ULANGAN 32:13 - Alkitab Singog In Mongondow Masa In Tanaa

¹³ Binaḻí-Nea in mosia nongawasa kon buḷud mita; mosia in nokaan kon bungai in boyó kon gobá mita monia bo nonginum kon biluk in kayuon kon buḷud batu. Mosia nokouḻí kon ḷana nongkon pangkoi in zaitun inta nobiag kon butá inta nopuḻing in batu.

ULANGAN 32:13 Mawu Ofanana

SAMUEL 2 22:34

Iniropotan-Nea in sioḷku naonda bo sioḷ in rusa, bo noḷukad sinbá mosaḷamat in akuoi kon buḷud.

AYUB 20:17

Diábí konanamannea in ḷana in zaitun inta mobayong totok, andeka susu bo biluk inta moiḻimpo-ḻimpó.

AYUB 29:6

Bobiagonku nobogoi in susu mobarong totok. Mobayong doman in ḷana in pangkoi mita in zaitunku, umpaka pinomuḷa kon butá inta nobarong in batu.

MAZMUR 18:33

Sia tua in ki Allah inta nobogoi in ropot kon inakó bo nopoodom kon daḷanku.

MAZMUR 81:16

Intau inta mondoí kon i-Nakó in potungkudon-Kubí, mosia in hukumonbí modapot in mononoi.

YESAYA 48:21

Kon tungkuḷ in Sia nodia kon i monia nongin butá inta diá in tonsiungnea, mosia in diábí irumogang. Ki Tuhan in nomotak kon buḷud batu bo nopoiḻig in tubig, nongkon batu pinotampurangnea in tubig kon i monia.

YESAYA 58:14

Dá, mopiabí in gina monimu sin mogundoi kon i-Nakó. Baḻíon-Ku in moiko horomaton kon sinangkub in dunia. Moiko in mobiagbí mosanang takin bungai in butá tonsilai i Yakub, mogoguyangmu. Akuoi, ki Tuhan ain nosingog.”

YEHEZKIEL 16:13

Natuata iko iḷambáan in buḷawan bo saḷaka; pakeangmu pinomia nongkon kaeng linen bo sutra sinomboréan. Motaaubí in iko mokaan kon roti pinomia nongkon torigu inta totok in mopia, takin biluk bo ḷana in zaitun. Koḷunatmu noiḷontúdon totok bo iko in nobaḻídon bokí.

YEHEZKIEL 21:17

Akuoi in monggoḷakapbí doman, bo moinggamádon in torú-Ku. Akuoi, ki Tuhan ain nosingog.”

YEHEZKIEL 36:2

‘Kon tungkuḷ in bangusa mita kon diugmai nonubu poḷat nogagow kon i monimu, mosia in noningkuḻedon kon sinangkub in Israel. Takin pia in gina mosia in noguman kon tanaa in tombuḷud dungkuḷmai tatua nobaḻí kapunyaan monia. Tuamai, ei buḷud mita bo tombuḷud mita, tapá mita bo ḷopá, ei kotá inta ain nobaḻí apug bo inta sinaḷáandon in mogogutunnea poḷat doman pinogagowan bo siningkuḻe in bangusa mita kon diugneamai, indongogaidon onu in pinoguman i Tuhan Inta Totok in moḷantud kon inimu: Kon dodai in sinumagab in torú-Ku, sinorúan-Ku in bangusa mita inta kon diugmumai ḷontúnea kon tua in Edom, popisí in takin pia in gina bo takin doman aid moningkuḻe, ain nogagow kon butá-Ku bo nogagow kon rawang mita in bonoknea. Tanaa in tumorú in Akuoi popisí in bangusa mita tatua in noningkuḻedon totok bo nopoompámaidon kon i monimu.

HOSEA 13:6

Táe naonda in moiko kon bonudon in butá mopia, poḷat nobotug nodapotdon in moiko noorop, nobaḻídon in moiko moḷoḷatú bo iḻiongdon monimu in Akuoi.

ULANGAN 28:47

Moiko aindon binarakatan i Tuhan Allahmu kon bayongan yagi-yagi, táe doí mogundoi kon i-Nia takin gina motuḻid bo moḷunganga.

ULANGAN 33:26

“Ei Israel! Diábí in ilah ná ki Allahmu; Sia in minayá kon ḷangit diá in poḻiuan bo nongin goḷom sin motuḷung kon i monimu.

ULANGAN 33:29

Kosanangdon in iko, ei Israel! Diábí in bangusa ná iko pinosaḷamat i Tuhan. Ki Tuhan in naonda bo pitow bo oḻingoi kon inimu; sin moduḷu kon inimu bo mobogoi in kauntungan kon inimu. Musungmu mita in mamangoibí mokikotabimai, bo iko in totokbí in moritak kon i monia.”

ULANGAN 8:15

Ki Tuhan nodia kon i monimu nongin padang gurun inta nobendar mako bo inta motoyang, inta mobayong in uḷag mobisa bo bambau. Kon butá inta moingkag diá in tubig binaḻí-Nea in tubig iḻumuai nongkon batu, sinbá moiko motaau monginum dapot in moguḻí in yogangmu.

ULANGAN 8:8

Butá tatua nobogoi in noyagi-yagimai in gandum, anggur, bungai in ara, bungai in delima, pangkoi in zaitun bo biluk.