ULANGAN 31:2 - Alkitab Singog In Mongondow Masa In Tanaa

² kai nia, “Tanaa in umurku in mogatutdon bo doyowa nopuḷú notaong bo akuoi in diádon mokosanggup mobaḻí itoimu. Koḻikud intua ki Tuhan ain noguman kon akuoi in diábí motaau ḷumoḷan kon Ongkag in Yordan.

ULANGAN 31:2 Mawu Ofanana

SAMUEL 2 21:17

Táe ki Abisai adí i Zeruya in namangoi notuḷung kon i Daud. Sinayowannea in tuyá tatua bo iḻimodnea. Nopaḷut mako kon tua intau i Daud nopoigum sinbá ki Daud in modandidon kon diádon tumakin bui moparang. “Ki Tuang datu in nobaḻí harapan in Israel, dika modapot in kami kobuḻian i Tuang datu,” guman monia.

DATU MITA IMITÁNEA 3:7

Oo Tuhan, Allahku, Iko noduí kon inakó nobaḻí datu nonoḻiu kon i amáku, umpaka akuoi noguodpa totok bo diá nonotaau mongo naonda in pomomarenta.

MAZMUR 90:10

Kobiagan nami in tongá pitu nopuḷú notaong, aka kami moropot, yo waḷu nopuḷú notaong. Táe tongábí susa bo roriga in mouḻí nami; naonda in mobiag motoyong, kami in diádon.

IḶUAIAN 7:7

Ki Musa in umur 80 notaong bo ki Harun in umur 83 notaong kon tungkuḷ in mosia minayá kon tayowon i datu in Mesir.

PINOGIAPAN 20:12

Táe ki Tuhan nonoboḷow kon i Musa bo kon i Harun, kai-Nia, “Popisí in moiko diá totok mopirisaya kon i-Nakó moponiata in kawasa-Ku inta motusi kon tayowon in bangusa Israel, dá moiko in diábí mobaḻí itoi inta motaau modia kon i monia tumuot kon butá inta pinodandi-Ku kon i monia.”

PINOGIAPAN 27:17

intau inta motaau baḻíon itoi kon dodai in mosia moparang. Dikapa pomayá mako in umat-Mu naa naonda bo paanan in domba inta diá in gombala.”

OUMAN IN RASUL MITA 20:25

Bo tanaa in kinotaauanku bidon kon kita in diá bidon moyodungkuḷ bui. Moiko komintan aindon binayáanku pinopoyaputan in Habar kon naonda in ki Allah momarenta saḷaku Datu.

OUMAN IN RASUL MITA 7:23

Wakutu in umurdon opat nopuḷú notaong, noiangoidon in ibognea mokipodungkuḷ kon i utatnea mita inta intau Israel.

ULANGAN 1:37

Moiko nokopopisí doman kon ki Tuhan sinumorú kon inakó bo noguman, ‘Musa, iko doman tontaní in diábí tumuot kon butá tatua.

ULANGAN 31:1

Ki Musa buipa doman nosingog kon bangusa Israel,

ULANGAN 34:7

Ki Musa minatoi kon dodai in umur mogatut bo doyowa nopuḷú notaong. Ropotnea in diábí nogaat bo matanea umuranpabí doman motarang.