ULANGAN 30:7 - Alkitab Singog In Mongondow Masa In Tanaa

⁷ Bayongan in kutuk tatua in popoḷabú-Neadon kon musungmu mita inta mondoí bo mondorot kon i monimu.

ULANGAN 30:7 Mawu Ofanana

IḶUAIAN 23:22

Aka moiko motoindudui kon inia bo mogaid kon bayongan inta pinarenta-Ku, yo Akuoidon tontaní in monayow kon bayongan musungmu.

YESAYA 10:12

Táe ki Tuhan in noguman, “Aka inta aidan-Ku kon Buḷud in Sion bo Yerusalem tatua ain nopaḷut, Akuoi in mohukumbí kon datu in Asyur popisí in ḷoḷatú bo dodianea.”

YEREMIA 25:29

Akuoi in momangkoidon kon porimumudan tatua nongkon kotá-Ku tontaní. Dika modapot in mosia in moguman kon mosia in diábí hukumon. Mosia in notantú bidon kon hukumon sin Akuoi in mopoangoibí in parang kon bayongan in bangusa kon sinangkub in dunia. Akuoi, ki Tuhan Inta Totok in mokawasa, ain nosingog.

YEREMIA 30:16

Táe tanaa bayongan inta noḻiom kon inimu in ḻiomonbí, bo bayongan in musungmu akutonbí kon poḷumbúan. Akuoi in mondorotbí kon inta nondorot kon inimu, Akuoi in mogagowbí kon inta nogagow kon inimu.

YEHEZKIEL 25:12

Ki Tuhan Inta Totok in moḷantud in noguman, “Bangusa in Edom ain nogaid kon taḷá moḷoben popisí in noḻingádon kon Yohuda, saḷaku aid motuḻí kon yaat in gina.

YEHEZKIEL 25:15

Ki Tuhan Inta Totok in moḷantud in noguman, “Intau mita in Pilistin ain notuḻí kon yaat in gina takin noḻingá kon musung mita monia bo noyopú kon i monia takin sakí in gina.

YEHEZKIEL 25:3

Potabádon in bangusa tatua mokidongog kon onu inta poguman-Ku, ki Tuhan Inta Totok in moḷantud kon i monia, ‘Mopia in gina monimu in mokoontong kon Baḷoi-Ku in kotoron bo butá in Israel in poguyaaton bo bangusa in Yahudi in akuton kon poḷumbúan.

YEHEZKIEL 25:6

Ki Tuhan Inta Totok in moḷantud in noguman, “Moiko in monggoḷokap sindaḷan motayok sin moḷunganga in gina. Moiko in mopoompámai kon butá in Israel.

YEHEZKIEL 25:8

Ki Tuhan Inta Totok in moḷantud in noguman, “Moab in noguman kon Yohuda tua in notongkai in bangusa mita ibanea.

AMOS 1:11

Ki Tuhan in noguman, “Intau in Edom ain nopobui-buimai binaradosa, tuamai in notantú bidon kon hukumon-Ku in mosia. Diá bidon in tabi monia in nonubu kon intau mita in Israel, ki utat mita monia. Mosia in umuran tumorú bo umuran motagú kon gina.

AMOS 1:13

Ki Tuhan in noguman, “Bangusa in Amon in nopobui-buimaidon binaradosa, tuamai in notantú bidon kon hukumon-Ku in mosia. Kon tungkuḷ in noparang sin moginoḷad kon butánea, mosia in nomotak kon sian in bobay mita sidia kon Gilead.

AMOS 1:3

Ki Tuhan in noguman, “Intau mita in Damsyik ain nopobui-buimai in binaradosa, tuamai in notantú bidon kon hukumon in mosia. Mosia in nopoaid kon intau in Gilead pinodoyon kon aid inta totok in moḻingá,

AMOS 1:6

Ki Tuhan in noguman, “Intau in Gaza in nopobui-buimaidon nogaid kon dosa, tuamai in notantú bidon kon hukumon-Ku in mosia. Mosia in nogakutdon nodait kon bangusa tobatú bo pinotaḷui nobaḻí ata kon intau in Edom.

AMOS 1:9

Ki Tuhan in noguman, “Intau in Tirus ain nopobui-buimai in binaradosa, tuamai in notantú bidon kon hukumon-Ku in mosia. Mosia in nogakutdon nodait kon bangusa tobatú komintan pinobayá in pinoḷumbúan, bo nobogoi kon Edom; mosia in iḻimimpatdon kon dodandian yoyobayatan.

OBAJA 1:10

“Noḻingádon in pinogogaidmu kon i utatmu mita buí i Yakub. Tuamai in yopúon in iko, bo singkuḻeon in intau modapot in kopaḷutannea.

ZAKHARIA 12:3

Táe aka singgai tatua moiangoi, baḻíon-Ku in Yerusalem naonda bo batu inta mobogat; bangusa taondaka in moḷongasi mobuat kon tua yo moboditobí. Bayongan in bangusa kon dunia in dumugangbí sin monubu kon Yerusalem.

PINOGIAPAN 24:14

Guman i Bileam kon i Balak, “Naa in akuoi mobuidon kon bangusaku. Táe kon dodai in akuoi diápa mayá, potaaukupa muna kon i Tuangku onu in aidan in bangusa Israel kon bangusa i Tuangku kon singgai moiduduimai.”

PINOGIAPAN 24:9

Bangusa tatua naonda bo singa koḷakian bo singa kobaayan, inta tumongkob bo umuḻid. Ki ine in mokobaḻí mopobangon kon inia? Poigumon mako intau inta momarakat kon inimu in barakatan doman, bo intau inta mongutuk kon inimu in kutukon doman.”

ULANGAN 30:8

Moiko in buidon motoindudui kon i Tuhan bo mopobayádon in bayongan parenta-Nea inta pinotaauku kon inimu singgai naa.

ULANGAN 7:15

Moiko in ḷukadanbí i Tuhan nongkon bayongan in takit bo poyayúon nongkon bayongan in bodito inta inontong monimu kon Mesir, táe bodito mita tatua in popouma-Neabí kon musungmu mita.