ULANGAN 32:1 - Alkitab Singog In Mongondow Masa In Tanaa

¹ “Indongogaidon, ei ḷangit, akuoi in moibog mopotaau; ei butá, indongogaipa!

ULANGAN 32:1 Mawu Ofanana

MAZMUR 49:1

Mazmur in inanakan i Korah. Kon i itoi in mododondong.

MAZMUR 50:4

Sia in mogoiní kon ḷangit bo butá sin moindoi kon ponisigan-Nea kon umat-Nea.

YESAYA 1:2

Indongogaidon ei ḷangit, tondudutka ei butá! Ki Tuhan in noguman, “Adí mita inta ain biniag-Ku nomarontak kon i-Nakó.

YESAYA 34:1

Igaidon moyosipun, ei bangusa mita, bo indongogaidon. Pomayádon mako in sinangkub in dunia bo bayongan inta nobiag kon bonunea mamangoi bo mokidongog.

YEREMIA 2:12

Manangka intua, ei ḷangit, kodandúdon! Moitongau bo kourotdon!

YEREMIA 22:29

Uḻe butáku, indongogai onu in pinoguman i Tuhan,

YEREMIA 6:19

Taridiai, ei butá! Umat-Ku in doíbí motarima kon totundú-Ku bo diá motoindudui kon i-Nakó. Mobaḻí bungai in tomayá monia in popoangoi-Ku in inta mokororiga kon i monia.

ULANGAN 30:19

Tanaa in motaau bidon moiko momiḻí mongo mobiag ande matoi, barakat i Tuhan ande kutuk-Nea. Ḷangit bo butá oiníonku mobaḻí sakusi kon simpod in tosingogonmu. Piḻídon in mobiag.

ULANGAN 31:19

Tuamai in paisdon in dondong tanaa bo tundúdon kon bangusa Israel nobaḻí tomponiata kon i monia.

ULANGAN 31:28

Tanaa in potabádon in bayongan itoi in bangusa bo porwira mita moyosipun kon tayowonku, sinbá potaaukudon kon i monia in soaḷ mita tanaa. Ḷangit bo butá oiníonku mobaḻí sakusi kon i monia.

ULANGAN 31:30

Onda intua ki Musa nosingog kon dondong tanaa nodapot in nopaḷut bo bayongan bangusa Israel nokidongog kon tua.

ULANGAN 4:26

Poigumon mako ḷangit bo butá mobaḻí sakusi kon aka moiko diá motoindudui kon inakó, moiko in ḷagidon moyopú nongkon butá inta pogutunan monimu kon ḷoḷan in Ongkag in Yordan tatua. Moiko in diábí moonggot in mogutun kon tua; moiko in modaitbí yopúon.