ULANGAN 30:3 - Alkitab Singog In Mongondow Masa In Tanaa

³ dá ki Tuhan Allahmu in monotabibí kon i monimu. Moiko in diaan-Neabí bui nongkon bangusa mita inta pinoporangkapan kon i monimu, bo bui ogoian in kobiagan motompia.

ULANGAN 30:3 Mawu Ofanana

KINOBAḺIAN 28:15

Toropdon, Akuoi in motuḷung bo mogoḻiung kon inimu, kon ondaka in bayáanmu, bo Akuoi in modia kon inimu mobui mangoi kon butámu tanaa. Akuoi in diábí monaḷámai kon inimu modapot in aidan-Kudon bayongan inta ain pinodandi-Ku kon inimu.”

KINOBAḺIAN 48:21

Bo ki Yakub nogumandon kon i Yusup, “Ná inta inontongmu tanaa, wakutuku matoi nodiugdon, táe ki Allah in motuḷungbí kon i monimu bo modia bui kon i monimu mayá in butá in mogoguyangmu.

TAWARIKH 1 16:35

Singogdon, “Oo Allah, Mopoposaḷamat nami, posaḷamatdon in kami nongkon kawasa in bangusa mita bo sipundon bui in kami sinbá motaaudon in kami mopoyaput in sukur bo modayow kon tangoi-Mu inta motusi!”

NEHEMIA 1:9

Táe aka kami in bui mobui mangoi kon ini-Mu bo dumudui bui kon parenta-Mu mita, dá kami inta ain noirarit tatua in sipunon-Mubí bui, umpakabí kami in kon popod mita in butá. Bo kami in pobuion-Mubí bui kon tampat inta ain piniḻí-Mu mobaḻí tampat pooibadaan kon ini-Mu.

AYUB 42:10

Onda intua, naonda in sinambayangan i Ayub in yobayatnea taya toḷu, binaḻí i Tuhan in sia nooyúondon totok bo nobogoi bui kon inia kodua in bayongnea nongkon bayongan in kapunyaannea inta dungkuḷ.

MAZMUR 107:3

Moiko in sinipun-Neadon nongkon butá mita in intau ibanea, nongkon pomukaan bo toyopan, utuan bo toḷatan.

MAZMUR 147:2

Ki Tuhan in mopoguḻitbí in Yerusalem; intau mita inta iḷumbú in diaan-Neabí mobui.

YESAYA 27:12

Kon dodai intua ki Tuhan in mosipun kon bangusa-Nea kon batúannea nongkon Ongkag in Eprat nodapot kon pinosigadan in Mesir. Sia in mopotondíbí kon i monia naonda bo intau inta mopotondí kon batoḷ in gandum nongkon kepanea.

YESAYA 43:5

Dika moondok, sin Akuoi in moḷukad kon inimu. Nongkon toyopan bo nongkon dotá in pomukaan pinotabá-Ku in ki adí bo ki ompumu mamangoi moyosipun.

YESAYA 54:7

“Tongábí tokokiap monag Akuoi in nonaḷámai kon inimu; pinongin ḻimbatú in tabi iko in ginamá-Ku bui.

YESAYA 56:8

Nanaa in guman i Tuhan Inta Totok in moḷantud inta nogatod kon Israel nobui nongkon pinoḷumbúan, “Akuoi in modiabí kon intau ibanea sin dumugang takin monia inta ain notonsipun.”

YEREMIA 12:14

Ki Tuhan in noguman, “Naa in koyow-Ku soaḷ negara mita topodiugmai in Israel inta ain nomoguyaat kon butá inta inogoi-Ku kon umat-Ku Israel. Naonda bo pinomuḷa inta irabut nongkon butá, natuata in intau mita moraat tatua in poḷuaion-Ku nongkon butá mita monia, bo Yohuda in poḷuaton-Ku nongkon kawasa monia.

YEREMIA 23:3

Táe ki agat in umat-Ku in sipunon-Kubí nongkon butá mita inta pinoḷumbúan kon i monia. Mosia in diaan-Kubí buí kon butá monia bo bui monia in modugangdon mobarong.

