewa monia in tongábí kayu, diábí motaau motundú kon inta oyúon in mangaḻenea.

YEREMIA 14:22

Dewa mita in bangusa mita diá mokopoḷabú in uyan kon butá. Ḷangit in diábí doman mopoḷabú monag in uyan podoyon kon kawasanea tontaní. Tongábí Iko in andoḷan nami. Inaidan-Mu intua komintan nobaḻí.

YEREMIA 18:15

Táe umat-Ku in noḻiongdon kon i-Nakó, bo notubá kon dupa sin posumba kon berhala. Mosia in noipintud kon daḷan dungkuḷmai inta musti bayáan monia, bo sinumabat kon daḷan inta diápa sinondodai.

YEREMIA 2:11

Diápabí nokoimontanmai in bangusa tobatú in noponoḻiu in ilahnea umpaka tua deeman Allah totu-totuu. Táe, umat-Ku in noponoḻiudon kon i-Nakó, inta mokoyunggagá kon i monia sinoḻiuan monia in ibanea mako inta diá mokoaid kon onu bo onu.

YEREMIA 5:7

Ki Tuhan in noguman, “Nongonu sin Akuoi in mustibí mongampung kon dosa mita in umat-Ku? Mosia in nonaḷámaidon kon i-Nakó bo nosumba kon inta deeman Allah. Akuoi in nobogoi in kaanon kon i monia nodapot in mosia nobotug, táe mosia in nonuaḻingbí, bo mokakit in mayá mokipodungkuḷ kon sundaḷ mita.

YEREMIA 7:18

Mongoadí mita mosipun kon kayu pondungú, ḷoḷaki mita momiag kon tuḷú, bo bobay mita in mopoyobauk in topong sin pomiaan kukis sin ogoi kon i dewi inta sinangoian monia Bokí in Soroga. Bo mosia in mopoyaat in gina-Ku pongin moposumba in tubig in anggur kon ilah mita ibanea.

YEREMIA 8:19

Indongogai! Kon sinangkub in butá kodongogan totok karak in ombaḷ in bangusaku inta moḻibó, “Diádon degá in ki Tuhan kon Sion? Kon onda in datunea in tanaa?” Tubag i Tuhan, datu monia, “Nongonu sin iko in tumungkudbí mosumba kon dewa mita inta beresibí diá in mangaḻenea? Nongonu sin pinonakitmubí in gina-Ku pinongin nosumba kon berhala mita?”

YEHEZKIEL 8:3

Sia in nopotonggó in naonda bo ḻima, bo norambun kon buokku. Onda intua kon bonu in oontongon tatua, akuoi sinintak in Roho i Allah kinoḷantud namonik in ḷangit bo dinia kon Baḷoi Tuhan kon Yerusalem, kon ngara tumuot kon dangkuḷon inta kon bonunea kon dotá in utuan. Kon tua oyúon in patong berhala inta ain nokopomuká kon torú i Allah.

HOSEA 1:10

Bangusa in Israel in mobaḻíbí ná kobayong in bungaion kon dagat, nodapot in diá koukuran andeka diá koiyapan. Tanaa in ki Allah in noguman kon i monia, “Moiko in deemanbí Umat-Ku,” táe moiangoibí in wakutunea Sia in moguman kon i monia, “Akuoibí in ki Allah inta nobiag bo moiko in ki adí-Ku mita!”

YUNUS 2:8

Mososumba mita kon berhala inta diá in baragunanea, in nonaḷámaidon kon ini-Mu bo diádon notoḷutui.

OUMAN IN RASUL MITA 11:15

Bo naonda in akuoi nomangkoidon nongonguman, Roho i Allah in noponag bo nongawasa kon i monia komintan ná inta nobaḻí kon inaton koḻipod.

OUMAN IN RASUL MITA 14:15

“Ei, nongonu sin moiko in mogaidbí kon nanaa? Kami naa in intaubí doman ná moiko! Kami in kon naa tongábí namangoi mopoyaput in Habar Mopia kon i monimu sinbá taḷaanmaidon monimu in soaḷ mita inta diá baraguna tanion bo mopirisayadon kon i Allah inta aindon nobiag nongkon kinopatoian-Nea, ki Allah inta nomia kon ḷangit bo butá, dagat bo bayongan inta kon bonunea.

SURAT I PAULUS KON JAMAAT RUM 10:19

Akuoi in bui moḻibó: Degá intau in Israel diápa nokotaau kon tua? Ki Musa in muna notubag kon soaḷ tanaa, kai-nia: “Nanaa in Pirman i Allah, ‘Baḻíon-Ku in moiko sinbá mointoi kon bangusa inta deeman umat bo baḻíon-Ku in moiko tumorú kon bangusa mita inta bodok.’ ”

SURAT I PAULUS KON JAMAAT RUM 9:25

Sin kon bonu in buk i Nabi Hosea, ki Allah in noguman nanaa, “Intau mita inta deeman umat-Ku, in tangoion-Kudon ‘Umat-Ku’. Bangusa inta diá kotabi-Ku, tangoion-Kudon ‘Kinotabi-Ku.’

KORINTUS 1 10:22

Ande degá mopoterengbí kon i Tuhan? Eta kita in moropo-ropot in ki Tuhan?

ULANGAN 32:16

Mosia in nosumba kon berhala, dá nointoi in ki Tuhan, torú-Nea nomuká popisí in aid moraat tatua.

ULANGAN 32:17

Mosia noposumba in kuruban kon dimukud mita moraat inta deemanbí ki Allah, kon i ilah mita inta diá kinotaauan monia, ilah mita mobagu inta diá kinoondok in mogoguyang monia.

SAMUEL 1 12:21

Dikadon dumudui kon dewa mita inta diá mokotuḷung bo moposaḷamat kon i monimu, sin mosia tua in sabanarnea in diábí.