ULANGAN 30:2 - Alkitab Singog In Mongondow Masa In Tanaa

² Aka moiko bo buímu moibog mobui kon i Tuhan Allahmu, bo takin ḻimbatú in gina dumudui kon parenta-Nea mita inta pinotaauku kon inimu singgai naa,

ULANGAN 30:2 Mawu Ofanana

TAWARIKH 1 29:17

Kinotaauankubí kon Iko in monungkuḷ kon gina in intau kon batúannea bo kinoibog-Mu in intau inta motuḻid in ginanea. Takin gina nobayag bo pia in gina posumbaku in naa komintan kon ini-Mu. Akuoi in nokoontongdon tontaní kon naonda in umat-Mu inta noyosipun kon naa nodia kon sosumba monia kon ini-Mu takin pia in gina.

TAWARIKH 1 29:9

Rayat in nobogoibí takin pia in gina kon i Tuhan bo noḷunganga in gina sin nobayongdon in pinosumba monia. Nosanang domandon totok in gina i Datu Daud.

TAWARIKH 2 30:9

Aka moiko bo mobui mogundoi kon i Tuhan, dá intau mita inta nogakut kon ginaḷum motoḷuadímu nobaḻí intau mita inta dinakop, koangoiandon in tabi bo ogoidon monia mobui in mosia. Ki Tuhan Allahmu in ki Allahbí inta mopia bo oyúon kototabi; tarimaan-Neabí in moiko aka moiko mobui mangoi kon i-Nia.”

NEHEMIA 1:9

Táe aka kami in bui mobui mangoi kon ini-Mu bo dumudui bui kon parenta-Mu mita, dá kami inta ain noirarit tatua in sipunon-Mubí bui, umpakabí kami in kon popod mita in butá. Bo kami in pobuion-Mubí bui kon tampat inta ain piniḻí-Mu mobaḻí tampat pooibadaan kon ini-Mu.

MAZMUR 119:2

Pia in kamang in intau inta dinumudui kon parenta-Nea, bo takin ḻimbatú in gina moḷongasi monotaau kon i Tuhan.

MAZMUR 119:80

Igumon mako in ginaku diá tumabat nongkon atorang-Mu, sinbá diá mooyá in akuoi.

MAZMUR 41:12

Aka akuoi diá taḷowon in musungku, yo kotaauankudon kon Iko in moibog kon inakó.

YEREMIA 29:13

Moiko in motayakbí kon i-Nakó bo moyodungkuḷ-Kubí, sin moiko in motayak takin ḻimbatú in gina.

YEREMIA 3:10

Naonda in nogaid kon tua mita, Yohuda inta diá mosatia tua nobui kon i-Nakó táe tongá ki ubo-uboḷmai, sin ginanea in diábí notuḻid. Akuoi, ki Tuhan, ain nosingog.”

YEREMIA 36:3

Dika-dika bo intau in Yohuda mogogai in mogaid kon inta moraat aka mokodongog in mosia kon bayongan in bodito inta bain popouma-Ku kon i monia. Dá ampungan-Kubí in dosa bo aid moraat monia.”

YEREMIA 4:14

Yerusalem, ḷumbúdon in inta moraat nongkon ginamu sinbá posaḷamaton in iko. Modapot in toonu in raian mita moraat tatua in tagúonmu kon bonu in ginamu?

OMBAḶ 3:32

Mopaḷut mako in Sia mobogoi in roriga Sia in monotabibí doman, sin Sia in umuranbí motabi kon i naton pongin tabi inta diábí in sigadnea.

OMBAḶ 3:40

Biódon mako kita in monaridi kon kobobiag naton, bo mobui kon i Tuhan Allah kon soroga. Igai bukatan naton in gina bo mosambayang,

YEHEZKIEL 6:9

kon tua mosia in mobiag kon bonu in poḷumbúan. Bo kotoropandon monia in Akuoi bo komangaḻeandon monia kon Akuoi in mohukum bo moningkuḻe kon i monia sin gina monia in diá motoindudui kon i-Nakó. Mosia in nonaḷámaidon kon i-Nakó bo ain nomiḻí kon berhala nobaḻí toḻiu-Ku. Bo mosia in doídon kon awak monia tontaní popisí in bayongan in aid moraat bo moromú inta ain inaidan monia.

HOSEA 3:5

Táe moiangoibí in wakutunea bangusa in Israel mobui kon i Tuhan Allah monia, bo kon i datu monia nongkon buí i Daud. Bo moondok in mosia poḷat mohoromat kon i Tuhan, poḷat motarima kon barakat-Nea mita.

IMAMAT 26:40

Táe buímu in mongakubí kon dosa monia bo dosa in mogoguyang monia inta ain noḷawang kon i-Nakó bo ain nomarontak kon i-Nakó,

ZAKHARIA 12:10

Onda intua buí i Daud takin intau mita inta nogutun kon Yerusalem ogoian-Kudon in gina inta kototabi bo moibog mosambayang. Mosia in imindoibí kon inia inta ain sinumbuk monia bo ombaḷan monia naonda bo intau mongombaḷ kon kinopatoian i adínea tuḷong. Mosia in mongombaḷbí imibo-ibog, naonda bo intau inta ain kinobuḻian i adínea guya-guyang.

KORINTUS 2 3:16

Táe aka intau tatua bo mamangoidon kon i Tuhan, yo koḷubung tatua inggamáan bidon nongkon inia.

EPESUS 6:24

Igumon doman mako barakatan i Allah in moiko komintan inta motabi kon i Tuhan naton inta ki Yesus Kristus takin tabi inta diá moobo-obot. Horomat nami, Ki Paulus

ULANGAN 13:3

dikadon iko mokidongog kon tosingogonnea. Ki Tuhan Allahmu in nomaké kon intau tatua sin monungkuḷ kon i monimu, sin moindoi mongo totu-totuu in moiko motabi kon i Tuhan ande diá.

ULANGAN 6:5

Kotabibí in ki Tuhan Allahmu takin bayongan ginamu: Poniata intua kon bonu in kobiaganmu bo oaidmu.

YOHANES 1 1:9

Táe aka akuondon naton in taḷá mita naton kon i Allah, dá aidan-Neabí in onu inta ain pinodandi-Nea bo pobayá-Nea doman onu inta moadil. Ampungan-Neabí in bayongan dosa naton poḷat daritan-Nea doman in kita nongkon bayongan in oaid inta moraat.