ULANGAN 31:6 - Alkitab Singog In Mongondow Masa In Tanaa

⁶ Moiko in musti morigon in gina bo mobarani! Dika moondok kon i monia, sin ki Tuhan Allahmu tontaní inta motuḷung kon i monimu. Diábí pokuyangon-Nea in gina ande monaḷámai kon i monimu.”

ULANGAN 31:6 Mawu Ofanana

KINOBAḺIAN 26:24

Kon doḷom tua ki Tuhan nokipogontong kon inia bo noguman, “Akuoibí naa in ki Allah i amámu ki Abraham. Dika moondok; Akuoi in mogoḻiung kon inimu. Barakatan-Ku in iko bo ogoian-Ku iko in buí inta mobarong podudui in dandi-Ku kon bobantung-Ku ki Abraham.”

KINOBAḺIAN 28:15

Toropdon, Akuoi in motuḷung bo mogoḻiung kon inimu, kon ondaka in bayáanmu, bo Akuoi in modia kon inimu mobui mangoi kon butámu tanaa. Akuoi in diábí monaḷámai kon inimu modapot in aidan-Kudon bayongan inta ain pinodandi-Ku kon inimu.”

SAMUEL 2 10:12

Mokoporoton kon gina! Koḻigai kita mokopobarani in moḷongasi sin kopontingan in bangusa naton bo kopontingan in kotá mita i Allah naton. Igumon mako ki Allah in mogaid kon onu in koibog-Nea.”

DATU MITA IMITÁNEA 2:2

“Wakutukudon matoi in naa. Pokoyakin bo pokobarani in iko.

DATU MITA IMITÁNEA 6:13

Akuoi in mogutun kon bonu in baḷoi inta pinosindogmu tanaa kon yua-yuak in umat-Ku Israel. Akuoi in diá bidon monaḷámai kon i monia.”

DATU MITA IMITÁNEA 8:57

Igumon mako in ki Tuhan Allah naton in koyota-yotakin naton ná doman kon mogoguyang naton. Igumon mako in diá taḷaan-Nea in kita.

TAWARIKH 1 22:13

Aka iko dumudui kon bayongan in hukum inta inogoi Tuhan kon i Musa kon bangusa in Israel, yo iko in mokodapotbí kon onu inta nobaḻí niat. Iko in mustibí moyakin bo mobarani. Dika moondok in moyogintayow in onukabí.

TAWARIKH 1 28:10

Toropdon kopira kon ki Tuhan in nomiḻídon kon inimu sin moposindog in baḷoi inta ain sinantú kon i-Nia. Dá tanaa in aidaidon intua takin ibog moḷoben.”

TAWARIKH 1 28:20

Onda intua ki Datu Daud noguman bui kon i Salomo adínea ḷoḷaki. “Iko in musti mokopoyakin bo mokopobarani. Pangkoidon in oaidan tatua bo dika moondok kon onuka. Ki Tuhan Allah inta sinumbaku in motuḷungbí kon inimu. Diábí in Sia monaḷámai kon inimu. Umuran-Neabí takinan in iko modapot in moḷapatdon komintan in oaidan tatua.

TAWARIKH 2 32:7

“Korigon in gina bo mokopoyakin; dikabí moondok kon i datu in Asyur andeka kon tontaranea. Kitabí in moropo-ropot in mosia.

MAZMUR 27:1

Mazmur i Daud. Ki Tuhan in sindarku bo kasaḷamatanku, diábí in koondokku. Ki Tuhan in nobaḻí benteng pogogadopanku, diábí in akuoi mourot.

MAZMUR 27:14

Pongamangdon kon i Tuhan, iropotai bo irotonai in ginamu; oo, pongamangdon kon i Tuhan!

MAZMUR 94:14

Sin ki Tuhan in diábí monaḷámai kon umat-Nea; Sia in diábí moḻiong kon kapunyaan-Nea.

YESAYA 41:10

Dika moondok, sin takinan-Kubí in iko, dika moḻia-ḻiaw in gina, sin Akuoi in ki Allahmu. Iko in irigonan-Ku bo tuḷungan-Ku, Ḻima-Ku inta moroton in pokapit-Ku.

YESAYA 51:12

Ki Tuhan in noguman, “Akuoibí inta noḻipoi kon i monimu. Nongonu sin moondokbí in iko kon intau inta mato-matoi, kon intau inta iḷumbú naonda bo bonok?

YEREMIA 1:8

Dika moondok kon i monia, sin Akuoi in moyotakinmu bo moḷukad kon inimu. Akuoi ki Tuhan ain nosingog!”

YEREMIA 32:40

Akuoi in momiabí kon dodandian inta mononoi takin i monia. Akuoi in diábí mogogai in mogaid kon inta mopia kon i monia. Baḻíon-Kubí in mosia moondok bo mohoromat kon i-Nakó takin ḻimbatú in gina sinbá mosia diá yumayú kon i-Nakó.

HAGAI 2:4

Tongá, donaaidon moinggamá in kamang, ei moiko komintan! Ingguputaidon in oaidan tatua, sin Akuoi in umuranbí motuḷung kon i monimu.