YEREMIA 29:14

Totuu, moiko in mokodungkuḷbí kon i-Nakó. Moiko in sipunon-Kubí nongkon yuak in bayongan bangusa bo nongkon bayongan in butá inta pinoporaritan bo pinoḷumbúan. Moiko in diaan-Kubí bui kon butámu tanaa bo monompia bui kon kobiaganmu. Akuoi, ki Tuhan, ain nosingog.’

YEREMIA 31:10

Ki Tuhan in noguman, “Indongogai ei bangusa mita! Potaaudon in koyow-Ku modapot kon ḷoḷan in dagat Umat-Ku inta ain pinorarit-Ku in sipunon-Kubí bo biagon naonda bo gombala moḷukad kon dombanea.

OMBAḶ 3:22

Tabi i Tuhan in umur mononoi, totabi-Nea in diábí modai-dait,

OMBAḶ 3:32

Mopaḷut mako in Sia mobogoi in roriga Sia in monotabibí doman, sin Sia in umuranbí motabi kon i naton pongin tabi inta diábí in sigadnea.

YEHEZKIEL 11:17

Akuoi, ki Tuhan Inta Totok in moḷantud, nogumandon kon sipunon-Kubí in mosia nongkon butá mita kon tampat inta kinoraritan monia, bo mopobui in butá in Israel kon i monia.

YEHEZKIEL 36:24

Nongkon batúan in bangusa bo butá, moiko in sipunon-Kubí bo popobui-Ku kon butá monimu tontaní.

YEHEZKIEL 39:28

Dá kotaauandon in umat-Ku kon Akuoibí in ki Tuhan Allah monia. Sin Akuoibí inta nokidia kon i monia pinobayá in pinoḷumbúan, táe Akuoibí doman inta nodia kon i monia nobui kon butá monia tontaní, takin diábí nonaḷámai kon tobatúmai in intau nongkon i monia kon tua.

MIKHA 7:19

Iko in buibí angoian in tabi kon inami bo mongampung kon inami. Dosa mita nami in rita-ritakan-Mubí magí-mako bo pogambat-Mu kon apad in dagat!

ZAKHARIA 10:9

Umpaka pinobaya-bayá-Ku mako in mosia kon yua-yuak in bangusa mita, mosia in umuranbí monorop kon i-Nakó kon tua. Mosia in mosaḷamatbí, natua doman in ki adínea mita bo mobui moyotakin kon butánea.

SURAT I PAULUS KON JAMAAT RUM 11:23

Bo soaḷ mita intau in Yahudi tatua, aka mosia bo mopirisayadon bui, dá tarimaan bidon bui, sin kawasabí i Allah in motarima bui kon i monia.

SURAT I PAULUS KON JAMAAT RUM 11:26

Sahingga in bayongan intau in Yahudi posaḷamatonbí sin kon bonu in Buk Motusi ain pinais nanaa, “Datu Mopoposaḷamat in mamangoi nongkon Sion; Sia in momopatbí kon bayongan aid moraat kon buí i Yakub.

SURAT I PAULUS KON JAMAAT RUM 11:31

Natuabí doman in intau mita in Yahudi tatua. Tanaa mako mosia in diá motoindudui kon i Allah, sinbá moiko in pinoponiataan kon noipilatdon nongkon taḷá. Táe bain mosia doman in poniataan doman kon nobebasdon nongkon taḷá.

ULANGAN 13:17

Barang mita inta mokokatuḷa tatua in diábí motaau tagúon monimu sin pakéon tontaní, táe mustibí ḷoḷangon komintan. Dá torú i Tuhan Mopiong domandon bo poontong-Neadon kon i monimu in tabi-Nea. Motabidon in Sia kon inimu bo baḻíon-Neadon in moiko bangusa inta moḷoben ná inta pinodandi-Nea kon mogoguyangmu,

ULANGAN 4:27

Poyayitonbí i Tuhan in moiko kon sigad in bangusa mita ibanea bo tongádon topiḻik in mobiag in kon sigad monimu.