ULANGAN 32:14 - Alkitab Singog In Mongondow Masa In Tanaa

¹⁴ Sapi bo bembé domba monia mobogoi in susu inta mobarong; bobiagon monia totok in mongopia, gandum bo tubig in anggur monia in totok mopia.

ULANGAN 32:14 Mawu Ofanana

KINOBAḺIAN 18:8

Onda intua ki Abraham nogamá kon susu inta muna, bo ponoyá inta ain dinungú tua, bodongka inoḷud kon mokokiangoinea mita tatua. Koyogot in mosia mongaan, ki Abrahamdon tontaní in nogoḷud kon i monia kon siungon in pangkoi kayu tatua.

KINOBAḺIAN 49:11

Ki adí in keledainea sinogotnea kon pangkoi, pangkoi in anggur inta totok in mopia. Sia in nomatá kon pakeangnea takin momaké in anggur, anggur ná kopura in dugú.

NEHEMIA 9:25

Umat-Mu nogagow kon benteng mita poḷoḷukadan, butá inta mopia bo baḷoi inta nopuḻing in kaoyúonan. Parigí mita bo bokaká mita in tubig ginamá monia, gobá in anggur, pangkoi in zaitun bo ayop mita ibanea. Iḷumongow in mosia sin mongaan kinooibogbí in gina. Bayongan in mopia inta inogoi-Mu pinaké monia.

NEHEMIA 9:26

Táe umat-Mu in nomarontak bo diá motoindudui kon ini-Mu, nonaḷámai kon hukum bo atorang-Mu, noḻimod kon nabi mita inta nopotoingat kon i monia, bo inta nopotabá kon i monia mamangoi bui kon ini-Mu, ki Allahnea. Oo Tuhan, pomuḷoi doman mako Iko in singkuḻeon monia,

AYUB 20:17

Diábí konanamannea in ḷana in zaitun inta mobayong totok, andeka susu bo biluk inta moiḻimpo-ḻimpó.

AYUB 29:6

Bobiagonku nobogoi in susu mobarong totok. Mobayong doman in ḷana in pangkoi mita in zaitunku, umpaka pinomuḷa kon butá inta nobarong in batu.

MAZMUR 147:14

Sia in noḷukad kon butámu sinbá umuran moaman, bo mopokaan in gandum inta totok in mopia kon inimu modapot in mobotug.

MAZMUR 22:12

Dikabí yumayú, sin anib in nodiugdon, bo diá in motuḷung.

MAZMUR 81:16

Intau inta mondoí kon i-Nakó in potungkudon-Kubí, mosia in hukumonbí modapot in mononoi.

YESAYA 7:15

Kon tungkuḷ in tugatdon in koḷobennea monantú kon tosingogonnea tontaní, ḻipú tatua in mobiagdon mooyúon.

YESAYA 7:22

yo tubig in teté in bobiagon tatua in moiḻiubí kon tugat poinumon kon intau mita inta ki agatnea kon butá tatua. Totuu, mosia in monginumbí kon susu bo biluk.

YEHEZKIEL 39:18

Mosia in motaaubí in mokaan kon mayat mita in intau mita in pahlawan, bo monginum kon dugú in mongongawasa mita in dunia. Pahlawan mita bo mongongawasa tatua in ḻimodonbí naonda bo bembé mita koḷakian andeka ki adí mita in bembé, andeka bantong mita inta moḷomumu.

HOSEA 11:4

Takin ḻimbatú in tabi-Ku, pinodiug-Ku in sia kon i-Nakó. Bayongan in roriganea ininggaanan-Ku, bo takin pia in gina inogoian-Ku in kaanon in sia.

AMOS 4:1

Indongogai, ei bobay mita in Samaria inta koḷongó-koḷongó naonda bo sapi mita inta noḷomumu kon Basan! Moiko in mondorot kon intau moyangkó, mogamá kon kapunyaan in intau bogá, bo momakisa kon i buḷoimu sinbá umuran mopooyúon in oinumon mokoḷoḷangu kon inimu!

MIKHA 7:14

O Tuhan, ḷukadaidon in umat-Mu, umat inta piniḻí-Mu. Mosia in nogutun noitontaní kon kayuon mai-maí, kon yuak in butá inta mopia. Biódon mako in mosia mokouḻí kon kaanon kon rawang bonok in Basan bo kon Gilead ná dungkuḷmai.

PINOGIAPAN 18:12

Ogoi-Ku kon inimu in bayongan inta totok in mopia nongkon bungai in boyó dungkuḷ inta pinosumba in intau Israel kon i-Nakó pomuḷoi in taong, tuata in ḷana zaitun, tubig in anggur bo gandum.

ULANGAN 28:47

Moiko aindon binarakatan i Tuhan Allahmu kon bayongan yagi-yagi, táe doí mogundoi kon i-Nia takin gina motuḻid bo moḷunganga.

WAHYU 14:20

Bungai in anggur mita tatua in giniḻing kon ḷuai in kotá bo iḷumuaidon in dugú nongkon giḻingan tatua, moiḻig naonda bo ongkag. 300 km in koyayú in kinoiḻigannea, bo koḻinownea in gogió bodoyowá nometer.

HAKIM MITA 5:25

Ki Sisera noigum kon tubig, táe inogoiannea in susu in sia, inogoiannea in susu inta binonunea kon palo inta patus pongonginuman in datu mita.