ZAKHARIA 8:13

Ei intau in Yohuda bo Israel! Kon tungkuḷ intua, aka intau ango-angoi mosikutukandon, yo mosia in moguman, ‘Igumon mako bodito inta noiuma kon Yohuda bo israel in moiuma doman kon inimu!’ Táe Akuoi in moposaḷamatbí kon i monimu, dá intau mita ango-angoi tatua in mosigumanan, ‘Igumon mako barakat inta moiponag kon Yohuda bo Israel, moiponag doman kon inimu!’ Tuamai in koropotdon in ginamu bo dika moondok!”

PINOGIAPAN 13:20

Korigon in ginamu. Indoiai mongo mopia in butánea bo nobayong pangkoi in kayu kon tua. Dika mokoḻiong modia kon topiḻikmai in bungai in ayop inta nobiag kon tua.” Kon dodai intua pinomangkoiandon pinomungaian in anggur.

PINOGIAPAN 14:9

Dikabí moḷawang kon i Tuhan, bo dika moondok kon intau inta nogutun kon butá tatua, sin diábí moyoyiga naton in monaḷow kon i monia. Inta noḷukad kon i monia tua aindon nonaḷámai kon i monia, bo ki Tuhan in kotaki-takin naton. Dá, dikabí moondok.”

LUKAS 12:32

“Moiko inta tongá topiḻik, dikabí moondok! Sin mosanangbí in gina i Amámu in mobogoi in barakat kon i monimu kon bonu in kawasa-Nea.

KORINTUS 1 16:13

Umuran mokopoingat! Sindog kotorindog kon bonu in pirisayamu saḷaku intau Keresten. Mokopobarani bo mokoporopot!

EPESUS 6:10

Naa in singogku pangabisan, paké in ropot inta nouḻí monimu nongkon kawasa i Tuhan, sin moiko in notobatúdon takin-Nea.

ULANGAN 1:29

Táe akuoi noguman: Dika moondok kon intau mita tatua.

ULANGAN 11:8

“Duduiaidon in bayongan hukum inta pinotaauku kon inimu singgai in naa, dá moiko in motaaudon ḷumoḷan kon ongkag bo tumuot kon butá inta diádon moonggot pogutunan monimu.

ULANGAN 20:1

“Aka moiko mayá moparang moḷawang kon musungmu mita, dika moondok in mokoontong kon kereta in parang bo kabaḷo monia inta mobayong takin tontara monia inta noiḻiu in kobayongnea nongkon i monimu. Ki Tuhan Allahmu inta nopoḷuai kon i monimu nongkon Mesir, in motuḷungbí doman kon i monimu.

ULANGAN 31:23

Onda intua ki Tuhan noguman kon i Yosua, adí i Nun, kai-Nia, “Korigon in gina bo kobarani in iko, Yosua! Iko in modia kon bangusa Israel tumuot kon butá inta pinodandi-Ku kon i monia, bo akuoi in motuḷung kon i monia.”

ULANGAN 31:7

Bo ki Musa nogoiní kon i Yosua, bo kon tayowon in bayongan bangusa Israel sia noguman kon inia, “Korigon in gina bo kobarani, Yosua! Ikodon in modia kon bangusa tanaa mayá ḻimitú kon butá inta pinodandi i Tuhan kon mogoguyang monia.

ULANGAN 31:8

Ki Tuhan tontaní in mokapit bo motuḷung kon inimu. Diábí pokuyangon-Nea in ginamu bo diábí doman taḷaan-Nea in iko, tuamai dikadon moondok ande mogagawang.”

ULANGAN 4:31

Ki Tuhan Allahmu in Allahbí inta totok in kototabi. Sia in diábí monaḷámai ande moyopú kon i monimu, ande moḻiong kon dodandian inta pinomia-Nea tontaní takin mogoguyangmu.

ULANGAN 7:18

Táe dika moondok kon i monia; toropdon onu in pinomia i Tuhan Allahmu kon i datu in Mesir bo bayongan in rayatnea.

TIMOTIUS 2 2:1

Uḻe Timotius adíku! Totabi inta inogoi kon i naton sin notobatúdon i Kristus in kita, baḻí intua dodoyonan inta mokoroton kon inimu.

IBRANI 13:5

Aka mobiag yo dikabí kawasaan in ibog kon doit, táe kosanangbí in momaké kon onu inta nouḻímu sin ki Allah nogumandon nanaa, “Akuoi in diábí mopomayá mako andeka monaḷámai kon inimu.”

YOSUA 1:9

Pokotorop, Akuoi ain nomarenta kon inimu sinbá totu-totuudon in iko moyakin bo mobarani! Dika in iko moondok ande mogagawang, sin Akuoi ki Tuhan Allahmu in umuranbí kotaki-takinmu kon ondakabí in bayáanmu.”

YOSUA 10:25

Nopaḷut mako kon tua, ki Yosua noguman kon porwira mita tatua, “Dika moḻia-ḻiaw in gina bo dika moondok. Pokoyakin bo pokobarani in moiko, sin nanaabí in pogogaid i Tuhan kon bayongan in musungmu.”

WAHYU 21:8

Táe intau mita inta ondokon, mosia inta diá mosatia, intau moromú, moḷoḻimod, intau mokotor, intau mongonggaing, mososumba kon berhala bo komintan intau mouboḷ, toko pogambat kon bonu in dagat tuḷú bo balerang inta kodoko-dokot, tuata in popatoi inta induanea.”

SAMUEL 1 12:22

Ki Tuhan ain nongibot, kon Sia in diábí monaḷámai kon i monimu sin Sia ain nonantú kon umat-Nea tontaní.